तांदूळ,फळभाज्या ते औषधांपर्यंत.. भेसळ झालीय हे कसं ओळखाल?
Fake Eatables: आपण खात असलेल्या पदार्थांमध्ये पौष्टिक गुणधर्म कमी आहेत आणि रोग निर्माण करणारी रसायने जास्त आहेत.
Fake Eatables: सकाळच्या चहापासून ते रात्रीच्या जेवणापर्यंच आपण जे पदार्थ खातो ते चांगल्या ठिकाणाहून घेणे आवश्यक आहे. कारण आजच्या काळात माणसाचा लोभ खूप वाढला आहे. थोड्याशा फायद्यासाठीही लोक इतरांचा जीव धोक्यात घालण्यास मागेपुढे पाहत नाहीत. पूर्वी काही आजार एका विशिष्ट वयानंतर लोकांना आजार होत असत. पण सध्या तारुण्यातच अनेक प्रकारचे आजार दिसून येत आहेत. तेच आजार लहान मुलांमध्येही दिसून येत आहेत. लोकांच्या जीवनशैलीसोबत खाण्या-पिण्याच्या सवयींमध्ये झालेला बदल याला कारणीभूत आहे. खाद्यपदार्थांमध्ये होणारी भेसळही मोठ्या प्रमाणात तुमच्या आरोग्यावर परिणाम करते. पण हे समजणार कसे? असा प्रश्न तुम्हाला पडला असेल.
आपण खात असलेल्या पदार्थांमध्ये पौष्टिक गुणधर्म कमी आहेत आणि रोग निर्माण करणारी रसायने जास्त आहेत. पूर्वीच्या काळी भाज्या आणि फळांमध्ये पौष्टिक गुणधर्म आढळून यायचे पण आता ते लवकर मोठे करण्यासाठी अनेक प्रकारची रसायने टाकली जातात. यामुळे ते कमी निरोगी आणि अधिक धोकादायक बनतात. या खाद्यपदार्थांची सत्यता कशी तपासायची हे सोशल मीडियावर समजावून सांगण्यात आले. याद्वारे तुम्ही आईस्क्रीमपासून ते बटरपर्यंत आणि अगदी काही फळांपर्यंत सर्व काही तपासू शकता.
अगदी सोप्या पद्धतीने तपासा
शेअर केलेल्या व्हिडीओमध्ये अनेक गोष्टींची सत्यता तपासण्याची पद्धत दाखवण्यात आली आहे. आजच्या काळात लोकांच्या पोटात खाद्यपदार्थ्यांच्या माध्यमातून विष कसे जाते हे तुम्हाला पाहायला मिळेल. बाजारात बनावट तांदळाचीही आवक सुरू झाली आहे. हे तपासण्यासाठी एक चमचा तांदूळ भरून चुलीवर जाळून टाका. जर तांदूळ खरा असेल तर तो थेट जळून राख होईल. जर ते बनावट असेल तर ते वितळेल. तसेच टरबूज पाण्यात टाकून तपासता येते.
अगदी चीज आणि बटरही बनावट
आता तर नकली लोणीही बाजारात मिळत असल्याचे व्हिडीओमध्ये दाखवण्यात आले होते. हे गरम पाण्याने तपासले जाऊ शकते. चीज वितळवून खरी की बनावट ओळखता येते. याहून धक्कादायक म्हणजे औषधांमध्येही भेसळ असते. औषधे ओव्हनमध्ये ठेवून यामागचे सत्य शोधले जाऊ शकते. हा व्हिडीओ पाहिल्यानंतर भेसळयुक्त बनावट पदार्थ खाण्यापासून तुमचे संरक्षण होऊ शकते. लोकांना हा व्हिडीओ खूप उपयुक्त वाटला आहे. त्यामुळे युजर्स हा व्हिडीओ मोठ्या प्रमाणात शेअरही करत आहेत.