डेटवर जाताना या ५ चुका कधीच करु नका, अन्यथा नात्यावर होईल परिणाम

तुमच्या पार्टनरसोबत डेटवर जात असाल तर अशा चुका करु नका

मुंबई : कोणाबरोबर नातेसंबंधात येणे ही फार मोठी गोष्ट नाही, ती नाती दीर्घकाळ टिकून राहणे ही मोठी गोष्ट आहे. जेव्हा तुम्ही पहिल्यांदा कोणासोबत डेटवर जाता, तेव्हा तुमच्या मनात अनेक प्रकारचे प्रश्न असतात. बरेच लोक डेटवर जाण्यापूर्वी चिंताग्रस्त असतात, जसे की कोणते कपडे घालावेत? काय ऑर्डर करावे? कुठे आणि कसे बोलायला सुरुवात करावी? परंतु आपल्याला हे माहित असले पाहिजे की आपल्या मित्रापेक्षा कोणीही आपल्याला चांगले ओळखू शकत नाही. 

जर तुम्हीही तुमच्या पार्टनरसोबत डेटवर जात असाल तर या चुका करू नका कारण या चुका तुमचे नाते बिघडवू शकतात. त्या चुका काय आहेत हे तुम्हाला आज सांगणार आहोत.

शो ऑफ करु नका
आजचे युग शो ऑफचे युग आहे. अशा परिस्थितीत, जेव्हा तुम्ही तुमच्या जोडीदाराशी बोलता, तेव्हा अजिबात दाखवू नका. मोकळेपणाने बोला पण तुमचे शब्द आणि तुमच्या वागण्याने असे वाटू नये की तुम्ही काहीतरी दाखवत आहात.

ड्रेसकडे लक्ष द्या
जेव्हा तुम्ही एखाद्या पार्टीला जाता किंवा पहिल्यांदा कोणाला भेटता, तेव्हा तुम्ही कपड्यांवर सर्वाधिक लक्ष केंद्रित करता आणि ते करायला ही हवे. पहिल्या डेटला तुम्हाला शोभेल असे कपडे घाला. महागडे कपडे घालणे आवश्यक नाही. असे कपडे घाला जे तुम्हाला आणि इतरांना चांगले वाटले. तुमच्या डेटला तुम्ही चांगले कपडे घातले पाहिजे.

फोनपासून लांब राहा
आजकाल लोक फोनमध्ये जास्त वेळ घालवतात. एखाद्या ठिकाणी उभे असाल किंवा एखाद्याबद्दल बोलत असाल तरीही व्यक्ती हा फोनमध्ये व्यस्त असतो. अशा परिस्थितीत, जर तुम्ही पहिल्यांदा कोणासोबत डेटवर जात असाल, तर तिथे पोहचल्यानंतर थोडा वेळ तुमच्या फोनपासून अंतर ठेवा. जर तुम्ही फोनवर व्यस्त असाल, तर तुमचा जोडीदार विचार करू शकतो की तुमचे लक्ष त्याच्याकडे नाही. ज्यामुळे गोष्टी आणखी वाईट होऊ शकतात.

सहजपणे बोला
पहिल्या डेटचा परिणाम नेहमीच मोठा असतो. अशा परिस्थितीत, केवळ आपल्या डेटसाठीच नव्हे तर इतर सर्वांसोबत विनम्र व्हा. तुमच्या जोडीदाराशी अशा प्रकारे बोलू नका की त्याला कंटाळा येईल किंवा तो लवकरच तिथून निघण्याचा प्रयत्न करू लागेल. आवश्यक तेवढेच बोला.

समोरच्याचं बोलणं पूर्ण होऊ द्या.
पहिल्या डेटला आपल्या जोडीदाराला बोलण्याची संधी द्या आणि त्याच सहजतेने त्याला उत्तर द्या. त्याचे कोणतेही शब्द मध्येच कधीही कापू नका. संभाषणादरम्यान, लक्षात ठेवा की जर तुम्ही तुमच्या जोडीदाराशी बोलत असाल तेव्हा कोणत्याही तिसऱ्या व्यक्तीला काहीही ऐकू जावू नये.