Chocolate, Leela Hotels : गुरुग्राममधील लीला हॉटेलला बॉम्ब ठेवण्याची धमकी देण्यात आली, त्यानंतर पोलीस घटनास्थळी पोहोचले, त्यांनी संपूर्ण हॉटेल रिकामे केले, त्यानंतर संपूर्ण हॉटेलची झडती घेण्यात आली, मात्र तासाभराच्या प्रयत्नांनंतर कुठेही बॉम्ब नसल्याची माहिती मिळाली. हा फेक कॉल होता.. यानंतर पोलिसांनी फोन करणाऱ्याचा शोध सुरु केला. आरोपी पोलिसांच्या ताब्यात आहे, मात्र उघडकीस आलेल्या प्रकरणावरुन समजल्यानंतर तुम्ही डोक्यावर हात मारुन घ्या. वाचा पूर्ण बातमी... 


COMMERCIAL BREAK
SCROLL TO CONTINUE READING

Leela Hotels in Gurugram: गुरुग्राममधील लीला हॉटेलला बॉम्बने उडवण्याची काल सकाळी धमकी मिळाल्यानंतर सर्वत्र चेंगराचेंगरी झाली. सर्वप्रथम ही बातमी पोलिसांना कळवण्यात आली. घटनास्थळी पोहोचलेल्या पोलिसांनी आधी हॉटेल रिकामे केले आणि त्यानंतर पोलिसांनी शोधमोहीम सुरू केली. सुमारे दीड तास शोध घेतल्यानंतर हा फेक कॉल असल्याचे आढळून आले. यानंतर पोलिसांनी फोन करणाऱ्याचा शोध सुरू केला.


रिकामे केले हॉटेल


वृत्तसंस्था पीटीआयच्या वृत्तानुसार, सकाळी 11.35 वाजता अॅम्बियन्स मॉल कॉम्प्लेक्समधील लीला हॉटेलमध्ये धमकीचा कॉल आला. धमकी मिळाल्यानंतर संपूर्ण हॉटेल तातडीने रिकामे करण्यात आले. त्यानंतर बॉम्बचा शोध घेण्यासाठी बॉम्ब निकामी पथक आणि श्वान पथकालाही कळवण्यात आले. संपूर्ण हॉटेलमध्ये सुमारे दीड तास हा शोध सुरु होता.


घटनास्थळी उपस्थित वरिष्ठ पोलीस अधिकाऱ्याने सांगितले की, ज्या नंबरवरून कॉल आला होता, त्या नंबरवर परत कॉल केला, त्यानंतर तो नंबर बंद झाला. सध्या त्या मोबाईल क्रमांकाचा तपशील काढला जात आहे. लीला हॉटेल दिल्ली गुरुग्राम सीमेवर आहे. मीडियाशी बोलताना एसीपी विकास कौशिक यांनी सांगितले की, पोलिसांचे पथक आणि बॉम्बशोधक पथक घटनास्थळी पोहोचले.


त्यांनी सांगितले की, दीड तास चाललेल्या शोध मोहिमेनंतर गुरुग्राम पोलिसांना बॉम्बची माहिती खोटी असल्याचे आढळले. शोध मोहिमेदरम्यान लीला हॉटेल पूर्णपणे रिकामे करण्यात आले असून अज्ञात कॉल करणाऱ्याला पकडण्यासाठी एक टीम तयार करण्यात आली आहे. गुरुग्राम पोलिसांनी सांगितले की, सायबर सेल आणि सायबर क्राईम टीम आरोपीचा शोध घेत आहे. कॉल आल्यानंतर लीला हॉटेलनेही सुरक्षा कर्मचाऱ्यांची संख्या वाढवली आहे.


जाणून घ्या काय आहे संपूर्ण प्रकरण


गुरुग्राममधील 5 स्टार हॉटेलमध्ये बॉम्ब ठेवण्याची धमकी देणाऱ्या तरुणाची ओळख पटली आहे. हा तरुण ऑटिझमने ग्रस्त असलेले विशेष बालक आहे. घरी चॉकलेट न दिल्यानेच या तरुणाने धमकीचा फोन केला होता. गुरुग्राम दिल्ली सीमेवर असलेल्या लीला हॉटेलमध्ये, सकाळी 11:40 च्या सुमारास, लँडलाइन ऑपरेटरला हॉटेलमध्ये बॉम्ब असल्याचा फोन आला आणि थोड्याच वेळात तो स्फोट होईल, त्यानंतर हॉटेल व्यवस्थापनाने पोलिसांना याची माहिती दिली. सोबत घटनास्थळी पोहोचले.


या हॉटेलमध्ये हायप्रोफाईल हॉटेलसोबतच अनेक परदेशी नागरिकही वास्तव्यास होते. त्यामुळे पोलिसांनी हे संपूर्ण प्रकरण गांभीर्याने घेत संपूर्ण हॉटेल रिकामे केले, त्यानंतर सुमारे दीड तास शोधमोहीम राबवण्यात आली. बॉम्ब निकामी पथक आणि श्वान पथकाच्या मदतीने संपूर्ण हॉटेलची तपासणी करण्यात आली, मात्र दीड तासाच्या शोध मोहिमेनंतरही काहीही हाती न आल्याने पोलिसांनी सर्व लोकांना पुन्हा हॉटेलमध्ये प्रवेश दिला.