कोविड लसीबाबत भारताला दुसरं यश, भारत बायोटेकच्या लसीला मंजुरी

नवी दिल्ली : नवीन वर्ष सुरू होताच भारताला दुसऱ्या कोरोना लसीची भेट मिळाली आहे. शनिवारी सब्जेक्ट एक्सपर्ट कमिटीने (एसईसी) भारत बायोटेकद्वारे निर्मित देशी लस कोवाक्सिनच्या आपत्कालीन वापरास मान्यता दिली. यापूर्वी शुक्रवारी झालेल्या बैठकीत समितीने सीरम इन्स्टिट्यूट ऑफ इंडियाद्वारे निर्मित कोविशिल्ट कोरोना लसीच्या आपत्कालीन वापरास मान्यता दिली.

सूत्रांकडून मिळालेल्या माहितीनुसार, तज्ज्ञ समितीने आजच्या बैठकीत भारताची देशी कोरोना लसला रिकमेंट केलं. अंतिम निर्णय केवळ डीसीजीआय (ड्रग्स कंट्रोलर जनरल ऑफ इंडिया) घेईल. म्हणजेच डीसीजीआयच्या मंजुरीनंतर पुढील 6-7 दिवसांत लसीकरणाची प्रक्रिया सुरू केली जाईल. असा विश्वास आहे की इतर लसींच्या तुलनेत ही लस सर्वात स्वस्त असेल. या लसीचा एक डोस सुमारे 100 रुपये असू शकतो. यानुसार जर ही लस देशातील सर्व लोकांना लागू केली गेली तर त्यावर सरकारचा खर्च सुमारे 13 हजार 500 कोटी रुपये होईल.

भारतात 4 लस तयार

कोविशील्डला आपत्कालीन वापरासाठी मंजुरी मिळाल्यानंतर केंद्रीय मंत्री प्रकाश जावडेकर यांनी आनंद व्यक्त केला. ते म्हणाले, भारत बहुधा एकमेव असा देश आहे जिथे चार कोरोना लस तयार आहेत. या चार लसींमध्ये कोविशिल्ट, कोव्हॅक्सिन, फायझर आणि जायडस कॅडिला यांचा समावेश आहे. भारत बायोटेकने आयसीएमआर दिल्ली आणि नॅशनल इन्स्टिट्यूट ऑफ व्हायरोलॉजीसोबत लस तयार केली आहे.