कॅल्शियमची कमतरता भरुन काढण्यासाठी दररोज या गोष्टीचं सेवन करा
कॅल्शियमच्या पोषक तत्वांमुळे हाडे, दात आणि नखे कमकुवत होऊ लागतात.
मुंबई : शरीराला निरोगी राहण्यासाठी आवश्यक पोषक तत्वांची गरज असते. यापैकी कोणत्याही एका पोषणाची कमतरता शरीरावर विपरित परिणाम करते. विशेषत: कॅल्शियमच्या पोषक तत्वांमुळे हाडे, दात आणि नखे कमकुवत होऊ लागतात. दूध हा कॅल्शियमचा मुख्य स्त्रोत आहे. कॅल्शियमची कमतरता दूर करण्यासाठी डॉक्टर दररोज दूध पिण्याची शिफारस करतात.
दुधात इतर अनेक पोषक तत्त्वे आढळतात, जी आरोग्यासाठी खूप फायदेशीर ठरतात. आहार चार्टनुसार, प्रौढ व्यक्तीने दररोज 1000 मिलीग्राम कॅल्शियम आणि 50 वर्षांवरील महिलांनी दररोज 1200 मिलीग्राम कॅल्शियमचे सेवन केले पाहिजे.
4 वर्षांपासून ते 18 वर्षांच्या मुलांनी दररोज 1300mg कॅल्शियमचे सेवन केले पाहिजे. एका ग्लास दुधात 300 मिलीग्राम कॅल्शियम असते. यासाठी दररोज दूध आणि दुग्धजन्य पदार्थांचे सेवन करा. पण जर तुम्हाला दूध प्यायला आवडत नसेल, तर त्याऐवजी पुढील गोष्टींचं सेवन करा.
आरोग्य तज्ञांच्या मते, सबजाच्या बियामध्ये कॅल्शियम भरपूर असते. फक्त 45 ग्रॅम सबजाच्या बियांमध्ये एक ग्लास दुधाच्या समान कॅल्शियम मिळते. कॅल्शियमची कमतरता दूर करण्यासाठी रोज सबजाच्या बिया खा. त्याच्या सेवनाने हाडे, दात आणि नखे मजबूत होतात. या बियाण्यांमध्ये फायबर देखील मुबलक प्रमाणात आढळते. यामुळे पोट बराच काळ भरलेले राहते. जर तुम्ही लठ्ठपणामुळे त्रस्त असाल आणि वाढत्या वजनावर नियंत्रण ठेवायचे असेल तर रोज सबजाच्या बिया खा.
खसखसमध्ये मॅग्नेशियम आणि कॅल्शियम मुबलक प्रमाणात आढळतात. आरोग्य तज्ञांच्या मते, 20 ग्रॅम खसखसचे सेवन केल्याने शरीराला 300 मिलीग्राम कॅल्शियम मिळू शकते. त्यात प्रथिनेही मुबलक प्रमाणात आढळतात. यासाठी, तुम्ही दररोज खसखस खाऊ शकता. त्याच्या सेवनाने हाडे मजबूत होतात.
हिरव्या पालेभाज्या
शरीराला फक्त 150 ते 200 ग्रॅम हिरव्या पालेभाज्यांमध्ये पुरेसे कॅल्शियम मिळू शकते. यासाठी काळे, मेथी आणि पालक हिरव्या भाज्यांचा आहारात समावेश केला जाऊ शकतो. त्यात लोह देखील आढळते, जे लाल रक्तपेशी तयार करण्यास मदत करते.
नाचणीची भाकर
100 ग्रॅम नाचणीमध्ये 300 मिलीग्राम कॅल्शियम असते. याव्यतिरिक्त, त्यात पोटॅशियम देखील आढळते, जे उच्च रक्तदाब नियंत्रित करण्यास मदत करते. याशिवाय नाचणीमध्ये लोहही आढळते. नाचणीच्या सेवनाने साखर देखील नियंत्रित केली जाऊ शकते. जर तुम्हाला कॅल्शियमची कमतरता दूर करायची असेल तर रोज नाचणीची रोटी खा.