Maharashtra Political News | Live Marathi News : उद्धव ठाकरेंची याचिका दिल्ली हायकोर्टाने फेटाळली.
Maharashtra News | Marathi News LIVE Today: दिवसभरातील ताज्या बातम्या, महाराष्ट्रातील ताज्या घडामोडी, मुंबई पुणे नागपूरसह राज्यातील महत्त्वाची शहरं आणि गावांतील ताज्या बातम्या, महाराष्ट्रातील राजकीय घडामोडी, सामाजिक, आर्थिक, आरोग्य, शैक्षणिक, क्रिकेट, फिफा विश्वचषक तसेच इतर अपडेट्स वाचा एक क्लिकवर.
Latest Updates
ठाकरे गटाला दिल्ली हायकोर्टाचा दणका
Delhi Highcourt on Thackeray group | Maharashtra Political News : दिल्ली हायकोर्टानं ठाकरे गटाला मोठा दणका दिलाय. उद्धव ठाकरेंची (Uddhav Thackeray) याचिका दिल्ली हायकोर्टानं (Delhi Highcourt) फेटाळलीय. शिवसेनेचं नाव, चिन्ह गोठवण्याच्या निवडणूक आयोगाच्या आदेशात हस्तक्षेप करण्यास दिल्ली उच्च न्यायालयानं नकार दिलाय.
बातमी पाहा - https://bit.ly/3YvhE0T
कोकण विकासासाठी KRDA
KRDA for Konkan Development | Maharashtra Political News : MMRDAच्या धर्तीवर लवकरच कोकण क्षेत्र विकास प्राधिकरणाची निर्मिती केली जाणारंय. मुख्यमंत्री एकनाथ शिंदेंनी (Eknath Shinde) कोकणासाठी मोठी घोषणा केलीय. या प्राधिकरणामुळे कोकणच्या विकासाला गती मिळेल अशी ग्वाही शिंदेंनी दिलीय. प्राधिकरणाच्या माध्यमातून रस्ते, पाणीपुरवठा, पायाभूत सुविधांवर भर देण्यात येईल असंही मुख्यमंत्री शिंदेंनी सांगितलंय.
बातमी पाहा - https://bit.ly/3FUYKJM
बाफना खूनप्रकरणी दोघांना फाशीची शिक्षा
Nashik Murder Case | Marathi News LIVE : नाशिकमधल्या बहुचर्चित बाफना खून प्रकरणी (Bafna Murder Case)दोघांना फाशीची शिक्षा सुनावण्यात आलीय. जिल्हा सत्र न्यायालयानं हा निकाल दिलाय. नाशिकमध्ये साडेनऊ वर्षांपूर्वी एक कोटीच्या खंडणीसाठी विपीन गुलाबचंद बाफना या 22 वर्षांच्या मुलाचं अपहरण आणि हत्या करण्यात आली होती. या हत्येनंतर संपूर्ण शहरात खळबळ उडाली होती. या अपहरण आणि हत्येप्रकरणी चेतन यशवंत पगारे, अमन प्रकट सिंग जट यांना दोषी ठरवत कोर्टानं फाशीची शिक्षा सुनावलीय. तर तिघांची निर्दोष मुक्तता करण्यात आलीय.
बातमी पाहा - https://bit.ly/3FtrZ4W
मविआच्या मोर्चासाठी अडीच हजार पोलीस बंदोबस्त
Mahavikas Aghadi Morcha | Maharashtra Political News : महाविकास आघाडीच्या मोर्चाला लिखित परवानगी. मविआच्या मोर्चासाठी अडीच हजार पोलीस बंदोबस्त. मोर्चावर 2 अतिरिक्त आयुक्त, 5 DCP ठेवणार नजर, मविआच्या मोर्चासाठी सीआरपीएफची तुकडी तैनात. मविआच्या मोर्चावर ड्रोन कॅमेऱ्यांची राहणार नजर.
