Omicron किती धोकादायक, केंद्र सरकारने सांगितले की...

मुंबई :  Omicron Coronavirus : ओमायक्रोन किती धोकादायक आहे, याबाबतची माहिती केंद्र सरकारने दिली आहे. हा कोरोनाचा नवा विषाणू खूपच धोकादायक आहे. कारण याचा संसर्ग होण्याचा वेग जास्त आहे. त्यामुळे प्रत्येकाने काळजी घेण्याची गरज आहे. ओमायक्रॉनमुळे संपूर्ण जगाला धोका निर्माण जाला आहे. डेल्टापेक्षा हा भयंकर आहे. त्यामुळे जास्त खबरदारी घेण्याची गरज आहे.

केंद्र सरकारने म्हटले आहे की, कोरोनाचे नवीन प्रकार, ओमायक्रॉन, पूर्वीच्या डेल्टाच्या तुलनेत तिप्पट संसर्गजन्य आहे. त्यामुळे देशातील सर्व राज्यांनी त्यांच्यावतीने सतर्क राहण्याची आवश्यकता आहे, असे केंद्राने स्पष्ट केले आहे. तसेच केंद्राने राज्यांना काही महत्वाच्या सूचना केल्या आहेत. यामध्ये, प्रतिबंध प्रक्रिया, कोरोना तपासणी, कॉन्टॅक्ट ट्रेसिंग, पाळत ठेवणे खूप महत्वाचे आहे.

केंद्र सरकारकडून विशेष दक्षता 

केंद्रीय आरोग्य सचिव राजेश भूषण यांनी दोन दिवसांपूर्वी सर्व राज्ये आणि केंद्रशासित प्रदेशांना लिहिलेल्या पत्रात म्हटले आहे की, त्यांनी कोरोनाच्या या नवीन प्रकाराबद्दल सावधगिरी बाळगावी आणि कोणत्याही प्रकारच्या आपत्कालीन परिस्थितीला तोंड देण्यासाठी पूर्णपणे तयार राहावे. असे म्हटले आहे की जरी कमी प्रकरणे नोंदवली गेली असली तरी त्यांच्यावर बारकाईने लक्ष ठेवले पाहिजे आणि स्थानिक स्तर आणि जिल्हा स्तरावर सक्रिय पावले उचलली पाहिजेत.

डेल्टा पेक्षा तिप्पट संसर्गजन्य

ते म्हणाले की, विद्यमान वैज्ञानिक तथ्यांच्या आधारे असे म्हणता येईल की ते डेल्टा पेक्षा तिप्पट संसर्गजन्य आहे. याशिवाय, डेल्टा प्रकार अजूनही चिंतेचा विषय आहेत आणि ते देशाच्या विविध भागांमध्ये उपस्थित आहेत. ज्या ठिकाणी रुग्ण सापडतील त्या घटनास्थळाची निकड समजून घेऊन निर्णय घेण्याची गरज आहे. स्थानिक आणि जिल्हा स्तरावर कठोर आणि कंटेनमेंट झोन तयार करण्याचे काम आवश्यक आहे.

केंद्र सरकारचा राज्यांना महत्वाचा सल्ला 

केंद्र सरकारने राज्यांना कोविड बाधित लोकसंख्येची नवीन प्रकरणे, त्याचा भौगोलिक स्थिती आणि रुग्णालयातील पायाभूत सुविधा आणि उपलब्ध कर्मचार्‍यांचा अधिक चांगला वापर करण्याची गरज आहे. जिल्हा स्तरावर कंटेनमेंट झोन आणि कंटेनमेंट झोनचा आकार अधिसूचित करणे आवश्यक आहे. कोविड नियमांची काटेकोरपणे अंमलबजावणी झाली पाहिजे.  

राज्यांना या सूचना 

यामध्ये, कोरोना रोखण्यासाठी प्रतिबंध प्रक्रिया, कोरोना तपासणी, कॉन्टॅक्ट ट्रेसिंग, पाळत ठेवणे, गंभीर परिस्थितीत आरोग्य यंत्रणेचे व्यवस्थापन करणे, कोरोना लसीकरण आणि कोरोना प्रतिबंध यासाठी योग्य मानकांचे पालन करण्यावर राज्यांना भर देण्यास सांगण्यात आले आहे.