Shocking News : शास्त्रज्ञांचा आगीशी खेळ; तयार केला 80% घातक Corona स्ट्रेन

Corona मुळे कसा हाहाकार होतो हे संपूर्ण जगानं पाहिलं आणि पुन्हा तो अनुभवच नको असं म्हटलं... पण तरीही पालथ्या घड्यावर पाणीच

lethal covid strain: कोरोनाच्या (Corona) माऱ्यातून जग अजूनही सावरलेलं नाही. लसीकरणामुळे या विषाणूशी लढण्याची ताकद सर्वांनाच मिळाली, पण तरीही धोका संपलेला नाही. असं असतानाच आता आणखी एका धोक्यानं डोकं वर काढलं आहे. अमेरिकेतील (America) बोस्टन विश्वविद्यालयाच्या शास्त्रज्ञांनी 80 टक्के मृत्यूदर असणारा कोविडचा एक नवा (Covis new strain) स्ट्रेन शोधून काढला आहे. फॉक्स न्यूजच्या माहितीनुसार चीनमध्येही अशाच प्रकारच्या प्रयोगातून कोरोनाचा जन्म झाला आणि संपूर्ण जगावर यामुळं संकट ओढावलं होतं. सदर संशोधनाची माहिती समोर येताच तज्ज्ञांनी शास्त्रज्ञांवर टीकेची झोड उठवली आहे. सूत्रांच्या माहितीसाठी या संशोधनामध्ये 80 उंदीर मारले गेले. अमेरिकेचं हे संशोधन म्हणजे जणू आगीशी खेळ, या शब्दांत तज्ज्ञांनी भीती व्यक्त केली आहे. (American scientists prepared lethal covid strain of Coronavirus having 80 percent death rate)

हे कसलं संशोधन? 
विश्वविद्यालयाने दिलेल्या माहितीनुसार हा स्ट्रेन ओमायक्रॉन आणि वुहानमधील कोरोनच्या मूळ विषाणूचं मिश्रण आहे. ओमायक्रॉनच्या स्पाईकमधून प्रोटीन काढून ते जिथून कोरोना सुरु झाला होता त्या वुहानच्या विषाणूमध्ये मिश्रित केलं. संक्रमित उंदरांवर या हायब्रिड स्ट्रेनचा काय परिणाम होतो याची नोंद पुढे घेण्यात आली. समोर आलेल्या निकालानुसार हा नवा स्ट्रेन पाचपट वेगानं संसर्ग पसरवणारा असल्याची बाब समोर आली. 

संशोधनावर जगभरातून प्रश्न उपस्थित करण्यास सुरुवात 
फ्लोरिडा आणि बोस्टनमधील काही शास्त्रज्ञांनी नॅशनल इमर्जिंग इंफेक्शियस डिजीज लेबोरेटरीज मध्ये हा शोध लावला. इथं Covid आणि इबोलासारख्या गंभीर स्वरुपातील संशोधनांवर अभ्यास केला जात आहे. 

मुख्य मुद्दा असा, की कोरोनाच्या महामारित नेमकी काय परिस्थिती होते हे आपण सर्वांनीच पाहिलं आणि अनुभवलं. एका संशोधनानं संपूर्ण जगाच्या पाठीचा कणाच मोडला, पण तरीही याच संशोधनाच्या नावावर सृष्टीचे नियम मोडत काही गोष्टी केल्या जात आहेत ज्यामुळं पुन्हा एकदा जीवसृष्टी धोक्यात येऊ शकते. हे कुठेतरी थांबायला हवं. सध्या संपूर्ण जगातून अमेरिकेप्रती नाराजी व्यक्त करत हाच सूर आळवण्यात येत आहे.