मुंबई : IRCTC Booking : जर तुम्ही रेल्वेने प्रवास करत असाल तर तुम्हाला माहिती असेल की तुम्ही एका  IRCTC अकाउंटद्वारे महिन्यातून 6 तिकिटे बुक करू शकता. मात्र, त्यापेक्षा जास्त तिकिटांचे आरक्षण करण्यासाठी तुम्हाला तुमचे खाते आधारशी लिंक करावे लागेल. आता तिकिट बुकिंग करण्याची नवीन प्रणाली असणार आहे. त्यानुसार आधीच्या प्रणालीत बदल होणार आहे. केवळ एका तिकिटासाठीआपले आधार तपशील विचारला जाऊ शकतो.


IRCTCकडून तिकिट बुकिंगची नवीन प्रणाली


COMMERCIAL BREAK
SCROLL TO CONTINUE READING

पुढच्या वेळी जेव्हा तुम्ही एकच रेल्वेचे तिकिट ऑनलाईन बुक कराल तेव्हा आयआरसीटीसी तुम्हाला पॅन (PAN), आधार (Aadhaar) किंवा पासपोर्टची माहिती विचारू शकेल. खरे तर, आयआरसीटीसी रेल्वे तिकिट दलालांना तिकिट बुकिंगच्या प्रणालीतून वगळण्यासाठी हे पाऊल उचलत आहे. आयआरसीटीसी एका नवीन सिस्टिंमवर वेगवान काम करीत आहे, ज्यामध्ये आपल्याला आपला आधार-पॅन जोडावा लागेल. आयआरसीटीसी वेबसाइट किंवा अ‍ॅपवरुन रेल्वेची तिकिटे बुक करण्यासाठी तुम्ही लॉग इन करता तेव्हा तुम्हाला आधार, पॅन किंवा पासपोर्ट क्रमांक भरावा लागू शकतो.


PAN, Aadhaar शी रेल्वे तिकिट जोडले जाईल


रेल्वे संरक्षण दलाचे (RPF) महासंचालक अरुण कुमार म्हणाले की, रेल्वे आयआरसीटीसीशी ओळख कागदपत्रे जोडण्याच्या योजनेवर काम करीत आहे. ते म्हणाले की यापूर्वी फसवणुकीविरूद्धची कारवाई मानवी बुद्धिमत्तेवर आधारित होती, परंतु त्याचा परिणाम पुरेसा नव्हता. शेवटी आम्ही तिकिटात लॉग इन करताना पॅन, आधार किंवा इतर ओळख कागदपत्रांसह त्याची लिंक जोडण्याचा निर्णय घेतला आहे. याद्वारे आम्ही तिकिट बुकिंगची फसवणूक थांबवू शकतो.


'सिस्टम लवकरच सुरू होईल'


अरुण कुमार म्हणाले की, आम्हाला आधी नेटवर्क तयार करण्याची गरज आहे. आधार प्राधिकरणाबाबत आमचे कार्य जवळजवळ पूर्ण झाले आहे. जितक्या लवकर संपूर्ण यंत्रणा काम करण्यास तयार आहे. त्याची अंमलबजावणी केल्यानंतर आम्ही त्याचा वापर करण्यास प्रारंभ करू. अरुण कुमार यांनी माहिती दिली की, 2019मध्ये ऑक्टोबर आणि नोव्हेंबर महिन्यात या मोहिमेविरूद्ध कारवाई सुरू करण्यात आली होती, तेव्हापासून 14275 दलालांना अटक करण्यात आली आहे. आतापर्यंत 28.34 कोटींची बनावट तिकिटे पकडली गेली आहेत.


अरुण कुमार म्हणाले की रेल सुरक्षा अॅप विकसित केले गेले आहे जेथे या प्रकरणांशी संबंधित तक्रारी करता येतील. 6049  स्थानकांवर सीसीटीव्ही कॅमेरे बसविण्याची योजना आहे. सर्व प्रवासी रेल्वे कोचमध्येही सीसीटीव्ही असतील असे ते म्हणाले.