Maharashtra News Updates | Marathi News LIVE : दिवसभरातील ताज्या बातम्या, महाराष्ट्रातील महत्त्वाचे अपडेट्स एका क्लिकवर
Maharashtra News | Marathi News LIVE Today: दिवसभरातील ताज्या बातम्या, महाराष्ट्रातील ताज्या घडामोडी, मुंबई पुणे नागपूरसह राज्यातील महत्त्वाची शहरं आणि गावांतील ताज्या बातम्या, महाराष्ट्रातील राजकीय घडामोडी, सामाजिक, आर्थिक, आरोग्य, शैक्षणिक आणि क्रीडा तसेच इतर अपडेट्स वाचा एक क्लिकवर.
Latest Updates
कोरोना पार्श्वभूमीवर केंद्र सरकार अ‍ॅक्शन मोडवर
Corona Alert | Marathi News LIVE Today : केंद्र सरकारकडून सावधगिरीच्या मार्गदर्शक सूचना, केंद्र सरकारने जारी केली अलर्ट नोटीस. शाळा, कॉलेज विद्यापीठांना अलर्ट नोटीस जारी. 'गर्दीच्या ठिकाणी मास्क वापरा', केंद्रीय आरोग्य मंत्र्यांच्या सूचना, अधिकाऱ्यांना सतर्कतेचे आदेश.
न्युमोनियाच्या रुग्णांची योग्य तपासणी करा. लक्षण असल्यास कोरोना टेस्ट करा. ख्रिस्मस, न्यू ईयर सेलिब्रेशनआधी नियम लागू ? कोरोना अजून संपलेला नाही, असं सांगत केंद्रीय आरोग्य मंत्रालयानं महत्त्वाच्या सूचना केल्यायत.बातमी पाहा - https://bit.ly/3jlY3QX
खासदार नवनीत राणा यांना दिलासा नाहीच
Navneet Rana | Maharashtra Political News : जातपडताळणी प्रकरणी नवनीत राणा (Navneet Rana) यांना दिलासा मिळालेला नाही. मुंबई सत्र न्यायालयानं राणा यांचा दोषमुक्ततेचा अर्ज फेटाळलाय. या प्रकरणी मुलुंड पोलीस ठाण्यात 2014 साली गुन्हा दाखल करण्यात आला होता. शिवडी कोर्टानं राणा यांचं डिस्चार्ज अ‍ॅप्लिकेशन फेटाळलं होतं. त्यानंतर नवनीत राणा आणि त्यांचे वडील यांनी सत्र न्यायालयात दोषमुक्ततेसाठी अर्ज केला होता. तो कोर्टानं फेटाळलाय.
बातमी पाहा - https://bit.ly/3PHsjSq
राहुल शेवाळेंचे आदित्य ठाकरेंवर गंभीर आरोप
Rahul Shevale | Maharashtra Political News : सुशांत राजपूत मृत्यू प्रकरणात खासदार राहुल शेवाळे (Rahul Shevale) यांनी आदित्य ठाकरेंवर (Aditya Thackeray)गंभीर आरोप केलेत... रिया चक्रवर्तीला AU नावानं 44 फोन आले होते. AU म्हणजे आदित्य उद्धव अशी माहिती बिहार पोलिसांच्या रिपोर्टमध्ये असल्याचा सनसनाटी गौप्यस्फोट शेवाळेंनी लोकसभेत बोलताना केला. AU म्हणजे अनन्या उदास असा उल्लेख मुंबई पोलिसांच्या रिपोर्टमध्ये आहे. बिहार आणि मुंबई पोलिसांच्या रिपोर्टबाबत योग्य खुलासा व्हावा, अशी मागणीही शेवाळेंनी यावेळी केली.
