Vijay Deverakonda : साउथ सुपरस्टार विजय देवरकोंडाचा एक व्हिडीओ सोशल मीडियावर व्हायरल होत आहे. ज्यामध्ये तो पायऱ्यांवरून घसरताना दिसत आहे. तेवढ्यात त्याची टीम त्याच्या मदतीला धावून गेली. सध्या या घटनेचा व्हिडीओ सोशल मीडियावर व्हायरल होत आहे. ज्यामध्ये विजय देवरकोंडा हा त्याच्या गाण्याच्या प्रमोशनसाठी मुंबईला पोहोचला होता. 


COMMERCIAL BREAK
SCROLL TO CONTINUE READING

दरम्यान, विजय देवरकोंडा शुक्रवारी मुंबईत त्याच्या गाण्याच्या प्रमोशनसाठी आला होता. विजयने मिठीबाई कॉलेजमध्ये त्याच्या एका गाण्याचे प्रमोशन केले. कार्यक्रम झाल्यानंतर विजय देवरकोंडा बाहेर पडत असताना त्याचा पायऱ्यांवरून पाय घसरला आणि तो खाली पडला. 


नेमकं काय घडलं?


विजय देवरकोंडा त्याच्या एका गाण्याच्या प्रमोशनसाठी मुंबईत आला होता. एका कॉलेजमध्ये त्याच्या गाण्याच्या प्रमोशनचा कार्यक्रम आयोजित करण्यात आला होता. कार्यक्रम झाल्यानंतर विजय देवरकोंडा हा त्या बिल्डिंगमधून बाहेर पडत होता. त्यावेळी तो पायऱ्यांवरून उतरत असताना अचानक त्याचा तोल गेला आणि तो पायऱ्यांवर पडला. त्यावेळी त्याच्यासोबत त्याची टीम देखील उपस्थित होती. त्यांनी लगेच विजय देवरकोंडा उठवले. त्यावेळी विजय देवरकोंडाला पाहण्यासाठी चाहत्यांनी देखील मोठी गर्दी केली होती. त्यानंतर विजयने चाहत्यांसोबत फोटोसाठी पोज देखील दिल्या. ज्यावरून असे दिसून येते की त्याला पडल्यामुळे कोणतीही गंभीर हानी झालेली नाही. सध्या या घटनेचा व्हिडीओ व्हायरल होत आहे. 


 

 

 

 



 

 

 

 

 

 

 

 

 

 

 

दरम्यान, विजय देवरकोंडाच्या या व्हिडीओवर चाहत्यांनी चिंता व्यक्त केली आहे. चाहत्यांनी व्हिडीओवर अनेक कमेंट्स केल्या आहेत. याआधी देखील त्याच्या खांद्याला फाईट सीन्सच्या वेळी दुखावत धाली होती. त्यानंतर देखील तो चित्रपटाचे शूटिंग करत आहे.


विजय देवरकोंडा साहिबा गाण्यात दिसणार 


विजय देवरकोंडा हा पहिल्यांदाच हिंदी म्यूझिक व्हिडीओ साहिबा गाण्यात दिसणार आहे. या गाण्यात त्याच्यासोबत जसलीन रॉयल आणि रश्मिका मंदाना देखील दिसणार आहे. काही दिवसांपूर्वीच विजय आणि रश्मिकाने या गाण्याची झलक चाहत्यांना शेअर केली होती. या गाण्याचे दिग्दर्शन सुधांशु सरिया यांनी केलं आहे.