मुंबई : देशामध्ये सध्या कोरोना संकटात लसीची तीव्र कमतरता आहे. काही राज्यांमध्ये, 18-45 वर्षे वयोगटातील लोकांसाठी लसीकरण बंद केले गेले आहे. अशा परिस्थितीत, मॉडर्ना आणि फायझर सारख्या लसींकडे नवीन आशा म्हणून पाहिले जात आहे. परंतु आता असे दिसत आहे की, बहुतेक भारताला यासाठी बरीच प्रतीक्षा करावी लागणार आहे.


COMMERCIAL BREAK
SCROLL TO CONTINUE READING

वास्तविक असे सांगितले जात आहे की, भारताच्या आधी असे बरेच देश आहेत ज्यांनी फाइजर आणि मॉडर्ना यांना कन्फर्म ऑर्डर दिले आहे आणि तेही याची प्रतीक्षा करत आहेत. मॉडर्ना आणि फायझर बनविणार्‍या कंपन्यांनी या देशांना 2023 पर्यंत लस पुरवण्याचे आश्वासन दिले आहे. अशा परिस्थितीत या लसींसाठी भारताला बरीच प्रतीक्षा करावी लागणार आहे.


सोमवारी ही बाब केंद्रीय आरोग्य मंत्रालयानेही मान्य केली आहे. सहसचिव लव्ह अग्रवाल म्हणाले की, आम्ही फायझर आणि मॉडर्नासाठी केंद्रीय स्तरावर बोलणी करत आहोत. परंतु बहुतेक वेळा त्यांच्या ऑर्डर फूल असतात. आता ते त्यांच्यावर आहे की, ते भारताला किती डोस पूरवू शकतात हे.


केंद्राचे हे विधान अशा वेळी आले आहे. जेव्हा अलीकडेच दिल्लीचे सीएम अरविंद केजरीवाल म्हणाले की, "आम्ही मोडेर्ना आणि फायझरच्या डोसबाबत बोललो होतो, पण ते म्हणतात की, आम्ही तुम्हाला लस देणार नाही, आम्ही केंद्र सरकारशी यावर चर्चा करू." मुख्यमंत्र्यांनी सांगितले की, आम्ही आधीच बराच वेळ गमावला आहे, माझे केंद्र सरकारला आवाहन आहे की, केंद्र सरकारने त्यांच्याशी बोलावे आणि लस आयात करुन ती राज्यांना द्यावी.


लसीचा तिसरा डोस


दुसरीकडे, कोरोनाच्या लढ्यात शस्त्र म्हणून प्रभावी लसींचा तिसरा डोसही लवकरच येणार आहे. भारतबायोटेकच्या वतीने देशात बूस्टर डोसची तयारी सुरू झाली आहे. यासाठी सोमवारपासून एम्स नवी दिल्ली येथे ट्रायल सुरू झाला आहे. या व्यतिरिक्त आणखी 8 साइट्स आहेत ज्यामध्ये त्या लोकांना हा तिसरा डोस मिळणार ज्यांनी या आधी पहिल्या दोन डोस घेतल्या आहेत, ज्याचा परिणाम 6 महिन्यांत समोर येईल.


एखाद्या व्यक्तीच्या शरीरात एंटीबॉडी किती काळ राहतात हे जाणून घेण्यासाठी बूस्टर डोस हे एक चाचणी माध्यम आहे. वैज्ञानिक पुराव्यांसाठी ही चाचणी फार महत्वाची आहे.