बातमी पाहा - रिया चक्रवर्तीला A U नावानं 44 फोन, AU म्हणजे... राहुल शेवाळेंचा सनसनाटी गौप्यस्फोट
'शाहरुख खान भेटला तर त्याला जिवंत जाळेन'
Shahrukh Khan : शाहरुख खान भेटला तर त्याला जिवंत जाळेन अशी वादग्रस्त धमकी देण्यात आलीय. अयोध्येतील जगद्गुरू आणि तपस्वी छावणीचे संत परमहंस आचार्य यांनी ही वादग्रस्त धमकी दिलीय. पठाण सिनेमातल्या दीपिकाच्या भगव्या बिकिनीचा वाद काही थांबताना दिसत नाही. या सिनेमातल्या बेशरम रंग गाण्यात दीपिकाने भगवी बिकीनी घालत भगव्या रंगाचा अपमान केल्याचा आरोप आहे. आता परमहंस आचार्य यांनी शाहरुख खानलाच धमकी दिलीय. आज आम्ही शाहरुख खानचे पोस्टर जाळले. जर मला जिहादी शाहरुख खान मिळाला तर मी त्याला जिवंत जाळून टाकेन अशी वादग्रस्त धमकी परमहंस यांनी दिलीय.
बातमी पाहा- अयोध्याच्या आचार्यांनी दिली शाहरुख खानला धमकी
देशात पुन्हा सार्वजनिक ठिकाणी मास्क सक्ती लागू होण्याची शक्यता
India Corona Virus : देशात पुन्हा सार्वजनिक ठिकाणी मास्क सक्ती लागू होण्याची शक्यता आहे अशी सूत्रांची माहिती आहे. सार्वजनिक ठिकाणांसह रेल्वे प्रवासातही मास्क सक्ती लागू होण्याची शक्यता आहे. चीन जपान अमेरिकेत कोरोना संकट पुन्हा वाढतंय. त्याचा आढावा घेण्यासाठी केंद्रीय आरोग्यमंत्री मनसूख मांडवीय यांच्या अध्यक्षतेखाली दिल्लीत मॅरेथॉन बैठक सुरू आहे. त्यात मास्क सक्तीचा निर्णय होण्याची शक्यता आहे. ख्रिसमस आणि नवं वर्ष स्वागत लक्षात घेता ही नियमावली लागू होण्याची शक्यता आहे.
बातमी पाहा- पुन्हा बंधनं, पुन्हा मास्कसक्ती? कोरोना उद्रेकानंतर देशाची आरोग्य यंत्रणा अलर्टवर
एलॉन मस्क ट्विटरच्या सीईओ पदाचा राजीनामा देणार?
Elon Musk Will Resign | World News : एलॉन मस्क ट्विटरच्या सीईओ पदाचा राजीनामा देणार का अशी चर्चा आता रंगतेय. कारण आहे मस्क यांनी केलेलं एक ट्विट. एलॉन मस्क यांनी 19 डिसेंबर रोजी पहाटे 4.50 वाजता एक ट्विट केलं, ज्यानं जगभरात खळबळ माजली. ट्विटरच्या सीईओ पदाचा राजीनामा द्यावा का, तुम्ही सांगाल तसं मी करेन असं ट्विट मस्क यांनी केलंय. या ट्विटवर लोकांना मतदान करण्याचं आवाहनही करण्यात आलं. सुमारे 1 लाख 30 हजार लोकांनी हे ट्वीट रिट्वीट केलं. तर एक कोटींहून अधिक लोकांनी मतदान केलं.. 57.5 टक्के लोकांनी मस्क यांनी राजीनामा द्यावा असं मत दिलंय. त्यानंतर मस्क यांनी आज सकाळी पुन्हा ट्विट केलं. ट्विटरच्या CEO पदाची जबाबदारी घेणारी कुणी मूर्ख व्यक्ती मला सापडली, की मी लगेच या पदावरून पायउतार होईन. असं मस्क यांनी म्हटलं आहे.
