मुंबई : SBI Annuity Deposit Scheme:  तुम्हाला तुमचे उत्पन्न वाढवण्यासाठी गुंतवणूक करायची असेल, तर आम्ही तुम्हाला एक चांगला मार्ग सांगणार आहोत जो निश्चित उत्पन्नासाठी सर्वोत्तम पर्याय आहे. एसबीआय अ‍ॅन्युइटी डिपॉझिट स्कीममधील (SBI Annuity Scheme)  गुंतवणुकीद्वारे तुम्ही दरमहा चांगली कमाई करु शकता.


COMMERCIAL BREAK
SCROLL TO CONTINUE READING

शेअर मार्केटमध्ये गुंतवणूक करण्यासाठी जोखीम घेण्याची क्षमता असणे देखील महत्त्वाचे आहे. यावेळी जगभरातील शेअर बाजारात विक्रीचे वातावरण आहे. अशा परिस्थितीत लोक गुंतवणुकीद्वारे त्यांचे भविष्य अधिक सुरक्षित करण्याच्या योजना आखतात, परंतु कधीकधी चुकीच्या ठिकाणी गुंतवणूक केल्याने त्यांची समस्या वाढते. अशा परिस्थितीत, आपण योग्य ठिकाणी गुंतवणूक करणे खूप महत्वाचे आहे जेणेकरून आपल्याला कोणतीही समस्या येऊ नये. देशातील सर्वात मोठी सरकारी बँक स्टेट बँक ऑफ इंडियाने ग्राहकांसाठी वार्षिकी योजना आणली आहे.


SBIच्या वार्षिकी योजनेची वैशिष्ट्ये 


1- SBIच्या सर्व शाखांमधून अ‍ॅन्युइटी डिपॉझिट स्कीममध्ये गुंतवणूक केली जाऊ शकते.
2- वार्षिकी योजनेत किमान 25 हजार रुपये जमा करावे लागतील.
3- SBI कर्मचारी आणि माजी कर्मचाऱ्यांना 1 टक्के अधिक व्याज मिळेल.
4- ज्येष्ठ नागरिकांना 0.5 टक्के अधिक व्याज दिले जाईल.
5-  Term Deposit - मुदत ठेवीचे व्याजदर देखील या योजनेवर लागू होतील.
6- ठेवीच्या पुढील महिन्यापासून नियोजित तारखेला वार्षिकी दिली जाईल. 
7- एन्युटीच्या मिळणाऱ्या पैशावर TDS कापून बचत खाते किंवा चालू खात्यावर पैसे जमा केले जातील.
8- एकरकमी रकमेवर चांगला परतावा मिळविण्यासाठी एक चांगली योजना आहे.
9- विशेष परिस्थितीत, अ‍ॅन्युइटी डिपॉझिटच्या शिल्लक रकमेच्या 75 टक्क्यांपर्यंत ओव्हरड्राफ्ट / कर्ज मिळू शकते.
10- अ‍ॅन्युइटी डिपॉझिट योजनेत बचत खात्यातून चांगला परतावा मिळतो.  


SBI ची चांगली Annuity Scheme


SBI च्या या योजनेत 36, 60, 84 किंवा 120 महिन्यांच्या कालावधीसाठी गुंतवणूक करता येते. यामध्ये गुंतवणुकीवरील व्याजदर निवडलेल्या कालावधीच्या मुदत ठेवींप्रमाणेच असेल. समजा, जर तुम्ही पाच वर्षांसाठी निधी जमा केला, तर तुम्हाला पाच वर्षांच्या मुदत ठेवीवर लागू असलेल्या व्याजदरावर व्याज मिळेल. भारतातील कोणताही नागरिक या योजनेचा लाभ घेऊ शकतो.


तुम्हाला गुंतवणूक करायची असल्यास नियम जाणून घ्या


SBI च्या  अ‍ॅन्युइटी डिपॉझिट स्कीममध्ये दरमहा किमान 1000 रुपये जमा करण्याचा नियम आहे, परंतु जास्तीत जास्त गुंतवणुकीसाठी कोणतीही मर्यादा निश्चित केलेली नाही. अ‍ॅन्युइटी पेमेंटमध्ये, ग्राहकाने जमा केलेल्या रकमेवर व्याज आकारुन विहित वेळेनंतर उत्पन्न सुरु होते. या योजना भविष्यासाठी खूप छान आहेत, पण मध्यमवर्गीयांना इतके पैसे एकत्र जमणे शक्य नाही.


Annuity Scheme Vs Recurring Deposit


सामान्यतः मध्यमवर्गीय लोकांकडे एकरकमी रक्कम नसते. अशा परिस्थितीत, बहुतेक लोक आवर्ती ठेवीमध्ये गुंतवणूक करून त्यांचे भविष्य सुरक्षित करतात. आरडीमध्ये, लहान बचतीद्वारे रक्कम गोळा केली जाते आणि नंतर त्यावर व्याज लागू करुन गुंतवणूकदारांना परत केली जाते. यामुळे, अ‍ॅन्युइटी योजनेच्या तुलनेत आवर्ती ठेव सामान्य लोकांमध्ये जास्त पसंत केली जाते.