होरायझन, सफायर, वेदांत आणि कौशल्या रुग्णालयात कोरोनाच्या गरजू रुग्णांवर मोफत उपचार

या रुग्णालयांमध्ये होणार मोफत उपचार

ठाणे : ठाणे शहरामधील होरायझन प्राईम, सफायर, कौशल्या आणि वेदांत हॅास्पीटलमध्ये कोविड 19 बाधित गरीब गरजू नागरिकांना केंद्र सरकारच्या प्रधानमंत्री जन आरोग्य योजना व राज्य सरकारच्या महात्मा ज्योतिबा फुले जन आरोग्य योजनेंतर्गत मोफत उपचार सुविधा सुरू करण्यात आली आहे. 

शहरातील कोरोनाचा वाढता संसर्ग टाळण्यासाठी विविध उपाययोजना सुरू आहेत. महानगरपालिका क्षेत्रातील कोरोना कोविड - १९ घोषित केलेल्या रुग्णालयांमध्ये गरीब व मध्यमवर्गीय रुग्णांना कमीत कमी दरात योग्य उपचार मिळावेत यासाठी महापालिका प्रशासन आग्रही होते. या पार्श्वभूमीवर पिवळे, केशरी रेशनकार्डधारक व मध्यम उत्पन्न गटातील नागरिकांना होरायझन प्राईम, सफायर, कौशल्या आणि वेदांत हॅास्पीटलमध्ये ही योजना सुरू करण्यात आली आहे.

या रुग्णालयात गरजू व वंचितांना मोफत कोविड -१९ उपचार मोफत दिले जाणार आहेत. शहरातील कोव्हीड बाधित गरीब नागरिकांना सरकारच्या प्रधानमंत्री जन आरोग्य योजना व राज्य सरकारच्या महात्मा ज्योतिबा फुले जन आरोग्य योजनेंतर्गत दाखल केले जाणार आहे. या योजनेंतर्गत उच्च प्रतीचे उपचार, अत्याधुनिक सुविधा व पौष्टिक जेवण सर्व रूग्णांना विनामूल्य उपलब्ध देण्यात येणार आहे.