बीड : काँग्रेसचे प्रदेशाध्यक्ष अशोक चव्हाण यांनी बीड जिल्ह्यातल्या अंबाजोगाई इथे बीडच्या पालकमंत्री आणि ग्रामविकास मंत्री पंकजा मुंडे यांच्यावर सडकून टीका केली. जिल्ह्यात दुष्काळसदृश परिस्थिती असताना, पालकमंत्री मात्र विदेशात अदृश्य झाल्या असल्याचा टोला अशोक चव्हाण यांनी लगावला. 


तर लातूरचे पालकमंत्री संभाजी निलंगेकर यांनी रात्री केलेल्या दुष्काळ पाहणीचीही त्यांनी खिल्ली उडवली. राज्य सरकार दुष्काळाच्या प्रश्नावर गंभीर नसल्याचंच यातून दिसत असल्याचा आरोप त्यांनी केला.