Buttermilk Benefits : उन्हाळ्यात रोज ताक प्यायल्यास आरोग्यासाठी होतात हे 4 फायदे

उन्हाळ्यात रोज ताक प्यायल्यास मोठे फायदे होतात. जाणून घ्या.

Buttermilk Benefits : तापमानात सातत्याने वाढ होत असून, त्यातून दिलासा मिळण्याची आशा नाही. कडक सूर्यप्रकाश आणि घाम येणे यामुळे शरीराचे हायड्रेशन होते. त्यामुळे यावेळी भरपूर पाणी पिणे गरजेचे आहे, जेणेकरून शरीरात पाण्याची कमतरता भासू नये. पाण्याशिवाय तुम्ही हेल्दी ज्यूस आणि शेक देखील पिऊ शकता. यासोबतच नारळ पाणी, लस्सी आणि ताक यांसारखी नैसर्गिक पेये देखील आहेत, ज्यामुळे तुम्हाला अनेक फायदे मिळू शकतात.

ताक उष्णतेपासून तुमचे संरक्षण तर करतेच, पण अन्न पचण्यासही मदत करते. हे खूप हलके आहे. तज्ज्ञांच्या मते, उन्हाळ्यात नियमितपणे ताक प्यायल्यास अनेक आजार तुमच्यापासून दूर राहतील.

ताक पिण्याचे फायदे

आयुर्वेदानुसार ताक प्यायल्याने आरोग्य चांगले राहते आणि अनेक आजार दूर होतात.

ताक पोटासाठी हलके आहे. ताक पचण्यास सोपे असते, तसेच ते पचन सुधारण्याचे काम करते.

उन्हाळ्यात, लोकांना पोट फुगणे, पचनाच्या समस्या, गॅस्ट्रो, भूक न लागणे यासारख्या पोटाच्या समस्यांचा सामना करावा लागतो, ज्यावर ताकाचे नियमित सेवन केल्याने मात करता येते.

ताक कसे बनवायचे?

1/4 कप दही घ्या आणि त्यात एक कप पाणी घाला.

त्यात चवीनुसार मीठ घालावे. नंतर त्यात अर्धा चमचा भाजलेल्या जिऱ्याची पूड घाला.

हँड ब्लेंडर किंवा मिक्सरच्या मदतीने ते मिक्स करावे.

एका ग्लासमध्ये काढून त्यावर कोथिंबीर, पुदिन्याची पाने घालू शकता.

जेवण झाल्यावर ताक प्या.