बातमी पाहा - https://bit.ly/3HBCZQu
मविआच्या मोर्चाचं स्वरूप आणि रणनीती ठरली
Mahavikas Aghadi Morcha | Maharashtra Political News : महाविकास आघाडीच्या मोर्चाला लिखित परवानगी. मविआच्या मोर्चाचं (Mahavikas Aghadi Morcha) स्वरूप आणि रणनीती ठरली. उद्या भायखळा एटीएस कार्यालयापासून मोर्चा सुरू होणार. एमएमआरडीए परिसरातून शिवसेना-एनसीपी-काँग्रेस पक्षाचे पदाधिकारी सकाळी 10 वा. यायला सुरूवात होणार. प्रत्येकी तीन प्रमुख पक्ष साधरण 25 हजार प्रत्येकी आणि मित्र पक्ष असे करून साधरण 1 लाख लोक जमविण्याचा प्रयत्न. उद्धव ठाकरे, अजित पवार, नाना पटोले यांसह प्रमुख नेते दुपारी 12 वाजेच्या सुमारास मोर्चास्थळी पोहचणार.
जे. जे. फ्लायओव्हरवरून चालत सर्वजण छत्रपती शिवाजी महाराज टर्मिनलजवळ टाईम्स इमारत येथे पोहचणार. मोर्चा समारोप येथे सभा घेत प्रमुखनेते भाषण करणार. समाजवादी पक्षाचे मुस्लीम कार्यकर्ते मोठ्या संख्येनं मोर्चाला उपस्थित राहण्याची शक्यता आहे.
बातमी पाहा - https://bit.ly/3PEXgXh
दीपिका पदुकोणच्या भगव्या बिकिनीचा वाद
Besharam Rang Song Controversy : पठाण फिल्मच्या (Pathaan Film) निर्माते, दिग्दर्शकांनी समोर येऊन त्यांची भूमिका मांडावी, अशी मागणी भाजपचे प्रवक्ते राम कदम (Ram Kadam) यांनी केलीय. महाराष्ट्रच्या भूमी वर हिंदुत्वाचा अपमान करणारा चित्रपट किंवा सीरियल चालू देणार नाही, असा इशारा राम कदम यांनी दिलाय.
भाजपचं उद्या माफी मागो आंदोलन
Aashish Shelar on mahavikasaghadi | Maharashtra Politics : एकीकडे महाविकास आघाडीने उद्या महामोर्चाचं रणशिंग फुंकलं असताना भाजपने माफी मांगो आंदोलनातून त्याला प्रत्युत्तर देण्याची रणनीती आखलीय. डॉ. बाबासाहेब आंबेडकर यांच्यासह महाविकास आघाडी सातत्याने महापुरूषांचा अपमान करत आहे असा आरोप करत भाजप उद्या मुंबईभर माफी मांगो आंदोलन करणार आहे. उद्या मुंबईतल्या सहा लोकसभा मतदारसंघात भाजप आक्रमकरित्या माफी मांगो निदर्शनं करणार आहे. उद्धव ठाकरे, अजित पवार, नाना पटोले यांनी माफी मागावी अशी मागणी आशिष शेलार यांनी केली.
बातमी पाहा - मविआच्या मोर्चाला उत्तर देण्यासाठी भाजपची रणनिती, उद्या माफी मांगो आंदोलन
आंबेडकर जन्मस्थळावरुन राजकीय घमासान
Aashish Shelar on Sanjay Raut | Maharashtra Political News : डॉ. बाबासाहेब आंबेडकर (Dr. Babasaheb Ambedkar) यांच्या जन्मस्थळाचा वाद संजय राऊत (Sanjay Raut) आणि उद्धव ठाकरेंचा (Uddhav Thackeray) पक्ष जाणीवपूर्वक निर्माण करत आहेत असा आरोप आशिष शेलार यांनी केलाय. राऊतांना वाद निर्माण करण्याची अफगाणी सुपारी मिळाली मिळालीय असा आरोप शेलारांनी (Aashish Shelar) केलाय. राऊतांनी बाबासाहेबांचं चरित्र वाचावं यासाठी भाई गिरकर यांनी त्यांना दोन पुस्तकं पाठवल्याचं शेलार म्हणाले.
