7th Pay Commission | सरकारी कर्मचाऱ्यांसाठी खुशखबर! किमान वेतनात वाढ निश्चित; जाणून घ्या किती होईल पगार

नवी दिल्ली: 7th Pay Commission Latest News: कर्मचाऱ्यांसाठी पुन्हा एकदा आनंदाची बातमी आहे. महागाई भत्ता(Dearness allowance), एचआरए आणि टीए प्रमोशन मिळाल्यानंतर आता नव्या वर्षात सरकारी कर्मचाऱ्यांना पुन्हा पगारवाढीची भेट मिळणार आहे. फिटमेंट फॅक्टरमध्ये वाढ जवळपास निश्चित मानले जात आहे.

फिटमेंट फॅक्टरमध्ये वाढ

यापूर्वी 2016 मध्ये फिटमेंट फॅक्टर वाढला होता. त्याच वर्षी सातवा वेतन आयोग लागू करण्यात आला. त्यावेळी कर्मचाऱ्यांचे किमान वेतन 6 हजारांवरून थेट 18 हजारांवर गेले होते. या वर्षी सरकारकडून पुन्हा केंद्रीय कर्मचाऱ्यांच्या (CG employees salary) पगारात वाढ होणार असल्याची शक्यता वर्तवण्यात येत आहे. 

सूत्रांनी दिलेल्या माहितीनुसार, केंद्रीय आणि राज्य कर्मचाऱ्यांचे फिटमेंट फॅक्टर या महिन्यात वाढू शकते. फिटमेंट वाढल्याने केंद्रीय कर्मचाऱ्यांचे किमान वेतन पुन्हा एकदा वाढणार आहे.

फिटमेंट फॅक्टर म्हणजे काय

फिटमेंट फॅक्टर हा घटक केंद्रीय कर्मचाऱ्यांच्या पगारात अडीच पटीने वाढतो. 7 व्या वेतन आयोगाच्या शिफारशींनुसार, केंद्रीय कर्मचार्‍यांचे वेतन भत्त्यांव्यतिरिक्त त्यांचे मूळ वेतन आणि फिटमेंट फॅक्टरच्या आधारावर निर्धारित केले जाते.

सरकारचा विचार

केंद्र आणि राज्य सरकारी कर्मचाऱ्यांचा फिटमेंट फॅक्टर 2.57 टक्क्यांवरून 3.68 टक्क्यांपर्यंत वाढवावा, अशी अनेक वर्षांपासूनची मागणी आहे. नवीन आर्थिक वर्षाच्या आधी केंद्रीय कर्मचाऱ्यांचे फिटमेंट फॅक्टर ठरवले जाणे अपेक्षित आहे.

यानंतर कर्मचाऱ्यांच्या किमान पगारातही वाढ होणार आहे.

पगार किती वाढेल

जर फिटमेंट फॅक्टर (Central govt employee Fitment factor)वर करार झाला तर कर्मचाऱ्यांच्या पगारात बंपर वाढ होईल. किंबहुना, फिटमेंट फॅक्टर वाढल्याने किमान वेतनही वाढते.

सध्या कर्मचाऱ्यांना फिटमेंट फॅक्टर अंतर्गत 2.57 टक्के फिटमेंट फॅक्टरच्या(Salary under fitment factor) आधारे वेतन मिळत आहे. आता ती वाढवून 3.68 टक्के करण्याची चर्चा सुरू आहे.