लस बनवणे ही विशेष प्रक्रिया, एका रात्रीत उत्पादन वाढवणं शक्य नाही - अदर पुनावाला
अदर पुनावाला यांनी म्हटलं की, भारत सरकारकडून त्यांना सगळी मदत मिळत आहे. भारताला मजबूत करण्यासाठी कठोर परिश्रम करू.
मुंबई : देशात कोरोना लसीकरणाचा तिसरा टप्पा सुरू झाला आहे. पण लसीचा पुरेसा साठा नसल्यामुळे बर्‍याच राज्यात, 18 वर्षांपेक्षा जास्त वयाच्या लोकांसाठी लसीकरण अजून सुरु झालेलं नाही. दरम्यान, देशातील यूके औषध निर्माती कंपनी अ‍ॅस्ट्रजेनिका यांच्या सहकार्याने कोव्हिसिल्ड लस विकसित करणार्‍या पुणे येथील सीरम संस्थेचे मुख्य कार्यकारी अधिकारी अदर पूनावाला म्हणाले की, 'लसीचे उत्पादन एका रात्रीत वाढवणे शक्य नाही. ही एक विशेष प्रक्रिया आहे.'
अदर पूनावाला यांनी सोमवारी एक निवेदन जारी केले आणि ते म्हणाले की, 'लसीचे उत्पादन एका रात्रीत वाढवले जाऊ शकत नाही. आम्हाला हे देखील समजून घेण्याची गरज आहे की भारताची लोकसंख्या खूप मोठी आहे आणि सर्व प्रौढांसाठी लसीच्या डोसचे उत्पादन हे एक सोपे काम नाही. अगदी विकसित देश आणि कमी लोकसंख्या असलेल्या कंपन्याही यावर संघर्ष करताना दिसतात."
सीरमचे मुख्य कार्यकारी अधिकारी अदर पुनावाला (Adar Poonawala) पुढे म्हणाले, 'प्रत्येकाला लवकरात लवकर लस हवी आहे. आम्हालाही तसंच वाटतं. आम्ही या दिशेने सर्वतोपरी प्रयत्न करीत आहोत. कोविड -19 विरुद्धच्या लढ्यात आम्ही भारताला मजबूत करण्यासाठी कठोर परिश्रम करू.'
ते पुढे म्हणाले की, 'गेल्या वर्षी एप्रिलपासून आम्ही भारत सरकारबरोबर काम करत आहोत. आम्हाला सर्व प्रकारचा आधार मिळाला आहे, मग तो वैज्ञानिक असो की नियामक असो की आर्थिक.'