मुंबई : कोरोनाच्या वाढत्या घटनांमुळे केरळमध्ये 8 मे ते 16 मे या कालावधीत लॉकडाऊन जाहीर करण्यात आला आहे. केरळचे सीएम पी. विजयन यांनी ही घोषणा केली. बुधवारी केरळमध्ये आतापर्यंत सर्वाधिक 41,953 कोरोनाची नोंद झाली आहे. मुख्यमंत्री पी. विजयन यांनी केरळमधील परिस्थिती गंभीर असल्याचे वर्णन करीत कोविडची वाढ थांबविण्यासाठी कठोर पावले उचलण्याची गरज असल्याचे सांगितले.


COMMERCIAL BREAK
SCROLL TO CONTINUE READING

भारतातील कोरोना विषाणूची प्रकरणे दररोज एक नवीन विक्रम मोडत आहेत. गुरुवारी संसर्गाची 4,12,262 नवीन प्रकरणे नोंदवली गेली आणि 3,980 लोकांना आपला जीव गमवावा लागला. यासह, संक्रमणाची एकूण प्रकरणे 2,10,77,410 पर्यंत वाढले आहेत आणि मृतांची संख्या 2,30,168 वर पोहोचली आहे. कुठे मिनी-लॉकडाउन, कुठे वीकएंड लॉकडाउन तर कुठे नाईट कर्फ्यू लागू करण्यात आला आहे.


बंगालमध्ये मिनी लॉकडाऊन


पश्चिम बंगालमध्ये मुख्यमंत्रिपदाची शपथ घेतल्यानंतर ममता बॅनर्जी यांनी राज्यात लॉकडाऊनची घोषणा केली आहे. कोरोना संसर्ग रोखण्यासाठी राज्यात लोकल गाड्या बंद करण्यात आल्या आहेत. दुकानेही काही तासांसाठीच सुरू आहेत. निर्बंधांची घोषणा करताना ममता बॅनर्जी म्हणाल्या की कोविड च्या परिस्थितीचा विचार करता आम्हाला काही पावले उचलली पाहिजेत. मास्क घालणे अनिवार्य आहे, तर राज्य सरकारच्या कार्यालयात केवळ 50 टक्के कर्मचारी हजर असतील. खासगी क्षेत्राला घरून काम देण्यास सांगण्यात आले आहे, तर केवळ 50 टक्के कर्मचारी कार्यालयात राहू शकतात. शॉपिंग कॉम्प्लेक्स, जिम, सिनेमा हॉल, ब्युटी पार्लर बंद राहतील. सामाजिक आणि राजकीय कार्यक्रमांवर बंदी राहिल.


यूपीमध्ये 10 मे पर्यंत लॉकडाऊन


यूपीमध्ये वाढत्या कोरोना प्रकरणाच्या पार्श्वभूमीवर योगी सरकारने सोमवारी कोरोना कर्फ्यूमध्ये वाढ केली आहे. आता तो 10 मे पर्यंत असणार आहे. संपूर्ण आठवड्यासाठी लॉकडाऊन जाहीर केले गेले आहे. सरकारने सर्व जिल्हा प्रशासनांना खेड्यांमध्ये लसीकरण व स्वच्छता त्वरित करण्याचे निर्देश दिले आहेत. लॉकडाऊन दरम्यान ई-कॉमर्सचा पुरवठा आवश्यक वस्तू, औषध दुकाने चालू राहतील.


बिहारमध्येही 15 मे पर्यंत लॉकडाऊन


कोरोनामधील वाढत्या घटना लक्षात घेऊन बिहार सरकारने 5 मे ते 15 मे दरम्यान बिहारमध्ये लॉकडाऊनचा निर्णय घेतला आहे. सरकारच्या या निर्णयाची माहिती मुख्यमंत्री नितीशकुमार यांनी मंगळवारी एका ट्विटद्वारे दिली. या कालावधीत राज्य सरकारची सर्व कार्यालये, दुकाने, व्यावसायिक व खासगी आस्थापने बंद राहतील. आवश्यक खाद्यपदार्थ, फळे, भाज्या, मांस-मासे, दूध आणि पीडीएसची दुकाने सकाळी 7 ते 11 या वेळेत उघडी राहतील. अनावश्यक रहदारी पूर्णपणे प्रतिबंधित असेल.


छत्तीसगडमध्ये लॉकडाऊनमध्ये 15 मेपर्यंत वाढ


छत्तीसगडमध्ये पुन्हा मंगळवारी लॉकडाऊन 15 मेपर्यंत वाढविण्यात आला. रायपूर आणि दुर्ग जिल्ह्यात संसर्ग काही अंशी नियंत्रणाखाली आहे. या दोन्ही जिल्ह्यांमध्ये अतिरिक्त सूट देण्यात आली आहे. किराणा दुकाने उघडण्यास परवानगी देण्यात आली आहे, परंतु दुकाने संध्याकाळी 5 पर्यंत खुली राहतील. रविवारी संपूर्ण लॉकडाउन राहिल. यावेळी आवश्यक सेवा वगळता सर्व दुकाने बंद राहतील.


