डायबिटिस ते वजन कमी करण्यासाठी सगळ्यावर एकच पीठ गुणकारी, सहज होईल कमी
तुम्ही आहारात केलेले बदल तुमच्या शरीरासाठी फायदेशीर ठरतात. अशावेळी या पीठाचा आहारात समावेश केल्याने डायबिटिस आणि वजन कमी करण्यासाठी मदत होते.
Healthy Diet : जर एखादी व्यक्ती आजारी असेल तर त्यााला अनेक शारीरिक समस्यांना सामोरे जावे लागता. अशावेळी डाएटमध्ये काही खास बदल करणे गरजेचे असते. काय खावे काय प्यावे, कोणते पदार्थ आहारातून टाळावेत हे समजून घेणे महत्त्वाचे आहे. सामान्यपणे आरोग्याशी संबंधित समस्यांचे निराकरण करण्यासाठी फळे, भाज्या आणि डाळींमध्ये बदल करण्याचा निर्णय दिला जातो. पण यासोबतच पीठातही बदल करणे तितकेच गरजेचे असते.
न्यूट्रिशनिस्ट तनवी टुटलानी यांनी आपल्या सोशल मीडिया अकाऊंटवर एक खास पीठाची रेसिपी शेअर केली आहे.
कोणत्या पीठाची पोळी कधी खावी?
न्यूट्रिशनिस्टच्या मते, PCOS मध्ये नाचणी आणि ज्वारीचे पीठ मिक्सकरून भाकऱ्या केल्या जातात. नाचणीच्या पिठात प्रथिने आणि फायबरचे प्रमाण जास्त असते. त्यात कॅल्शियमचे प्रमाणही चांगले असते आणि ते ग्लूटेनमुक्तही असते. हे पीठ त्वचेचे नुकसान दूर करण्यास आणि वजन कमी करण्यास देखील मदत करते. ज्वारीच्या पिठाबद्दल बोलायचे झाले तर त्यात भरपूर फायबर असते, ते ग्लूटेन फ्री असते, त्यात प्रथिने आणि लोह मुबलक प्रमाणात आढळते.
थायरॉईडमध्ये बाजरी आणि ज्वारीचे पीठ एकत्र मिसळता येते. बाजरीला सुपरफूड म्हणतात. हे पीठ एनर्जी लेव्हल वाढवते, कोलेस्ट्रॉस कमी करते, हे अँटी-ऑक्सिडंट्सने भरपूर असते आणि शरीरातील खराब कोलेस्ट्रॉस नियंत्रित करण्यासाठी देखील प्रभावी आहे. या पिठातील दाहक-विरोधी गुणधर्म शरीरातील जळजळ कमी करतात.
डायबिटिस-वेट लॉससाठी काय महत्त्वाचे
डायबिटीज असल्यास नाचणी आणि बेसन एकत्र मिक्स करून घेऊ शकता. नाचणीचे पीठ भरपूर प्रमाणात फायबर असल्याने रक्तातील साखर नियंत्रित ठेवण्यास प्रभावी आहे. हे पीठ रक्तातील साखर वाढण्याचा धोका कमी करते म्हणजेच रक्तातील साखर अचानक वाढवते. त्याच वेळी, बेसन हे विरघळणाऱ्या फायबरचा चांगला स्रोत आहे आणि रक्तातील साखरेची पातळी राखण्यासाठी उपयुक्त आहे.
वजन कमी करण्यासाठी गहू, ओट्स आणि सोया पीठ मिक्स करून रोटी बनवता येते. शरीराचे वाढते वजन या पिठाच्या मिश्रणाने नियंत्रित करता येते. या पिठापासून बनवलेल्या रोट्या खाल्ल्याने पोट जास्त काळ भरलेले राहते आणि जास्त खाण्याची शक्यता कमी होते. हृदयाचे आरोग्य राखण्यासाठी गव्हाचा कोंडा, नाचणी आणि ओट्स यांचे मिश्रण करून पीठ तयार करता येते. पोषणतज्ज्ञांच्या मते, प्रत्येक भाकरीमध्ये फक्त 30 ग्रॅम पीठ असावे.