मुंबई : नुकत्याच झालेल्या एका अभ्यासातून असे समोर आले आहे की, कोरोना व्हायरसची (Coronavirus) लागण झाल्यानंतर ब्रेन स्ट्रोक (Brain Stroke) आणि त्यामुळे मृत्यू होण्याचा धोका सर्वाधिक असतो. एम्सच्या आकडेवारीनुसार, कोविड संसर्गानंतर ब्रेन स्ट्रोक आलेल्या रुग्णांच्या रिकव्हरीचे प्रमाण केवळ 34 टक्के होते. दुसरीकडे, ज्यांना कोरोना झाला नाही पण नंतर त्यांना ब्रेन स्ट्रोक झाला. त्यांचा पुनर्प्राप्तीचा दर 66 टक्क्यांपर्यंत असल्याचे आढळून आले.


COMMERCIAL BREAK
SCROLL TO CONTINUE READING

ब्रेन स्ट्रोक कोरोनासोबत धोकादायक


एम्सचे न्यूरोलॉजिस्ट डॉ रोहित भाटिया यांनी दिलेल्या माहितीनुसार, देशातील 18 शहरांमधील वेगवेगळ्या रुग्णालयांच्या डेटाचा अभ्यास करण्यात आला. तपासणीत असे आढळून आले की कोरोनाव्हायरस साथीच्या आजारामुळे ब्रेन स्ट्रोकच्या रुग्णांचं बरे होण्याचं प्रमाण कमी होते. अभ्यासात, कोरोनाने ग्रस्त असलेल्या ब्रेन स्ट्रोकच्या रुग्णांचा बरा होण्याचे प्रमाण 34 टक्के असल्याचे आढळून आले. त्याच वेळी, कोरोनाशिवाय ब्रेन स्ट्रोक झालेल्या रुग्णांमध्ये बरे होण्याचे प्रमाण 66 टक्के असल्याचे आढळून आले.


देशात ब्रेन स्ट्रोकमुळे मृत्यूचे प्रमाण वाढले


या अभ्यासात असेही दिसून आले की, करोना व्हायरसमुळे स्ट्रोकच्या रुग्णांच्या मृत्यूचे प्रमाणही वाढले आहे. कोरोना संसर्गापूर्वी ब्रेन स्ट्रोकच्या रुग्णांमध्ये मृत्यूचे प्रमाण 8 टक्के होते. त्याच वेळी, कोरोना महामारीनंतर हा दर 11.9 टक्क्यांवर गेला. डॉ रोहित यांच्या म्हणण्यानुसार, जेव्हा स्ट्रोकसह कोरोना असतो तेव्हा रुग्णांची प्रकृती अधिक गंभीर होते.


देशात दरवर्षी 18 लाख केसेस


एम्समधील आणखी एक न्यूरोलॉजिस्ट, डॉ एमव्ही पद्मा यांनी देखील ब्रेन स्ट्रोकचे कारण अतिशय चिंताजनक असल्याचे वर्णन केले आहे. त्यांनी सांगितले की भारतात दरवर्षी 18 लाख ब्रेन स्ट्रोकची प्रकरणे नोंदवली जातात. त्यापैकी 25% प्रकरणे 40 वर्षांपेक्षा कमी वयाच्या लोकांसमोर येत आहेत. तरुणांमध्ये तणाव, धूम्रपान आणि मद्यपानाचा वाढता कल हे त्याचे कारण आहे. अशा परिस्थितीत तरुणांनी त्यांच्या आरोग्याकडे विशेष लक्ष देण्याची गरज आहे.


देशात आणि जगात अभ्यास सुरु


यावर सध्या अभ्यास सुरू असल्याचेही डॉक्टर पद्मा यांनी सांगितले. देशाच्या आणि जगाच्या विविध भागातूनही डेटा गोळा केला जात आहे. म्हणूनच आम्ही आत्ता असे म्हणू शकत नाही की कोरोनाव्हायरसमुळे स्ट्रोक होण्याची शक्यता वाढली आहे. मात्र, कोरोनासह ब्रेन स्ट्रोकमुळे रुग्णांच्या मृत्यूच्या घटनांमध्ये निश्चितच वाढ झाली आहे.


स्ट्रोक हे मृत्यूचे तिसरे प्रमुख कारण


लॅन्सेट ग्लोबल हेल्थ या वैद्यकीय जर्नलच्या अभ्यासानुसार, 2019 मध्ये ब्रेन स्ट्रोकमुळे देशात 6.99 लाख लोकांचा मृत्यू झाला, जे देशातील एकूण मृत्यूच्या 7.4 टक्के आहे. भारतात 2019 मध्ये ब्रेन स्ट्रोक हे मृत्यूचे तिसरे प्रमुख कारण होते.