महाराष्ट्रात 15 मे पर्यंत लॉकडाऊन


महाराष्ट्रात 15 मे पर्यंत निर्बंध वाढवण्या आले आहेत. खासगी कार्यालयांना कर्मचाऱ्यांसाठी वर्क फ्रॉम होमच्या सूचना दिला आहे. बस आणि गाड्या पूर्णपणे बंद केल्याने समस्या उद्भवू शकतात. म्हणूनच अत्यावश्यक सेवेतील कर्मचाऱ्यांसाठी त्या सुरु आहेत.


राजस्थानमध्ये 17 मे पर्यंत लॉकडाऊन सारखे निर्बंध


राजस्थानमध्ये 17 मे पर्यंत लॉकडाऊनसारखे निर्बंध लागू आहेत. सरकारने जारी केलेल्या नवीन मार्गदर्शक सूचनांमध्येही अनेक नवीन निर्बंध जोडले गेले आहेत. आदेशानुसार सोमवार ते शुक्रवार सकाळी 6 ते 11 या वेळेत सर्व खाद्यपदार्थांची दुकाने व किराणा सामान, पीठ गिरणी, गुरांचे खाद्य दुकाने चालू राहतील. त्याचबरोबर, सोमवारी आणि गुरुवारी सकाळी 6 ते 11 या वेळेत कृषी विनिमय विक्रेत्यांची दुकाने उघडली जातील. दररोज सकाळी 6 ते 11 आणि संध्याकाळी 5 ते सायंकाळी 7 या काळात दुध डेरी उघडता येतील. मंडई, फळभाज्या, फुले-हार आणि भाजीपाला व फळांच्या गाड्या दररोज सकाळी 6 ते रात्री 11 या वेळेत लागतील.


तामिळनाडूमध्ये रात्रीचा कर्फ्यू, रविवारी लॉकडाऊन


तामिळनाडू सरकारने वेगाने वाढणाऱ्या कोरोना संसर्गामुळे राज्यात रात्रीच्या कर्फ्यूमध्ये वाढ केली असून रविवारी पूर्ण लॉकडाऊन जाहीर केले. तामिळनाडू सरकारच्या आगामी आदेशानुसार पुढील आदेश येईपर्यंत सर्व सिनेमा हॉल, मल्टिप्लेक्स, थिएटर, जिम, क्लब, बार, सभागृह, सभागृहे आणि अन्य तत्सम ठिकाणे बंद राहतील. 20 मे पर्यंत सर्व राजकीय, सामाजिक आणि सांस्कृतिक उपक्रमांवर बंदी घालण्यासह राज्यात व्यापक निर्बंध घातले आहेत.


ओडिशामध्ये 19 मे पर्यंत लॉकडाउन


ओडिशामध्ये 19 मे पर्यंत कुलूपबंदी लागू केले आहे. ओडिशामध्ये 15 दिवसांचा लॉकडाऊन दरम्यान रेशन, मासे, मांस, दूध इत्यादी दुकाने सकाळी 6 ते 12 या वेळेत खुली राहतील. लसीकरण कार्य आणि कोरोना चाचणीचे काम सुरू राहील.


दिल्लीत 10 मे पर्यंत लॉकडाऊन


दिल्लीत लॉकडाऊन 10 मेपर्यंत वाढविण्यात आले आहे. 19 एप्रिलपासून राष्ट्रीय राजधानी लॉकडाऊनमध्ये आहे आणि ती 10 मेपर्यंत सुरू राहणार आहे.


पंजाबमध्ये 15 मे पर्यंत निर्बंध
पंजाबमध्ये शनिवार व रविवार लॉकडाऊन असणार आहे. तर इतर दिवस रात्रीचा कर्फ्यू लागू राहणार आहे.


राजस्थानमध्ये 17 मे पर्यंत लॉकडाऊन लागू करण्यात आला आहे. तर हिमाचलमध्ये सरकारने 10 दिवसांनी लॉकडाऊन वाढवला आहे. जो 16 मे पर्यंत लागू राहणार आहे. सिक्कीममध्ये 16 मेपर्यंत नाईट कर्फ्यू लागू असणार आहे. 


पीएम मोदी यांनी केरळ सरकारच्या प्रयत्नांचे केले कौतुक


पंतप्रधान नरेंद्र मोदी यांनी लसीचा अपव्यय कमी करण्याच्या केरळ सरकारच्या प्रयत्नांचे कौतुक केले आणि सांगितले की कोविड -19 विरुद्धचा लढा बळकट करणे महत्त्वाचे आहे. केरळचे मुख्यमंत्री पी. विजयन यांचा उल्लेख करताना पंतप्रधानांनी ट्विट केले की, 'लसींचा अपव्यय कमी करण्याच्या दृष्टीने आरोग्य कर्मचारी आणि परिचारिका यांचे कार्य पाहून चांगले वाटले.' कोविड विरुद्धचा लढा अधिक बळकट करण्यासाठी लसीच्या अपव्यय कमी करणे फार महत्वाचे आहे.