मुंबई : तुम्हालाही घरी बसून पैसे कमवायचे असतील किंवा नोकरी सोडून स्वतःचा व्यवसाय सुरू करायचा असेल, तर देशातील सर्वात मोठी सरकारी बँक स्टेट बँक ऑफ इंडिया तुमच्यासाठी एक चांगली संधी घेऊन आली आहे. तुम्ही व्यवसायाच्या माध्यमातून दरमहा 90 हजार रुपयांपर्यंत नफा कमवू शकता. आम्ही SBI ATM फ्रँचायझीबद्दल बोलत आहोत. जर तुम्ही एटीएम फ्रँचायझी घेतली तर तुम्ही दर महिन्याला भरपूर कमाई करू शकता.


एटीएम फ्रँचायझीसाठी असा करा अर्ज


COMMERCIAL BREAK
SCROLL TO CONTINUE READING

कंपन्यांच्या अधिकृत वेबसाइटवरून एसबीआय एटीएम फ्रँचायझीसाठी ऑनलाइन अर्ज केला जाऊ शकतो. हे लक्षात घ्या की, एटीएम बसवणाऱ्या कंपन्या वेगळ्या आहेत. यातील बहुतांश करार इंडिकॅश, मुथूट एटीएम आणि इंडिया वन एटीएमसोबत केले जाता. या कंपन्याच तुम्हाला या बँकेची फ्रँचायझी देतात.


एसबीआयची एटीएम फ्रँचायझी घेण्यासाठी काय आवश्यकता आहे.


एटीएमसाठी 50-80 चौरस फूट जागा असावी.
इतर ATM पासून अंतर 100 मीटर असावे.
जागा तळमजला आणि चांगली दृश्यमानता असावी.
२४ तास वीजपुरवठा असावा. १ किलोवॅट वीज जोडणी आवश्यक.
एटीएममध्ये दररोज सुमारे 300 व्यवहार करण्याची क्षमता असावी.
एटीएमच्या जागेवर काँक्रीटचे छत असावे.
V-sat स्थापित करण्यासाठी सोसायटी किंवा प्राधिकरणाकडून ना हरकत प्रमाणपत्र (NOC) आवश्यक आहे.


या कागदपत्रांची आवश्यकता असेल


ओळखपत्र - आधार कार्ड, पॅन कार्ड, मतदार कार्ड
पत्ता पुरावा - रेशन कार्ड, वीज बिल
बँक खाते आणि पासबुक
फोटो, ई-मेल आयडी, फोन नंबर
जीएसटी क्रमांक
आर्थिक कागदपत्रे


तपशील येथून पाहता येईल


टाटा इंडिकॅश - www.indicash.co.in
मुथूट एटीएम - www.muthootatm.com/suggest-atm.html
इंडिया वन एटीएम - india1atm.in/rent-your-space


तुम्हाला किती गुंतवणूक करावी लागेल?


तुम्ही इंडियाकॅश वेबसाइटवरून एसबीआय एटीएम फ्रँचायझीसाठी अर्ज करू शकता. ही देशातील सर्वात मोठी आणि जुनी कंपनी आहे. एसबीआयच्या एटीएमसाठी 2 लाखांची सुरक्षा ठेव ठेवावी लागेल. ते पूर्णपणे परत करण्यायोग्य आहे. याशिवाय 3 लाख रुपयांचे खेळते भांडवल आवश्यक आहे. याची एकूण गुंतवणूक 5 लाख रुपयांपर्यंत असेल.


आपण कसे कमवाल?


SBI ATM फ्रँचायझीमध्ये, प्रत्येक रोख व्यवहारावर रु.8 आणि नॉन-कॅश व्यवहारावर रु.2 नफा उपलब्ध आहेत. गुंतवणुकीवरील परतावा वार्षिक आधारावर 33-50% आहे. जर दररोज 250 व्यवहार होत असतील, ज्यामध्ये 65 टक्के रोख रकमेचे आणि 35 टक्के नॉन-कॅश व्यवहार होत असतील, तर मासिक उत्पन्न 45 हजार रुपयांच्या जवळपास असेल. त्याचबरोबर दररोज 500 व्यवहारांवर सुमारे 88-90 हजार कमिशन मिळणार आहे. अशा प्रकारे तुम्ही पैसे कमाऊ शकता.