जर गॅस सिलिंडर वेळेपूर्वी संपला तर LPG एजन्सीविरोधात, येथे करु शकता तक्रार

मुंबई : LPG सिलिंडर्समध्ये गॅस कमी असल्याच्या तक्रारी वारंवार अनेक वेळा येत असतात. या प्रकरणात तक्रार करूनही एलपीजी एजन्सी ऑपरेटर किंवा डिलिव्हरी मॅनवर  (Delivery Man) कोणतीही कारवाई केली जात नाही. पण आता काळजी करण्याची गरज नाही. आता आपण ग्राहक फोरममध्ये (Consumer Forum) गॅस सिलिंडर वेळेच्या आधी संपल्याची तक्रार करु शकता. केंद्र सरकारने ग्राहक संरक्षण अधिनियम २०१ ९ मध्ये हे स्पष्ट केले आहे. जर कोणताही गॅस वितरक ग्राहकांच्या हक्कांची लूट करीत असेल तर त्यांच्यावर कठोर कारवाई केली जाईल.

एका महिन्यात निर्णय घेतला जाईल

नवीन कायद्यानुसार आता जर वितरकाने तक्रार करण्यापूर्वी एलपीजी सिलिंडरची मुदत संपल्यानंतरही कोणतीही कार्यवाही केली नाही तर आपण थेट ग्राहक मंचात तक्रार दाखल करु शकता. एका महिन्यातच, आपल्या तक्रारीवर दखल घेतली जाईल.

एजन्सी परवाना रद्द होऊ शकतो

ग्राहक संरक्षण कायदा २०१९ लागू झाल्यानंतर, ग्राहकांना कमी एलपीजी मिळाल्यास एलपीजी वितरकावर कारवाई केली जाईल. तसेच त्याचा परवाना देखील रद्द होऊ शकतो.

ग्राहक वजन तपासत नाहीत

बरेच ग्राहक डिलिव्हरी घेताना एलपीजी सिलिंडरचे वजन तपासत नाहीत. एलपीजी देणारी व्यक्ती पुरवठा करताना वजयमाप यंत्र स्वत: कडे ठेवत नाही. जर एखादा ग्राहक सिलिंडर तोलण्यासाठी दबाव आणत असेल तरच मशीन बाहेर काढले जाते आणि वजन मोजले जाते. अशाप्रकारे, दररोज हजारो ग्राहकांच्या घरी वजन न करता एलपीजी सिलिंडरवर पोहोचतात. परंतु नव्या कायद्यामुळे अशा घटनांना आळा बसण्यात मदत होणार आहे.