बातमी पाहा - "अज्ञान पाजळायची संधी संजय राऊत यांनी सोडलेली नाही"
बनावट कॉल सेंटरचा पर्दाफाश
Pune Fake Call Center | Marathi News LIVE : पुण्यातील दत्तवाडी पोलिसांनी मुंबईत धडक कारवाई करत बनावट कॉल सेंटरचा पर्दाफाश केलाय...मुलुंडमधील बनावट कॉल सेंटरमध्ये धडक देत ही कारवाई केली...बनावट कॉल सेंटरच्या माध्यमातून अनेकांची फसवणूक होत होती...बजाज फिन्सर कंपनीच्या नावाने ही लूट सुरू होती...बिनव्याजी कर्ज देण्याच्या नावाने ग्राहकांना लुटलं जात होतं...याची तक्रार पोलिसांकडे येताच पुणे पोलिसांनी या बनावट कॉल सेंटरचा शोध घेतला...यावेळी कॉलसेंटरमध्ये 43 लोकांमार्फत फोन केले जात असल्याचं उघडकीस आलं...कोट्यवधी रुपयांची फसवणूक या कॉल सेंटरच्या माध्यमातून करण्यात आलीय...आता पोलिसांनी आरोपींना ताब्यात घेत, 40 मोबाईल, 7 हार्ड डिस्क जप्त केल्यायत...
बातमी पाहा - पुणे पोलिसांची मुंबईत मोठी कारवाई; बनावट कॉल सेंटर उद्ध्वस्त
लावणी कलाकार गौतमी पाटीलच्या कार्यक्रमात गोंधळ
Beed Gautami Patil Dance | Marathi News LIVE : लावणी कलाकार गौतमी पाटीलच्या (Gautami Patil) कार्यक्रमात गोंधळ झालाय...बीडमध्ये एका हॉटेलच्या उदघाटनाच्या कार्यक्रमात गौतमी पाटीलचा लावणी डान्स सुरू होता...यावेळी गर्दी झाल्याने काहींनी स्टेजवर प्रवेश केला...यावेळी कार्यक्रमात गोंधळ उडाला...परळी रोडवरील कार्यक्रमात गोंधळ झाल्यामुळे संपूर्ण वाहतूक ठप्प झाली...यावेळी गौतमी पाटीलने डान्स थांबवला...
बातमी पाहा - गौतमी पाटीलच्या कार्यक्रमात गोंधळ
ग्रामपंचायत निवडणुकीत अंधश्रद्धेला खतपाणी
Sangali Black Magic | Marathi News LIVE : सांगली जिल्ह्यात खानापूर आणि वाळवा तालुक्यात ग्रामपंचायत निवडणुकीत (Grampanchayat Election) अंधश्रद्धेला खतपाणी घातलं जातंय.निवडून येण्यासाठी उमेदवार जादूटोणा-भानामतीसारख्या प्रकाराचा आधार घेतायत. वाळवा तालुक्यात कनेगावाच्या चौकात मध्यरात्री अज्ञातांनी टोपलीत केळी, कापड, बाहुल्या, लिंबू, हळद-कुंकू टाकलेलं साहित्य ठेवलेलं. तर खानापूर जाधवनगरमध्ये प्रचाराच्या बॅनर समोर नारळ, हळदी कुंकू, लिंबू ठेवलंलं आढळलं.
वंदे भारत एक्स्प्रेसवर दगडफेक
Vande Bharat Express : नागपूर-बिलासपूर वंदे भारत ट्रेनवर (Nagpur-Bilaspur Vande Bharat) दगडफेक झाल्याची घटना घडलीय. छत्तीसगडच्या (Chhattisgarh) भिलाईजवळ समाजकंटकांकडून दगडफेक (Stone Pelting) करण्यात आली...दगडफेकीमुळे वंदे भारत ट्रेनच्या खिडकीची काच फुटली...सुदैवाने दगडफेकीत कुणीही जखमी झालेलं नाही...बुधवारी संध्याकाळच्या सुमारास ही घटना घडली...नागपूर ते बिलासपूर वंदे भारत ट्रेनला 11 डिसेंबरला पंतप्रधान नरेंद्र मोदी यांनी हिरवा झेंडा दाखवला....त्यानंतर ही ट्रेन सुरू झाली...छत्तीसगडमधील दुर्गजवळ ही घटना घडली असून, या संपूर्ण प्रकरणाची रेल्वे प्रशासनाने गंभीर दखल घेतलीय...
बातमी पाहा - वंदे भारत एक्स्प्रेसवर दगडफेक
ग्रामपंचायत निवडणुकीमध्ये काळी जादू?
