Why is Papaya Wrapped In Newspaper: आपण बाजारात भाज्या, फळं खरेदी कऱण्यासाठी जातो तेव्हा त्यांना अत्यंत व्यवस्थित ठेवल्याचं पाहतो. खराब होऊ नये किंवा योग्य किंमतीत विक्री व्हावी यासाठी विक्रेते योग्य काळजी घेत असतात. पण जर तुम्ही फळांच्या बाजारात कधी नीट पाहिलं असेल तर पपईला नेहमी वृत्तपत्रात गुंडाळून ठेवलेलं असतं. पण यामागील नेमकं कारण काय आहे हे तुम्हाला माहिती आहे का? नसेल तर मग जाणून घ्या. 


COMMERCIAL BREAK
SCROLL TO CONTINUE READING

पपईला वृत्तपत्रात गुंडाळून विकण्यामागे अनेक वैज्ञानिक कारण आहेत. ही कारणं समजून घ्या. 


1) इथिलीन नावाचा नैसर्गिक वायू


इथिलीन गॅस: पपई, इतर अनेक फळांप्रमाणे, इथिलीन नावाचा नैसर्गिक वायू सोडतो. हा वायू त्याच्या पिकण्यात महत्त्वाची भूमिका बजावतो. हा वायू एंजाइमांना चालना देतो, जे स्टार्चचे शर्करामध्ये विभाजन करतात, फळ मऊ करतात आणि त्याची चव वाढवतात.


2) इथिनील गॅसला रोखणं


जेव्हा तुम्ही पपईला कागदात गुंडाळता (विशेषतः इंग्रजी वृत्तपत्र) तेव्हा फळातून बाहेर पडणारा इथिलीन वायू बंदिस्त जागेत अडकतो आणि इथिलीनचे हे प्रमाण पपईच्या पिकण्याच्या प्रक्रियेला गती देतं.


3) प्लास्टिकचा वापर का नाही?


प्लास्टिकऐवजी कागदाची निवड करण्यामागेही कारण आहे. कारण कागद हवेची देवाणघेवाण करण्यास परवानगी देतो आणि जास्त ओलावा वाढण्यापासून प्रतिबंधित करतो. दुसरीकडे, प्लॅस्टिक ओलावा अडकवते, ज्यामुळे चिकटपणा आणि बुरशी येऊ शकतो. म्हणून, कागद वापरणे किंवा वर्तमानपत्रात गुंडाळणं जास्त चांगलं असतं.


4) पपई किती हिरवी यावर होतो निर्णय


पपई सुरुवातीला किती हिरवी होती याच्या आधारे तिला कागदाच्या पिशवीत किंवा वृत्तपत्रात ठेवायचं हे अवलंबून असतं. यामुळे पपई दोन ते तीन दिवसांत पिकते.