दिल्लीत एनआरसी विरोधातील आंदोलनाला हिंसक वळण

नवी दिल्ली : दिल्लीतल्या झाफराबाद परिसरात सुरू असलेल्या सीएए आणि एनआरसी विरोधातील आंदोलनाला हिंसक वळण लागलं आहे. सीएए समर्थक आणि सीएए विरोधक एकमेकांना भिडलेत. मोठ्या प्रमाणात दगडफेकही झाली आहे. दुर्गापूरी आणि मौजपूर परिसरात दगडफेक झाली आहे. या ठिकाणी निमलष्करी दलालाही पाचारण करण्यात आलं आहे.

दरम्यान, शनिवारी रात्रीच आंदोलनासाठी मेट्रो स्थानक परिसरात महिला मोठ्या प्रमाणात दाखल झाल्या. त्यांनी मेट्रो स्टेशन परिसराचा ताबादेखील घेतला होता. यावेळी त्यांनी जाफराबादकडे जाणारा संपूर्ण रस्ता अडवून धरला होता.