Corona In China : चीनमधलं धडकी भरवणारं ही दृश्य पुन्हा एकदा समोर आलीयेत. कोरोनाच्या रुग्णांनी खचाखच हॉस्पिटल्स भरली आहे. बेड रिकामा नसल्याने आता जमिनीवरच उपचार सुरु करण्यात आलेत. शेळ्या मेंढ्यांसारखे पटापट मरणारे रुग्ण... आणि हॉस्पिटलमध्ये मृतदेहांचे खच... चीनमध्ये कोरोनामुळे पुन्हा असं मृत्यूचं तांडव सुरू आहे.


COMMERCIAL BREAK
SCROLL TO CONTINUE READING

चीनमध्ये कोरोना रुग्णांची संख्या एवढी झपाट्याने वाढली आहे की, हॉस्पिटलमधली व्यवस्थाही कमी पडू लागलीये. बेडसोबत व्हेंटिलेटर आणि ऑक्सिजनचा देखील तुटवडा भासतोय.


कोरोनामुळे चीनमध्ये मृत्यूचं 'तांडव' 


  • चीनमध्ये सध्या कोरोनाचा BF.7 हा ओमायक्रॉनचा सब व्हेरियंट थैमान घालतोय

  • खोकला, ताप, थकवा, घशात खवखव अशी या व्हायरसची लक्षणं आहेत

  • धक्कादायक बाब म्हणजे हा व्हेरियंट झपाट्यानं पसरतोय

  • पुढच्या काही दिवसांत तब्बल 80 कोटी लोकांना कोरोनाचा संसर्ग होण्याची शक्यता आहे

  • तर 1 एप्रिल 2023 पर्यंत आणखी 1 लाख लोकांचा मृत्यू होऊ शकतो, अशी भीती व्यक्त केली जातेय.



केवळ चीनच नव्हे तर जगभरातील अनेक देशांमध्ये कोरोनाचा कहर पुन्हा वाढलाय. गेल्या 24 तासांमध्ये काही देशांमध्ये इतके मृत्यू नोंदवण्यात आलेत.


  • अमेरिकेत - 308

  • जपानमध्ये - 231

  • ब्राझीलमध्ये - 216

  • जर्मनी - 201

  • फ्रान्स- 30 


60 टक्के लोकांना होणार संसर्ग


अमेरिकेतील संस्था एनपीआरमध्ये पब्लिश करण्यात आलेल्या अहवालानुसार, कोरोनाच्या या लाटेत देशातील जवळपास 60 टक्के लोकसंख्येला कोरोनाचा संसर्ग होऊ शकतो. येल युनिवर्सिटीतील सार्वजनिक आरोग्यावर रिसर्च करणाऱ्या तसंच चिनी आरोग्य व्यवस्थेतील तज्ज्ञ शी चेन यांनी हा अहवाल सादर केलाय. याचाच अर्थ येणाऱ्या 90 दिवसांमध्ये पृथ्वीवरच्या तब्बल 10 टक्के लोकसंख्येला कोरोनाची लागण होण्याची शक्यता आहे. 


चीनसह संपूर्ण जगभरात पसरलेली कोरोनाची नवी लाट भारतातही येण्याची शक्यता आहे.. तिचा मुकाबला करण्यासाठी योग्य खबरदारी घेण्याची गरज आहे. लॉकडाऊनची वेळ येऊ नये, असं वाटत असेल तर आतापासूनच सतर्क राहा, सेफ राहा... आणि मास्क लावा.