वीज ग्राहकांवर बेस्टचा भार
Best Electricity Bill | Marathi News LIVE Today : मुंबईकरांना बेस्टनं धक्का दिलाय. बेस्टच्या विद्युत विभागानं ग्राहकांना दोन महिन्याच्या बिलाची अनामत रक्कम भरण्याचं पत्र पाठवलंय. 26 डिसेंबरपर्यंत ग्राहकांना ही रक्कम भरावी लागणार आहे. सुरक्षा अनामत रक्कम ही नवीन वीज जोडणीच्या वेळी घेतली जाते. मात्र बेस्टने दोन महिन्यांच्या मासिक वीज बिलाची अतिरिक्त अनामत रक्कम घेण्याचा निर्णय घेतल्यानं ग्राहकांमध्ये संतापाचं वातावरण आहे. या निर्णयाचा 10 लाख ग्राहकांना फटका बसणार आहे. हा निर्णय बेस्टनं मागे घ्यावा अन्यथा आंदोलन करणार असल्याचा इशारा काँग्रेसनं बेस्टला दिलाय.
केंद्रीय आरोग्य मंत्र्यांचं राहुल गांधींना पत्र
Rahul Gandhi | Political News: केंद्रीय आरोग्य मंत्री मनसुख मांडविया (Mansukh Mandaviya) यांनी राहुल गांधींना पत्र लिहिलंय. भारत जोडो यात्रेत कोरोना नियमांचं पालन करण्याबाबतची सूचना या पत्रात करण्यात आलीय. एवढंच नाही तर जर कोरोना (Corona Virus)नियमांचं पालन करता येणार नसेल तर देशहितासाठी भारत जोडो यात्रा (Bharat Jodo Yatra) स्थगित करण्याचीही सूचना यात करण्यात आलीय. त्यामुळे आता यावरुन राजकारण तापण्याची चिन्हं आहेत
बातमी पाहा- कोरोनामुळे भारत जोडो यात्रा थांबणार?
राज्यात आजपासून थंडीचा जोर वाढणार
State Cold | Marathi News LIVE Today : राज्यात आजपासून पुन्हा थंडीचा जोर वाढणार. उत्तर भारतात दाट धुके आणि थंड हवा वाढल्यामुळे जोरदार थंडी सुरू झाली आहे. या भागाकडून राज्याकडे थंड वारे वाहू लागले आहेत. डिसेंबरमध्ये महाराष्ट्रात पडणाऱ्या थंडीपैकी सुरुवातीच्या 15 दिवसांतील थंडी मंदौस चक्री वादळाने हिरावून घेतली होती. मात्र आता मंदौस चक्री वादळाचा परिणाम आता पूर्णपणे ओसरला आहे.
बातमी पाहा- उकाड्यापासून दिलासा! गारठा वाढला, पाहा किती आहे तुमच्या शहराचं तापमान?
Sanjay Raut Live | Maharashtra Political News : 'राज्य एवढं हतबल विकलांग कधीच नव्हतं', 'राज्य सरकार कोणाला तरी घाबरतंय', 'सरकारला कोणाची तरी भीती वाटतेय ?', 'भूमिका घेतली तर महाराष्ट्र पाठिशी उभं राहिल', खासदार संजय राऊत यांचा राज्य सरकार, केंद्र सरकारला टोला.
Sanjay Raut Live | Maharashtra Political News : 'भूमिका घेत नसाल तर मुख्यमंत्रिपदावर अयोग्य', 'सरकारच्या तोंडात कोणी बोळा कोंबला ?', 'केंद्रीय गृहमंत्र्यांनी गुंगीचं इंजेक्शन दिलं का ?', खासदार संजय राऊत यांचा केंद्र सरकारला सवाल.
Sanjay Raut Live | Maharashtra Political News : 'सीमावादावर सरकारची बोटचेपी भूमिका', 'मुख्यमंत्र्यांनी कणखर भूमिका घ्या', 'सरकार बोम्मईंना उत्तर देणार की नाही ?', 'मुख्यमंत्री सीमावादावर का बोलत नाहीत ?' सीमावादावर खासदार संजय राऊत यांचा मुख्यमंत्री एकनाथ शिंदेंना सवाल.
