Maharashtra Politics: राज्यातील घडामोडींची केंद्रीय गृहसचिवांनी घेतली माहिती - सोमय्या

नवी दिल्ली : Maharashtra BJP Delegation Meeting With Home Secretary: महाराष्ट्र (Maharashtra) भाजपचे शिष्टमंडळ आज दिल्लीत पोहोचले. कार हल्ल्याप्रकरणी सोमय्यांनी शिष्टमंडळासह केंद्रीय गृहसचिवांची भेट घेतली. राज्यात स्पेशल टीमद्वारे चौकशी करा, अशी मागणी किरीट सोमय्या यांनी केली. योग्य पावलं उचलणार, असे आश्वासन गृहसचिवांनी दिले आहे, असे सोमय्या यांनी सांगितले. 

कार हल्ल्या प्रकरणी किरीट सोमय्या नवी दिल्लीत केंद्रीय गृहसचिवांची भेट घेतली. यावेळी सोमय्यांनी तक्रारींचा पाढा वाचला. ठाकरे सरकार पोलिसांच्या मदतीने गुंडांकडून हल्ला करत असल्याचा आरोप सोमय्यांनी केला. तर दिल्लीतून स्पेशल टीम महाराष्ट्रात पाठवा, अशी मागणी त्यांनी केली आहे. तसेच हल्ल्याचे फुटेज पोलीस अधिकारी संजय पांडे यांनी गायब केले असून, ते पदाचा दुरुपयोग करत असल्याचाही आरोप सोमय्यांनी केला.

भाजपच्या शिष्टमंडळात किरीट सोमय्या यांच्यासह पाच नेत्यांचा समावेश होता. भाजपच्या शिष्टमंडळाने दिल्लीत केंद्रीय गृहसचिवांची भेट घेऊन उद्धव ठाकरे सरकारची तक्रार केली. अलीकडेच किरीट सोमय्या यांच्या कारवर हल्ला झाला आणि त्यांच्या ड्रायव्हरविरुद्ध एफआयआर नोंदवण्यात आला, या प्रकरणांची तक्रार करण्यासाठी भाजपचे शिष्टमंडळ दिल्लीत आलेत.

हे मुद्दे केंद्रीय गृहसचिवांसमोर मांडले

किरीट सोमय्या यांची गाडी चालवणाऱ्या कमांडोविरोधात एफआयआर कसा नोंदवला गेला, याबाबत भाजपच्या शिष्टमंडळाने केंद्रीय गृहसचिवांशी चर्चा केली. त्याची चौकशी करण्याची मागणी त्यांनी केली. त्याचवेळी भाजप नेत्यांवरील हल्ल्याचे प्रकरणही केंद्रीय गृहसचिवांसमोर मांडण्यात आले. किरीट सोमय्या म्हणाले की, महाराष्ट्रात भाजपच्या खासदार आणि आमदारांना धमक्या दिल्या जात आहेत. एक पथक मुंबईत पाठवून या प्रकरणांची चौकशी करावी, अशी मागणी भाजपच्या शिष्टमंडळाने केंद्रीय गृहसचिवांकडे केली.

शिवसेना कार्यकर्त्याने एफआयआर 

महाराष्ट्रातून दिल्लीला पोहोचलेल्या भाजपच्या शिष्टमंडळात किरीट सोमय्या, मिहिर कोटेचा, अमित साटम, पराग शाह आणि राहुल नार्वेकर यांचा समावेश आहे. किरीट सोमय्या यांच्या ड्रायव्हरवर निष्काळजीपणा आणि रॅश ड्रायव्हिंग केल्याप्रकरणी एफआयआर दाखल करण्यात आला आहे. चालकाच्या निष्काळजीपणामुळे शिवसेना नगरसेवक व कार्यकर्ता किरकोळ जखमी झाल्याचे त्यांनी सांगितले. पोलिस अधिकाऱ्याने सांगितले की, शिवसेनेचे स्थानिक पदाधिकारी भाई झेंडे यांनी तक्रार दिली आहे आणि चालकावर कारवाई करण्याची मागणी केली आहे आणि त्या आधारावर एफआयआर दाखल करण्यात आला आहे.

किरीट सोमय्या यांच्या गाडीवर कधी हल्ला झाला?

किरीट सोमय्या यांच्या वाहनावर शनिवारी रात्री उशिरा काही संशयितांनी हल्ला केला होता, ज्यात ते जखमी झाले होते. ही घटना मध्यरात्रीच्या काही वेळापूर्वी घडली, जेव्हा सोमय्या अटक केलेल्या नवनीत राणा आणि तिचा पती रवी राणा यांना भेटायला गेले होते. राणा दाम्पत्याने महाराष्ट्राचे मुख्यमंत्री उद्धव ठाकरे यांच्या निवासस्थानाबाहेर हनुमान चालीसाचे पठण करण्याची घोषणा केली होती, त्यानंतर त्यांना अटक करण्यात आली. रविवारी वांद्रे न्यायालयाने राणा दाम्पत्याला 14 दिवसांची न्यायालयीन कोठडी सुनावली.