गोंडस-सोज्वळ भूमिकेत दिसणारी प्राजक्ता बोल्ड वेब सीरिजमुळे ट्रोल

मुंबई : मराठी सिनेसृष्टीत आजवरची सर्वात बोल्ड वेबसिरीज लवकरच प्रदर्शित होणार आहे. या वेबसिरीजमुळे मराठी सिनेसृष्टीत नक्कीच हादरा बसेल हे नक्की.

दिग्दर्शक अभिजित पानसे पुन्हा एकदा एक नवीन विषय घेऊन प्रेक्षकांनाच्या भेटीला येत आहेत. पानसे यांच्या 'रानबाजार' या वेबसिरीजचा टीझर नुकताच प्रदर्शित झाला आहे. हा टीझर पाहून मराठी सिनेसृष्टीतला आतापर्यंतचा सर्वात बोल्ड टीझर असल्याचं स्पष्ट होत आहे. सत्य घटनांच्या संदर्भांवर आधारित या वेबसिरीजमध्ये आजवर कधीही न पाहिलेली गोष्ट पाहायला मिळणार आहे.

'रानबाजार' या सीरिजचा टीझर प्राजक्ता माळीने तिच्या इन्स्टाग्राम अकाऊंटवरून शेअर केला आहे.  यात प्राजक्ता माळी अतिशय बोल्ड अंदाजात इंटीमेट सीन देत आहे. टीझरच्या बॅकग्राऊंडला महाराष्ट्र राज्याची मुख्यमंत्र्यांचा शपथविधी सुरू असल्याचं ऐकू येतं. 

हा टीझर शेअर करताना  प्राजक्ताने ''प्रत्येक कलाकाराला आपल्या कारकिर्दीत विविधांगी भूमिकांमध्ये झळकण्याची, समाजात अस्तित्वात असणारी विविध पात्रं साकारण्याची, सतत काहितरी नवं करण्याची इच्छा असते. मी त्याला अपवाद नाही. लहानपणापासून स्मिता पाटील, रंजना यांना बघत मोठी झाले, (मी त्यांच्याइतकी मोठी नक्कीच नाही.) पण त्यांच्या कारकिर्दीतून प्रेरीत होऊन आणि तुम्हां मायबाप रसिक प्रेक्षकांवर विश्वास ठेवून केलेला हा प्रयत्न.

माझ्यातल्या अभिनेत्रीवर विश्वास ठेवून माझ्या पदरी ही भूमिका टाकल्याबद्दल दिग्दर्शत अभिजीत पानसे आणि मराठीतील सगळ्यात मोठी web series बनवल्याबद्दल प्लॅनेट मराठी ओटीटी आणि अक्षय बर्दापूरकर ह्यांचे आभार. १८ तारखेलाला trailer येतोय, २० ला series येतेय…असे कॅप्शन दिलंय.

पण या सगळ्यानंतर अभिनेत्री प्राजक्ता माळीला जोरदार ट्रोलिंगचं शिकार व्हावं लागतंय. अनेकजणांना प्राजक्ताचा हा बोल्ड लूक पाहून धक्का बसत आहे. प्राजक्ताला सोज्वळ भूमिकेत पाहिलंय त्यामुळे प्राजक्ताला असं बघायची अजिबात सवय नाही असंही तिचे चाहते कमेंट बॉक्समध्ये म्हणत आहे. पण काही चाहते मात्र प्राजक्ताचं जोरदार कौतूक करत आहेत. प्राजक्तावर लाईक्स कमेंटचा वर्षाव करत तिच्यावर शुभेच्छांचा वर्षाव करत आहेत. 

संबधित बातमी : अभिनेत्री तेजस्वीनी पंडितचा बोल्ड सीन पाहून चाहते हैराण, लवकरच प्रदर्शित होणार ही 18+ वेब सीरिज