स्वाभिमानाला धक्का लावला तर तोडीस तोड प्रत्युतर देऊ, संरक्षणमंत्र्यांचा चीनला इशारा

भारतीय सैनिकांनी केलेल्या कारवाईचं कौतुक

नवी दिल्ली : भारताला युद्ध करायचं नाही पण कोणत्याही महाशक्तीने देशाच्या स्वाभिमानाला धक्का लावला तर तोडीस तोड प्रत्युतर देऊ असं संरक्षणमंत्री राजनाथसिंह यांनी चीनला खडसावलंय. भारताला कोणत्याही शेजारी राष्ट्राशी कधीच वाद नको होते. मैत्रीपूर्ण संबंधांचा भारताचा आग्रह आहे. चीनसोबत सुरू असलेल्या सीमावादात भारतीय सैनिकांनी लडाखमध्ये कमालीची जिगर दाखवल्याचं त्यांनी नमूद केलं. भारतीय सैनिकांच्या या लढाऊ बाण्याचा अभिमान वाटतो असं ते म्हणाले. चीनप्रमाणेच पाकिस्तानच्या कारवायांनाही तसंच दहशतवादाशीही भारतीय सैन्य सातत्याने लढत आहे. पाकिस्तानच्या हद्दीत घुसून दहशतवादी तळांवर भारतीय सैनिकांनी केलेल्या कारवाईचंही त्यांनी कौतुक केलं. 

संरक्षणमंत्री म्हणाले की, भारताला कधीही कोणत्याही देशाबरोबर संघर्ष नको आहे आणि त्याने आपल्या शेजार्‍यांशी शांतता आणि मैत्रीपूर्ण संबंध ठेवण्यास प्राधान्य दिले आहे. बंगळुरू येथील भारतीय वायुसेनेच्या (आयएएफ) मुख्यालय प्रशिक्षण कमांड येथे ते पाचव्या सशस्त्र सैन्याच्या माजी सैनिक दिनानिमित्त ते बोलत होते.

चीनशी झालेल्या वादाचा संदर्भ देताना ते म्हणाले की, या प्रकरणात भारतीय सैनिकांनी अनुकरणीय धैर्य आणि संयम दाखविला आहे आणि त्याचे वर्णन करताना प्रत्येक भारतीयांना अभिमान वाटतो. 'पाकिस्तानच्या भूमीवर अतिरेक्यांचा ढीग' लावणाऱ्या भारतीय जवानांचे संरक्षणमंत्र्यांनीही कौतुक केले. यावेळी सीडीएस जनरल बिपिन रावत हे देखील उपस्थित होते.