कितीही कमवा, पण `या` 5 लोकांचे खिसे मात्र रिकामेच; चाणक्य नीति काय सांगते

Chanakya Niti : आचार्य चाणक्य यांनी आपल्या चाणक्य नीतिमध्ये काही ठराविक लोकांचा उल्लेख केला आहे. ज्या लोकांनी कितीही धन कमावले तरी ते कंगालच असतात. यामागची कारणं आणि ती 5 लोकं पुढे सांगण्यात आली आहेत.

आचार्य चाणक्य नीति यांनी आपल्या चाणक्य नीतिमध्ये काही लोकांचा उल्लेख केला आहे. जे लोकं भरघोस पैसे कमावूनही आयुष्यभर कंगाल राहतात. त्याचे खिसे हे कायमच रिकामे ते रिकामे असतात. याचा अर्थ असा की, या लोकांच्या हातात कधीच पैसा टिकत नाही. कमावण्याच्या नादात या व्यक्तीच्या आयडिया अतिशय असतात पण त्याकडे पैसा मात्र टिकत नाही. या लोकांचे हात कायम रिकामे ते रिकामेच असतात. ही 5 लोकं कोणती ते समजून घेणे गरजेचे आहे. 

दिखावा करणारे लोकं 

असे लोक स्वतःला शीर्षस्थानी दाखवण्यासाठी चुकीच्या मार्गाने खूप पैसा कमावतात, परंतु आचार्य चाणक्य यांच्या मते असे लोक आतून पूर्णपणे पोकळ असतात. त्यांना बाहेरच्या लोकांना प्रभावित करण्याची इतकी सवय लागते की ते विचार न करता पैसे खर्च करू लागतात. अशा वेळी त्यांच्या या सवयीचा फायदा इतर लोकही घेतात आणि बेहिशेबी पैसा खर्च केल्यामुळे या लोकांचे हात रिकामे राहतात.

नेतेगिरी करणारे लोकं

आजूबाजूला असे लोक दिसतील जे स्वतःला शक्तिशाली दाखवण्यासाठी लोकांचे गट बनवून त्यांचे नेते बनू इच्छितात. सामान्य भाषेत, अशा लोकांना इतर लोकांना खाऊ घालून किंवा त्यांची संपत्ती दाखवून त्यांची मान्यता मिळवायची असते. याचे साधे कारण म्हणजे अशा लोकांमध्ये आत्मविश्वासाचा अभाव असतो आणि त्यांच्यात एकटे उभे राहण्याची हिंमत नसते. त्यांच्या इन्फिरिऑरिटी कॉम्प्लेक्समुळे, असे लोक एक पाऊल पुढे टाकताना अनावश्यक खर्च वाढवतात.

प्रत्येक गोष्टीची किंमत करणारे 

असे लोक आयुष्यातील प्रत्येक गोष्ट पैशाने तोलतात. स्वतःला आनंदी दाखवण्यासाठी, असे लोक आराम देणारी प्रत्येक गोष्ट खरेदी करतात. त्याच वेळी, जेव्हा असे लोक काहीतरी साध्य करण्यासाठी कोणालाही कितीही पैसे देण्यास तयार असतात. अशा लोकांचा कल इतका वाढतो की, पैशाने आपण काहीही, अगदी कोणतीही व्यक्ती खरेदी करू शकतो, असे त्यांना वाटू लागते. ही विचारसरणी त्यांच्यावर वर्चस्व गाजवते आणि ते सर्व काही गमावतात.

व्यसनी 

व्यसन असलेले लोक चुकीच्या मार्गाने खूप पैसा कमावतात, परंतु चाणक्यच्या मते व्यसन माणसाची विवेकबुद्धी नष्ट करते. त्यामुळे व्यसनी व्यक्ती कधीही विचारपूर्वक खर्च करत नाही. ड्रग व्यसनाधीन व्यक्तीची फक्त चिंता असते ती म्हणजे त्याचे व्यसन आणि इतर वाईट सवयी. स्वतःच्या स्वार्थात बुडून असे लोक कर्ज आणि गरिबीचे जीवन जगतात. काही वेळा परिस्थिती अशी पोहोचते की त्यांना घरे विकावी लागतात.

लोभी माणूस

'थोडं अजून' ही भावना लोभी लोकांमध्ये खोलवर रुजलेली असते. संपत्तीनेही त्यांचे मन कधीच तृप्त होत नाही. लोभी लोक आपली तिजोरी भरण्यासाठी कोणत्याही थराला जाऊ शकतात, परंतु त्यांची ही सवय कधी कधी त्यांच्यावर ओझे बनते. लोभी असल्यामुळे, त्यांनी बनवलेले डावपेच त्यांच्यावर उलटतात आणि असे लोक सर्वस्व गमावतात.