ऑपरेशन गंगा यशस्वी करणारी `सुपर 30` टीम, एका हॉटेलात कंट्रोल रुम बनवून असं करतायंत नेतृत्व

नवी दिल्ली : रशिया आणि यूक्रेन यांच्यात तणावाचं वातावरण तयार झाल्यानंतर यूक्रेनमध्ये अडकलेल्या भारतीयांना बाहेर काढण्यासाठी भारताच्या दूतावासाने 'ऑपरेशन गंगा' अंतर्गत बुडापेस्ट, हंगेरी येथे एक नियंत्रण कक्ष स्थापन केला आहे. 'ऑपरेशन गंगा' यशस्वी करण्यासाठी एक टीम म्हणून ते काम करत आहेत. युवा भारतीय परराष्ट्र सेवा (IFS) अधिकारी निर्वासनाच्या प्रयत्नांचे नेतृत्व करत आहेत.

भारतीय दूतावासाने बुडापेस्टमधील एका छोट्या हॉटेलच्या खोलीत नियंत्रण कक्ष स्थापन केला आहे. यामध्ये टेक्निकल टीमसोबतच शेकडो स्वयंसेवक देखील काम करत आहेत. युवा भारतीय परराष्ट्र सेवा (IFS) अधिकारी त्यांचे नेतृत्व करत असतात. संपूर्ण सरावावर देखरेख ठेवण्यासाठी माजी राजदूत कुमार तुहीन, ज्यांना विशेष कर्तव्य अधिकारी म्हणून आणण्यात आले होते, यासह सुमारे 30 लोकांची कोर टीम तयार करण्यात आली आहे. 

किमान सहा सदस्य कमांड सेंटरमधील कोर टीमचा भाग आहेत आणि स्वयंसेवक संघांचे नेतृत्व करणाऱ्या 10-15 जणांच्या संघाशी समन्वय साधण्यासाठी जबाबदार आहेत.

बुडापेस्टमध्ये विशेष कर्तव्यावर असलेले इस्रायलमधील भारतीय दूतावासाचे उपप्रमुख राजीव बोदवडे यांनी एएनआयशी बोलताना सांगितले की, "आम्ही जेव्हा सुरुवात केली तेव्हा काही विद्यार्थी होते पण हळूहळू त्यांची संख्या वाढू लागली आणि त्यामुळे एक संघटित रचना झाली." आम्ही 150 हून अधिक स्वयंसेवक आणण्यात यशस्वी झालो, पण संयुक्त प्रयत्नांची गरज होती."