बसमध्ये चढण्यासाठी नवरा-बायकोचा अजब जुगाड, दार सोडून खिडकीतून.... पाहा व्हिडीओ
Emergency खिडकीचा असाही वापर! ह्या जुगाडाला तुम्ही आता काय म्हणाल राव!
नवी दिल्ली : आपत्कालीन खिडकी बस किंवा ट्रेनला पाहिली असेल. आपत्कालीन परिस्थितीमध्ये याचा उपयोग व्हावा यासाठी ती देणं बंधनकारक असतं. मात्र आपल्या भारतात जुगाड करणारे काही कमी नाहीत. काही लोकांमध्ये इतक कौशल्य आणि बुद्धीमत्ता भरलेली असते की त्याचा कधी कुठे आणि कसा वापर करतील याचा नेम नाही. इंटरनेटनर रोज अनेक व्हिडीओ व्हायरल होत असतात.
आता आपत्कालीन खिडकीचा जुगाड केल्याचा एक व्हिडीओ सोशल मीडियावर व्हायरल होत आहे. हा जुगाड पाहून तुम्ही अवाक व्हाल आणि दोन मिनिटं विचार कराल. हा व्हिडीओ पाहून कदाचित तुम्हाला हसूही आवरणार नाही. मात्र काही युजर्सनी चिंता व्यक्त केल्याचंही पाहायला मिळत आहे.
बसमध्ये जागा मिळवण्यासाठी रूमाल टाकण्याऐवजी चक्क Emergency खिडकीचा वापर करून जागा अडवली. बायकोला दारातून बोलवण्याऐवजी Emergency खिडकीतून वर खेचत बसमध्ये घेतो. नवऱ्याचा हा अजब जुगाड पाहून बरेच जण थक्क झाले आहेत. पण इमरजन्सी खिडकीचा वापर असा होऊ शकतो याचा विचारही डोक्यात येणार नाही.
ही संपूर्ण घटना कुणीतरी कॅमेऱ्यात कैद केली आणि सोशल मीडियावर व्हिडीओ तुफान व्हायरल झाला. या व्हिडीओवर संमिश्र प्रतिक्रिया येत आहेत. हा सगळा जुगाड पत्नीला लवकर सीट मिळवण्यसाठी चालू होता. एक लाखहून अधिकवेळा हा व्हिडीओ पाहण्यात आला आहे. हजारो लोकांनी ह्या व्हिडीओला लाईक केलं आहे.
हा व्हिडीओ कुठला आहे याची माहिती मिळू शकली नाही. हा व्हिडीओ सोशल मीडियावर व्हायरल होत आहे.