जम्मू काश्मीरमध्ये पुन्हा एकदा धुमश्चक्री

मुंबई : जम्मू काश्मीरमध्ये पुन्हा एकदा धुमश्चक्री पाहायला मिळाली.

लष्करी जवान आणि दहशतवाद्यांमध्ये सकाळी जोरदार चकमक झाली. या चकमकीत एका दहशतवाद्याला कंठस्नान घालण्यात लष्कराच्या जवानांना यश आलंय. बारामुल्लातील लष्कर-ए-तोयबा या दहशतवादी संघटनेचा शफअत वाणीचा खात्मा करण्यात आलाय. या मृत दहशतवाद्याकडून पोलिसांनी एके-47, दोन ग्रेनेड आणि इतर शस्त्रसाठा जप्त केलाय. 

त्याआधी शनिवारी अनंतनाग येथे झालेल्या चकमकीत लष्कराने दोन दहशतवाद्यांना ठार केले होते. त्यांच्याकडून एके-47 सह अनेक शस्त्रास्त्रे जप्त करण्यात आली होती. दरम्यान, ठार करण्यात आलेल्या दहशतवाद्यांची ओळख पटली नव्हती. जम्मू-काश्मीरमधील दहशतवाद्यांच्या नायनाटासाठी लष्कराने गेल्यावर्षीपासून ऑपरेशन ऑल आऊट सुरू केले आहे. या कारवाईंतर्गत आतापर्यंत दोनशेहून अधिक मोठ्या कमांडरसह दोनशेहून अधिक दहशतवाद्यांना लष्कराने कंठस्नान घातले आहे.