मोठी बातमी । 10 हजार नवीन पोस्ट ऑफिस, घ्या post offices ची फ्रेंचायझी आणि कमवा चांगले पैसे
India Post Doorstep Service: येत्या काही दिवसांत 10 हजार नवीन पोस्ट ऑफिस उघडले जातील. प्रत्येक पाच किलोमीटरवर बँकिंग सुविधा उपलब्ध करुन देण्याचे सरकारचे उद्दिष्ट आहे. पोस्ट ऑफिसच्यामदतीने हे स्वप्न पूर्ण होणार आहे.
नवी दिल्ली : India Post Doorstep Service: पोस्ट ऑफिसचा प्रसार वेगाने होत आहे. सध्या देशात 1.55 लाख पोस्ट ऑफिस आहेत. त्याची सेवा सतत वाढवली जात आहे. सरकारकडून लाखो नेटवर्क तसेच तंत्रज्ञान अपग्रेडेशनवर काम करत आहे. पोस्ट विभाग (India Post) सचिव अमन शर्मा यांनी एका कार्यक्रमात सांगितले की, येत्या काही दिवसांत 10 हजार नवीन पोस्ट ऑफिस उघडले जातील. (India Post Doorstep Service) तंत्रज्ञानाच्या मदतीने येथे सर्व प्रकारच्या शासकीय योजना आणि आर्थिक कामे पूर्ण करता येतील. प्रत्येक पाच किलोमीटरवर बँकिंग सुविधा उपलब्ध करुन देण्याचे सरकारचे उद्दिष्ट आहे. पोस्ट ऑफिसच्यामदतीने हे स्वप्न पूर्ण होणार आहे.
सुरुवातीला फक्त 5000 रुपये गुंतवावे लागतात
इंडिया पोस्ट (India Post) नेटवर्क विस्तारासाठी फ्रेंचायझी (India Post Franchise) मॉडेलवर काम करते. तुम्ही घरी बसून पोस्ट ऑफिस देखील उघडू शकता आणि त्यातून दर महिन्याला चांगले पैसे कमवू शकता. हे असे बिझनेस मॉडेल आहे, ज्यामध्ये सुरुवातीला फक्त 5000 रुपये लागतात. 90 टक्के पोस्ट ऑफिस ग्रामीण भारतात आहे. ग्रामीण भारतात राहणाऱ्या लोकांसाठी हा उत्पन्नाचा चांगला स्रोत आहे. तुम्हालाही पोस्ट ऑफिस फ्रँचायझी उघडायची असेल, तर संपूर्ण प्रक्रिया समजून घेऊ.
फ्रँचायझी दोन प्रकारे उपलब्ध
पोस्ट ऑफिस फ्रँचायझीचे दोन प्रकार आहेत. तुम्ही फ्रँचायझी आउटलेट (India Post Franchise Outlet) उघडू शकता किंवा एजंट बनून पैसे कमवू शकता. जिथे पोस्ट ऑफिसला स्वतःचे नेटवर्क नाही, पण टपाल सेवेची गरज आहे, तिथे फ्रँचायझी मॉडेल सुरू करता येईल. त्याच वेळी, इंडिया पोस्टचे एजंट फिरतात आणि टपाल सेवेवर कमिशनच्या मदतीने कमाई करतात. हे एजंट मुद्रांक विकू शकतात.
फ्रँचायझींकडे फक्त काउंटर सेवा
फ्रँचायझी आउटलेट्स मॉडेलबद्दल (India Post Franchise) बोलायचे तर, केवळ काउंटर सेवेवरच फ्रँचायझी होऊ शकते. इंडिया पोस्टचे डिलिव्हरी आणि ट्रान्समिशनचे स्वतःचे नेटवर्क असेल. या मॉडेल अंतर्गत स्टॅम्प आणि स्टेशनरी विकली जाऊ शकते. याशिवाय पार्सल, मनीऑर्डर, ई-पोस्ट आदी सुविधाही उपलब्ध असतील. किमान 100 रुपयांची मनीऑर्डर आवश्यक आहे. पीएलआय योजना विकली जाऊ शकते. या योजनेसाठी प्रीमियम कलेक्शनही करता येईल. या सर्व सेवांसाठी कमिशन उपलब्ध आहे.
पात्रता : किमान 18 वर्षे आवश्यक
पात्रतेबद्दल बोलायचे झाल्यास, फ्रँचायझी (India Post Franchise) घेण्यासाठी व्यक्तीचे वय किमान 18 वर्षे असावे. तो किमान आठवी पास असावा. संगणकाचे ज्ञान असल्यास बरे होईल. आपले क्षेत्र सहज उपलब्ध असावे. फ्रँचायझीसाठी किमान सुरक्षा ठेव रु 5000 आहे.
कमाई कमिशनच्या स्वरूपात असेल
फ्रँचायझी उघडण्यासाठी विभागीय प्रमुखाला अर्ज भरावा लागतो. अर्ज मिळाल्यानंतर 14 दिवसांच्या आत उत्तर मिळेल. यामध्ये पगाराची सुविधा नाही. सेवेच्या आधारे कमिशनच्या मदतीने कमाई केली जाते.