Kolhapur Black Magic | Marathi News LIVE : कोल्हापुरात ग्रामपंचायत निवडणुकीमध्ये (Grampanchayat Election) करणी भानामती यासारखे प्रकार दिसून येत आहेत. काही ठिकाणी साधूंना बोलावून वेगवेगळ्या पूजाअर्चा केला जात असल्याचं उघडकीस आलंय...कोल्हापूर (Kolhapur) जिल्ह्यातील ग्रामपंचायत निवडणूक अवघ्या एक दिवसावर येवून ठेपलीय...यातूनच बामणी गावांमध्ये एका उमेदवाराकडे चार परप्रांतीय साधू आल्याने चर्चांणा उधाण आलंय...हा प्रकार समजताच गावातील तरुणांनी या साधूंचा पाठलाग करत त्यांना गावातून पिटाळून लावलं...सुरुवातीला गावातील उमेदवाराचा पत्ता विचारणारे साधू नंतर मात्र आपण रामेश्वरच्या यात्रेसाठी जात असल्याचे कारण सांगितले. पण तरुणांनी रामेश्वर यात्रा गावात नसताना गावात काय काम असा जाब विचारात या साधूंवर प्रश्नाचा भडीमार केला...हे साधू कसे बसे ग्रामस्थांच्या तावडीतून सुटले...पण हे साधू नेमकं कोणत्या उमेदवाराकडे आले होते, तो उमेदवार साधूंना बोलावून काय करणार होता हे मात्र गुलदस्त्यात आहे.
बातमी पाहा - ग्रामपंचायत निवडणुकीत काळी जादू? कोल्हापुरातील धक्कादायक प्रकार समोर
सोन्याच्या भावात नव्या वर्षात मोठी तेजी
Gold Price Update : सोन्याच्या दरात सध्या मोठी तेजी पाहायला मिळतेय.. नव्या वर्षात सोनं 64 हजारांवर जाण्याचा अंदाज तज्ज्ञांनी वर्तवला आहे. मागच्या दीड ते दोन महिन्यांमध्ये सोन्याच्या दरात दोन हजार रुपयांपेक्षा जास्त वाढ झालीय. डिसेंबर अखेरपर्यंत सोन्याचे दर 56 हजारपेक्षा आणखी वाढण्याची शक्यता आहे. सध्या लग्नसराईचे दिवस आहेत, त्यामुळे सोन्याला मोठी मागणी आहे. सोनं खरेदीसाठी त्यामुळे सराफा दुकानांमध्ये मोठी गर्दी दिसून येतेय. एकीकडे शेअर बाजारात पडझड झालेली पाहायला दिसतेय, तर दुसरीकडे लोकांचा कल सोने खरेदीकडे दिसतोय.
बातमी पाहा - सोने खरेदी करण्यापूर्वी ही बातमी वाचा, पाहा नवीन दर
कोरोनानं पुन्हा जगाचं टेन्शन वाढवलं
China Corona Update : कोरोनाचा संसर्ग कमी झाल्याने सर्व सुरळीत सुरू होतं...पण, आता पुन्हा एकदा कोरोनानं जगाचं टेन्शन वाढवलंय...चीनमध्ये (China) कोरोनाच्या ओमायक्रॉन व्हेरियंट (Omicron Varient) झपाट्याने पसरत असल्याने कोरोनाचा उद्रेक झालाय...ओमायक्रॉनचा BF.7 हा व्हेरियंट वेगानं पसरतोय...वेगानं रुग्णवाढ होत असताना गेल्या आठवड्यात निर्बंधांमधून सूट देण्यात आलीय...यामुळे येत्या काही महिन्यात चीनमध्ये 20 लाख लोकांचा मृत्यू होऊ शकतो अशी भीती शास्त्रज्ञांनी व्यक्त केलीय...हाँगकाँगमधील शास्त्रज्ञांच्या अहवालानुसार तब्बल 20 लाख लोकांचा कोरोनामुळे मृत्यू होण्याची शक्यता वर्तवलीय...
