दक्षिण काश्मीरमध्ये दहशतवादी हल्ला, विशेष पोलीस अधिकाऱ्याचा मृत्यू

जम्मू : दक्षिण काश्मीरमध्ये गुरुवारी संध्याकाळी झालेल्या तीन  दहशतवादी हल्ल्यात एका विशेष पोलिस अधिकाऱ्याचा मृत्यू झाला असून त्याची पत्नी गंभीर जखमी झाली आहे. पहिला हल्ला दहशतवाद्यांनी अनंतनाग शहरात पोलिस अधिकारी मुश्ताक अहमद शेख यांच्या घरात घुसून त्यांच्यावर गोळीबार केला. 

त्यात मु्श्ताक अहमद शेख जागीच शहीद झाले. त्याआधी गुरुवारी संध्याकाळी शोपियांमध्ये मध्ये लष्कराच्या एका गस्तीपथकावर दहशतवादी हल्ला झाला. त्यात फारसं नुकसान झालं नाही. 

तिसरा हल्ला कुलगाम शहरात करण्यात आला. त्यात एका दहशतवाद्यानं एका स्थानिक नागरिकावर गोळीबार केला. त्यात हा नागरिक जखमी झाला.