टीम नरेंद्र मोदी, कोण कोण असणार हे जवळपास निश्चित!

पंतप्रधान नरेंद मोदी हे दुसऱ्यांदा पंतप्रधानपदाची शपथ घेत आहेत. टीम मोदीमध्ये कोण असणार याची उत्सुकता शिगेला आहे.

नवी दिल्ली : पंतप्रधान नरेंद मोदी हे दुसऱ्यांदा पंतप्रधानपदाची शपथ घेत आहेत. टीम मोदीमध्ये कोण असणार याची उत्सुकता शिगेला पोहोचली आहे. मात्र, एएनआयने टीम मोदीमध्ये कोण असणार याचे वृत्त दिले आहे. त्यानुसार शिरोमणी अकाली दलाच्या हरसिमरत कौर, भाजप खासदार बाबूल सुप्रियो, भाजप नेते धर्मेंद्र प्रधान, मुक्तार अब्बास, सदानंद गौडा, गिरीराज सिंग, नितीन गडकरी, प्रकाश जावडेकर हे चेहरे अणार आहेत. मोदी मंत्रिमंडळात जुन्याच मंत्र्यांना स्थान देण्यात आले आहे.

मोदी यांनी भाजपला लोकसभा निवडणुकीत मोठे यश मिळवून दिले आहे. एकट्या भाजपला ३०३ जागा मिळाल्या आहेत. तर एनडीएला ३५२ जागा मिळाल्या. भाजपच्या संसदीय नेता निवडीमध्ये नरेंद्र मोदी यांची भाजपच्या खासदारांनी केली. त्यामुळे पंतप्रधान मोदी होणार हे स्पष्ट झाले होते. आज संध्याकाळी शपथविधी होत आहे. टीम मोदीमध्ये आणखी कोण कोण असणार याचीही उत्सुकता आहे.