बातमी पाहा - चीनमध्ये कोरोनाचे पुन्हा थैमान, जगाची चिंता वाढली
जेईई मेन परीक्षा जानेवारीत होणार
JEE Main Exam Date | Marathi News LIVE : जेईई मेन परीक्षेसंदर्भात मोठी बातमी... जानेवारीमध्ये जेईईची मेन परीक्षा होणार आहे. पहिल्या सत्राची परीक्षा जानेवारी 2023 मध्ये होणार असून अर्ज भरण्याची सुरुवात कालपासून झाली आहे. अर्ज भरण्यासाठी विद्यार्थ्यांना 12 जानेवारीपर्यंत मुदत देण्यात आलीय. jeemain.nta.nic.in या वेबसाईटवर विद्यार्थी अर्ज भरू शकणार आहेत. तर जानेवारीतच अ‍ॅडमिट कार्डही विद्यार्थ्यांना मिळेल. जेईईसाठी मराठीसह 13 भाषांमध्ये परीक्षा होईल. JEE-Mains द्वारे NIT, Triple IT, GFTI मध्ये प्रवेश घेण्यासाठी बारावी उत्तीर्ण विद्यार्थ्यांना जेईई-मेन रँकच्या आधारे प्रवेश दिला जाणार आहे. त्यामुळे विद्यार्थ्यांना मोठा दिलासा मिळणार आहे.
बातमी पाहा - जेईई मेन परीक्षेसंदर्भातील मोठी बातमी; सर्व महत्त्वाच्या तारखा एका क्लिकवर
मुलींना वश करण्यासाठी जादूटोणा?
Kolahpur Black Magic | Marathi News LIVE : शाहूंच्या पुरोगामी कोल्हापुरात अंधश्रद्धेचा (Superstition) अघोरी प्रकार समोर आलाय...परडीत मुलींचा फोटो ठेऊन त्यावर हळद कुंकू, लिंबूला टोचलेल्या टाचण्या, हिरवं कापड असा उतारा ठेवल्याचा धक्कादायक घडलाय...बालिंगा-पाडळी रस्त्यावर हा जादूटोण्याचा (Black Magic) प्रकार उजेडात आलाय...हा अघोरी प्रकार कुणी केला...? याचा तपास आता पोलीस करतायत...पण, वशीकरणासाठी करण्यात आलेल्या या काळ्या जादूच्या घटनेमुळे आता पाडळी खुर्द या गावातील मुलींना घराबाहेर पडता येत नाहीये...त्यांची शाळा बंद होतेय की काय अशी परिस्थिती आहे.
बातमी पाहा - फोटोवर हळद- कुंकू, टाचण्या टोचलेले लिंबू आणि...; महाराष्ट्रात मुलींवर वशीकरण
मविआच्या महामोर्चाला परवानगी मिळणार?
Mahavikas Aghadi Morcha | Maharashtra Political News : महाविकास आघाडीच्या मुंबईतील महामोर्चासाठी अजून परवानगी मिळालेली नाही. आज पोलीस महामोर्चाला परवानगी देतील का याकडे लक्ष लागलंय. उद्याच्या महामोर्चासाठी महाविकास आघाडी ठाम आहे. लोकशाही मार्गाने मोर्चा काढणारच असा निर्धार महाविकास आघाडीच्या नेत्यांनी (MVA Leaders) केलाय. "महाराष्ट्रद्रोही विरोधात हल्लाबोल" या घोषवाक्याखाली महाविकास आघाडी रस्त्यावर उतरणार आहे. यासाठी ठाकरे गट (Thackeray Group), राष्ट्रवादी (Nationalist Congress Party) आणि काँग्रेस (Congress) या तीनही पक्षांनी तीन लाखांहून अधिक कार्यकर्ते जमवण्याचं लक्ष ठेवलं आहे. विराट मोर्चा ऐतिहासिक करण्याचा प्रयत्न आहे. मात्र एवढं सगळं प्लॅनिंग केलं असलं तरी अजून परवानगीचं काय असा प्रश्न उपस्थित आहे. महाविकास आघाडीच्या या मोर्चाला समाजवादी पक्षापासून सीपीआय, मराठा क्रांती ठोक मोर्चा या संघटनांनी देखील पाठिंबा दिला आहे. त्यामुळे राज्यपाल हटाओपासून शिवाजी महाराजांच्या विरोधात वक्तव्य करणाऱ्या नेत्यांवर कारवाई करण्याबाबतच्या मागण्या मोर्चात पाहायला मिळणार आहेत.