ताजमहलावर जप्तीवर कारवाईची टांगती तलवार
Taj Mahal : जगातील आश्चर्यांपैकी एक असलेला ताजमहाल सध्या कर थकबाकीच्या वादात अडकलाय. 15 दिवसांत कर भरला नाही तर ताजमहालावर जप्तीची कारवाई करण्याची नोटीस बजावण्यात आलीय. पाणी आणि मालमत्ता कराची तब्बल 1 कोटी 40 लाखांची थकबाकी आहे. ही थकबाकी 2021-22 आणि 2022-23 या आर्थिक वर्षाची आहे. 15 दिवसांत थकीत कर जमा केला नाही तर ताज महाल जप्त केला जाईल असं नोटिशीत म्हटलंय. मात्र भारतीय पुरातत्व सर्वेक्षणाच्या अधिकाऱ्यांनी थकबाकीवर हात वर केलेत. स्मारकांना मालमत्ता कर लागू होत नाही तसंच ताजमहालचा कोणताही व्यावसायिक वापर नसल्यामुळे पाण्यावरील कर भरण्यास पुरातत्व सर्वेक्षण जबाबदार नाही असं त्यांनी म्हटलंय.
बातमी पाहा- ताजमहालावर जप्तीच्या कारवाईची टांगती तलवार
Bharti Pawar Live | Political News : 'कोरोनासंदर्भात केंद्राची बैठक', 'देशावर काय परिणाम याची पाहणी करणार', 'आवश्यकता लागल्यास नवी नियमावली', कोरोना संदर्भात केंद्रीय मंत्री भारती पवार यांची माहिती.
बातमी पाहा- जगभरात कोरोनाचा कहर, केंद्रीय मंत्रालयाने बोलावली तातडीची बैठक
समृद्धी हायवेवर स्पीड लिमिट ताशी 120 किमी
Samruddhi Mahamarg | Marathi News LIVE Today : समृद्धी हायवेवर (Samruddhi Mahamarg) आता गाडी चालवण्यासाठी स्पीड लिमिट निश्चित करण्यात आलंय. समृद्धी हायवे हा गाड्या दीडशे किलोमीटर प्रति तास वेगाने धावतील हे लक्षात ठेऊन बांधण्यात आला होता. पण हायवे सुरु झाल्यापासून अपघात आणि टायर फुटण्याच्या घटना घडल्या. त्यामुळे ही वेगमर्यादा आता ताशी 120 किलोमीटर प्रतितास निश्चित करण्यात आली आहे. मंत्री शंभूराज देसाई (Shambhuraj Desai) यांनी विधानसभेत ही माहिती दिली. गाड्यांचा स्पीड लिमिट नियंत्रित राहण्यासाठी स्पीड गन लावण्यात येतील तसंच पेट्रोलिंग वाहनांची संख्या वाढवली जाईल अशी माहिती शंभूराज देसाईंनी दिली आहे.
बातमी पाहा- समृद्धी महामार्गावर आता गाडी चालवण्यासाठी स्पीड लिमिट निश्चित, अन्यथा कारवाई
मुंबईकरांचं पाणी महागलं
Mumbai Water Expensive | Marathi News LIVE Today : मुंबईकरांचं पाणी (Water) महागलं आहे. कोरोनामुळे दोन वर्ष रखडलेली पाणी दरवाढ मुंबई महापालिका (BMC) प्रशासनानं अखेर अंमलात आणली आहे. मुंबईकरांच्या पाणीपट्टीत 7.12 टक्क्यांची वाढ करण्यात आली आहे. तेव्हा आता हजार लीटरमागे मुंबईकरांना 35 पैसे जास्त मोजावे लागणार आहेत. आधीच भाजीपाला, पेट्रोल दरवाढ अशा महागाईच्या झळा सोसणाऱ्या मुंबईकरांवर आता महागड्या पाण्याचीही भर पडणार आहे. जूनपासून पूर्वलक्ष्यी प्रभावाने लागू होणाऱ्या या दरवाढीच्या प्रस्तावाला पालिका आयुक्त इक्बालसिंह चहल (Iqbal Singh Chahal) यांनी मंजुरी दिलीय. प्रशासक म्हणून सध्या आयुक्तांकडेच पालिकेचा कारभार आहे.. तेव्हा नगरसेवकांच्या अनुपस्थितीत पालिका प्रशासनाने या निर्णयाला मंजुरीही दिली आहे.
