TDS Return: टीडीएस म्हणजे उत्पन्न जिथून मिळणार आहे, तिथेच हा कर एकूण उत्पन्नाच्या रकमेतून कापला जातो आणि उत्पन्नाची उरलेली रक्कम हातात दिली जाते. जर तुम्हाला टीडीएस रिटर्न भरण्यास उशीर झाला, तर तुम्हाला दररोज 200 रुपये दंड भरावा लागेल. आयकर विभागाने आयकर कलम 234-ई अंतर्गत नियमांमध्ये काही बदल केले आहेत. या नियमानुसार, तुमचा रिटर्न ऑफ टॅक्स डिडक्टेड अॅट सोर्स (टीडीएस) भरण्यास विसरल्यास शुल्क आणि दंड आकारला जाऊ शकतो. प्राप्तिकराच्या सुधारित कलम 234-ई अंतर्गत, टीडीएस रिटर्न भरण्यासाठी एका दिवसासाठी 200 रुपये विलंब शुल्क आकारले जाईल. ते जास्तीत जास्त टीडीएस परताव्याच्या रकमेइतके देखील असू शकते. यापूर्वी, प्राप्तिकराच्या कलम 270-1 अंतर्गत, टीडीएसचे त्रैमासिक रिटर्न उशिराने सबमिट करण्यासाठी दररोज 100 रुपये दंड आकारला जात होता. परंतु बहुतेक प्रकरणांमध्ये नियोक्त्यांना हा दंड भरावा लागत नव्हता.


COMMERCIAL BREAK
SCROLL TO CONTINUE READING

प्राप्तिकर अधिकारी किमान 10 हजार रुपयांपासून कमाल 1 लाख रुपयांपर्यंत दंड करू शकतात. टीडीएसचे रिटर्न प्रत्येक तिमाहीनंतर पुढील महिन्याच्या शेवटच्या तारखेपर्यंत भरले जाते. एप्रिल-जून तिमाहीचे रिटर्न 31 जुलैपर्यंत भरायचे असते. जुलै-सप्टेंबर तिमाहीचा रिटर्न 31 ऑक्टोबरपर्यंत, ऑक्टोबर-डिसेंबर या तिमाहीचा रिटर्न 31 जानेवारीपर्यंत आणि जानेवारी-मार्च या तिमाहीचा रिटर्न 31 मे पर्यंत भराला पाहीजे. यासाठी फॉर्म 16 किंवा 16A आवश्यक आहे.


1% ते 10% च्या मर्यादेत कर कापला जातो


टीडीएस हा भारत सरकारकडून आकारला जाणारा कर आहे. प्राप्तकर्त्याच्या खात्यात पैसे जमा झाल्यावर किंवा व्यवहाराच्या वेळी, यापैकी जे आधी असेल तेव्हा कर कापला जातो. पगार किंवा लाइफ इन्शुरन्स पॉलिसी भरण्याच्या बाबतीत, व्यवहार आणि पेमेंटच्या वेळी कर कापला जातो. त्यानंतर कर कपात करणारा (वैयक्तिक/कंपनी) ही टीडीएस रक्कम आयकर विभागात जमा करतो. टीडीएसद्वारे, तुमच्या कराचा काही भाग आपोआप आयकर विभागाला दिला जातो. त्यामुळे करचोरी कमी करण्यासाठी टीडीएस हा महत्त्वाचा उपाय मानला जातो. कर अनेकदा 1% ते 10% च्या मर्यादेत कापले जातात. टीडीएस रिटर्न हे विवरणपत्र आहे जे दर तीन महिन्यांनी प्राप्तिकर विभागाला दिले जाते. कर कपात करणार्‍यांसाठी वेळेवर टीडीएस रिटर्न सादर करणे आवश्यक आहे. टीडीएस रिटर्न भरण्यासाठी कंपनीकडे डिडक्शन अकाउंट नंबर (TAN) असणं आवश्यक आहे आहे.


टीडीएस परतावा


टीडीएस हा व्यवहाराच्या वेळी कापला जाणारा कर आहे. वर्षअखेरीस, भरावा लागणारा एकूण कर मोजत असताना, एकूण कपात केलेला कर आणि प्रत्यक्ष भरावा लागणारा कर यात फरक असू शकतो. दुसरीकडे, जर कापलेला टीडीएस भरायचा होता त्यापेक्षा जास्त असेल, तर तो तुमच्या टीडीएस परताव्यात समाविष्ट केला जाईल.


टीडीएस दाखल करण्यासाठी आवश्यक असलेल्या महत्त्वाच्या गोष्टी


1. फॉर्म-16
2. बँक आणि पोस्ट ऑफिस व्याज प्रमाणपत्रे
3. फॉर्म-16A/फॉर्म-16B/फॉर्म-16C
4. फॉर्म 26AS
5. कर-बचत गुंतवणुकीचा पुरावा
6. कलम 80D ते 80U अंतर्गत कपातीचा दावा केला जाऊ शकतो
7. बँक/NBFC चे गृह कर्ज विवरण
8. भांडवली नफा
9. ईसीएस परताव्यासाठी बँक खात्याची पूर्व पडताळणी
10. आधार कार्ड