ए हालोssss! रक्त गोठवणाऱ्या थंडीत जवानांचा गरबा पाहून केंद्रीय मंत्रीही थक्क

नवी दिल्ली : केंद्रीय मंत्री डॉ. जितेंद्र सिंह यांनी आपल्या ट्विटरवर भारतीय सेनेतील जवानांचा एक डान्स व्हिडिओ शेअर केला आहे. या व्हिडिओमध्ये जवान बर्फवृष्टीमध्ये गरबा करताना दिसत आहेत. हा व्हिडिओ महानवमी आणि दसऱ्यासाठी समर्प्रित करण्यात आला आहे.

भारतीय सेनेच्या जवानांचा अभिमान आहे. उणे शून्य डिग्री तापमानात आपले जवान गरबा खेळत नवरात्रोत्सव साजारा करत आहेत. हीच भावना भारताला सर्वांपासून वेगळं सिद्ध करते, असं म्हणत डॉ. जितेंद्र सिंह यांनी ट्विटरवर हा गरबा खेळतानाचा व्हिडिओ शेअर केला आहे.

दिवाळीपूर्वीच हिमालयातील डोंगराळ भागात बर्फवृष्टी होत असल्याचे चित्र आहे. लाहौल-स्पीती आणि कुल्लूमध्ये सोमवारी जोरदार बर्फवृष्टी झाली. बर्फवृष्टीमुळे रोहतांगजवळ मनाली-लेह महामार्गावर वाहतूककोंडी झाली.

केलाँग, मनाली मार्गावरही सर्व बसेस थांबवण्यात आल्या आहेत.