`या`कारणामुळे पुरूषांचे केस गळतात, तात्काळ सुधारा चूक अन्यथा...

मुंबई : फक्त मुलीच नाही तर आजकाल पुरुषांनाही केसगळतीचा त्रास होतो. आजकालच्या बदलत्या जीवनशैलीमुळे आणि खाण्याच्या सवयींमुळे लोकांना केसगळतीची समस्या तर असतेच पण अनेक प्रकारचे आजारही होतात. अशी अनेक कारणे आहेत, ज्यामुळे पुरुषांना केस गळण्याची जास्त शक्यता असते.

यामध्ये प्रामुख्याने तुमची जीवनशैली, अन्न आणि तणाव यांचा समावेश होतो. याशिवाय पुरुषांमध्ये केस गळण्याची काही कारणे आहेत. चला तर मग जाणून घेऊया पुरुषांचे केस का गळतात आणि त्यावर उपाय काय आहेत.

पुरूषांचे केस गळण्यामागचे प्रमुख कारण 

मीडिया रिपोर्ट्सनुसार, केस गळण्याचे आणखी एक प्रमुख कारण म्हणजे इस्ट्रोजेनिक अलोपेसिया, जे पुरुषांमध्ये आढळणारे डीटीएच हार्मोनच्या असंतुलनामुळे होते. यामध्ये पुरुषांच्या डोक्याच्या एका भागातून केस वेगाने बाहेर येऊ लागतात. असे मानले जाते की 30 टक्के पुरुषांमध्ये ही समस्या वयाच्या 30 व्या वर्षी सुरू होते.

हार्मोनल बदल देखील महत्वाच कारण 

याशिवाय, असे मानले जाते की डोक्यावर किंवा शरीरावर केस वाढण्यामागे हार्मोनल कारण असते आणि ते गळण्यामागे ही कारणे असतात. अनेक रिपोर्ट्समध्ये असा दावा करण्यात आला आहे की, टेस्टोस्टेरॉन हा सेक्स हार्मोन पुरुषांचे केस गळण्याचे मुख्य कारण आहे.

अनुवांशिक हे देखील केस गळतीचे महत्वाचे कारण 

याशिवाय अनुवांशिक कारण देखील याचे सर्वात मोठे कारण आहे. जर तुम्हाला देखील टाळूच्या केसांची समस्या असेल तर याचे कारण अनुवांशिक देखील असू शकते.