बातमी पाहा- मुंबईकरांचं पाणी महागलं! पाण्यासाठी मोजावे लागणार इतके पैसे
प्रजासत्ताक दिनापर्यंत सर्व बालकांचं गोवरचं लसीकरण होणार
Measles vaccination | Marathi News LIVE Today : राज्यात गोवरला (Measles) आळा घालण्यासाठी विशेष गोवर लसीकरण (vaccination) मोहिमेला सुरुवात करण्यात आलीय. त्यानुसार येत्या प्रजासत्ताक दिनापर्यंत सर्व बालकांचं लसीकरण करण्यात येणार आहे. या लसीकरणामध्ये 9 महिने ते 5 वर्ष वयोगटाच्या बालकांचा समावेश असेल. लसीकरणापासून वंचित राहिलेल्या सर्व बालकांसाठी ही विशेष मोहीम आहे. मोहिमेअंतर्गत बालकांना MR1 आणि MR2 या लसीची मात्रा देण्यात येईल. राज्य कृती दलाने तयार केलेल्या आराखड्यानुसार ही मोहीम हाती घेण्यात आलीय. पहिला टप्पा 15 डिसेंबर ते 25 डिसेंबर या कालावधीत होता. आता दुसऱ्या टप्प्याला 15 जानेवारीपासून सुरुवात होणार आहे.
चीन, जपान, अमेरिकेत पुन्हा कोरोनाचा उद्रेक
Corona Alert | World News : चीन, जपान, अमेरिकेत पुन्हा एकदा कोरोना संसर्गाचा वेग वाढला आहे. जगभरातील कोरोना प्रादुर्भावाचा वेग पाहता भारत सरकार अलर्ट झालं आहे. केंद्रीय आरोग्य मंत्री मनसुख मांडवीय (Mansukh Mandaviya) यांनी आज देशातंर्गत कोविड तयारीबाबत महत्त्वाची बैठक बोलावली आहे. त्यामुळे देशात कोरोनासंदर्भात नव्या गाईडलाईन्स किंवा खबरदारीचे उपाय जारी होण्याची शक्यता वर्तवली जात आहे.
बातमी पाहा- कोरोनाव्हायरसच्या नव्या व्हेरिएंटचा भारताला किती धोका आहे? ही 3 लक्षणे दिसताच व्हा सावध
अनिल देशमुखांच्या जामीनावर आज हायकोर्टात पुन्हा सुनावणी होणार
Anil Deshmukh | Maharashtra Political News : अनिल देशमुखांच्या जामीनावर आज हायकोर्टात पुन्हा सुनावणी होणार आहे.. 22 डिसेंबरपर्यंत जामीनाला दिलेली स्थगिती वाढवण्यासाठी सीबीआयनं (CBI) हायकोर्टात याचिका दाखल केली आहे. सीबीआयनं या निकालाला सर्वोच्च न्यायालयात दिलेल्या आव्हानावर जानेवारीत सुनावणी होणं अपेक्षित आहे. सर्वोच्च न्यायालयात यंदा सुट्टीकालीन कोर्ट उपलब्ध नसल्यानं 3 जानेवारीपर्यंत स्थगिती वाढवण्याची सीबीआयकडून विनंती करण्यात आली आहे. त्यावर अनिल देशमुखांना (Anil Deshmukh)जामीन देणाऱ्या न्यायमूर्ती मकरंद कर्णिक यांच्यापुढे आज सुनावणी होईल.