Loksabha Election 2024 Live Updates : मतदान केंद्रात मोबाईल आणू नका, निवडणूक अधिकाऱ्यांचे आवाहन
Loksabha Election 2024 Live Updates : लोकसभा निवडणुकांच्या चौथ्या टप्प्यातील प्रचाराच्या तोफा थंडावल्या आहेत. येत्या सोमवारी 13 मे रोजी देशातील 10 राज्यांमधील 96 जागांवर मतदान प्रक्रिया पार पडणार आहे.
Loksabha Election 2024 Live Updates : लोकसभा निवडणुकांच्या चौथ्या टप्प्यातील प्रचाराच्या तोफा थंडावल्या आहेत. येत्या सोमवारी 13 मे रोजी देशातील 10 राज्यांमधील 96 जागांवर मतदान प्रक्रिया पार पडणार आहे. यात महाराष्ट्रातील 11 मतदारसंघात निवडणूक होणार आहे. यात नंदूरबार, जळगाव, रावेर, जालना, औरंगाबाद (संभाजीनगर), मावळ, पुणे, शिरुर, अहमदनगर, शिर्डी, बीड या मतदारसंघाचा समावेश आहे. तर आध्रंप्रदेशमधील 25, बिहारमधील 5, छत्तीसगडमधील 5, झारखंडमधील 4, मध्य प्रदेशातील 8, महाराष्ट्रातील 11, ओडिशातील 4, तेलंगणामधील 17, उत्तर प्रदेशमधील 13, पश्चिम बंगालच्या 8 जागांचा समावेश आहे. तसेच चौथ्या टप्प्यात 10 राज्यातील 1717 उमेदवार निवडणुकीच्या रिंगणात उतरले आहेत.
Latest Updates
Loksabha Election 2024 Live Updates: राज ठाकरेंचं आनंद दिघे यांना अभिवादन
राज ठाकरे टेंभी नाका येथील आनंद आश्रमात. आनंद दिघे यांना अभिवादन केले
Loksabha Election 2024 Live Updates: मुख्यमंत्री एकनाथ शिंदे नाशिक मध्ये दाखल
नाशिकच्या मनोहर गार्डन मध्ये घेणार विविध सामाजिक संस्था शिक्षण संस्था यांच्यासोबत घेणार संवाद बैठक
Loksabha Election 2024 Live Updates: लोकसभा निवडणुकीच्या पार्श्वभूमीवर पुणे जिल्ह्यात राज्य उत्पादन शुल्क विभागाचे मोठी कारवाई
लोकसभा निवडणुकीच्या पार्श्वभूमीवर पुणे जिल्ह्यात राज्य उत्पादन शुल्क विभागाचे मोठी कारवाई. १६ मार्च ते १० मे आचारसंहिता कालावधीत २ कोटी ६५ लाख २४ हजारांचा मुद्देमाल जप्त
Loksabha Election 2024 Live Updates: भाजप 400 नाही, 40 पण पार करणार नाही: खरगे
काँग्रेस अहवालप्रमाणे महाराष्ट्रात काँग्रेस सर्वात जास्त जागा मिळतील, भाजप 400 नव्हे तर 40 पर देखील जाणार नसल्याचा दावा काँग्रेस पक्षाचे राष्ट्रीय अध्यक्ष मल्लिकार्जुन खरगे यांनी केला आहे.
Loksabha Election 2024 Live Updates: मनसे अध्यक्ष राज ठाकरे हे आज आनंद आश्रमाला भेट देणार
Loksabha Election 2024 Live Updates: बदलापूरच्या राष्ट्रवादी काँग्रेस शरद पवार गटाला मोठा धक्क, शहराध्यक्षाचा राजीनामा
भिवंडी लोकसभा मतदारसंघातील कल्याण पश्चिमेत आज शरद पवार यांच्या सभेआधीच राष्ट्रवादीला मोठा धक्का बसला आहे. बदलापूरच्या राष्ट्रवादी काँग्रेस शरद पवार गटाचे शहराध्यक्ष शैलेश वडनरे यांनी आज तडका फडकी आपल्या पदाचा राजीनामा दिला आहे
Loksabha Election 2024 Live Updates: साताराः ईव्हीएम मशिन ठेवलेल्या गोदामाच्या परिसरातील सीसीटीव्ही यंत्रणा बंद, सिक्युरिटी सिस्टिमचा ठेकेदाराला कारणे दाखवा नोटीस
साताऱ्यात ईव्हीएम मशिन ठेवलेल्या गोदामाच्या परिसरातील सीसीटीव्ही यंत्रणा कोलमडली असल्याचे समोर आले आहे.याबाबत राजकुमार पाटील शरदचंद्र पवार गटाचे जिल्हा सर चिटणीस यांनी जिल्हाधिकारी जितेंद्र डूडी यांच्याकडे तक्रार केली आहे
Loksabha Election 2024 Live Updates : मतदान केंद्रात मोबाईल घेवून येवू नका, निवडणूक अधिकाऱ्यांचे आवाहन
मावळ लोकसभा मतदारसंघात उद्या होत असलेल्या मतदानासाठी कंट्रोल रूम सज्ज करण्यात आलेला आहे. या कंट्रोल रूम मधून 50 टक्के मतदान केंद्रावर लक्ष ठेवण्यात येणार आहे. यावेळी मतदान करताना मतदारांनी व्हिडीओ काढून तो व्हायरल करु नये, यासाठी मतदान केंद्रावर मोबाईल आणता येणार नाही, असे निवडणूक अधिकाऱ्यांनी स्पष्ट केलं आहे.
Loksabha Election 2024 Live Updates : पुण्यातील निवडणूक कामासाठी पीएमपीच्या 818 बस रवाना
पुण्यातील निवडणूक कामासाठी पीएमपीच्या 818 बस रवाना करण्यात आल्या आहेत
पुणे शहर, मावळ आणि शिरुर या तीन लोकसभा मतदार संघात निवडणूक कामासाठी या बस रवाना केल्या आहेत
पुढील दोन दिवस या बस निवडणूक सेवेसाठी देण्यात आल्या आहेत.
त्यामुळे पुणेकर प्रवाशांना बस अपुर्‍या पडणार आहेत.
पीएमपी प्रशासनाने या दिवशी ताफ्यातील अतिरिक्त बस मार्गावर उतराव्यात, अशी मागणी प्रवाशांकडून केली जात आहे.Loksabha Election 2024 Live Updates : नवी मुंबईत महायुतीतर्फे मिसळ पे चर्चा
नवी मुंबईत महायुतीतर्फे मिसळ पे चर्चा कार्यक्रमाचे आयोजन, महायुतीकडून मिसळ पे चर्चा चे आयोजन, सीवूड विभागात महायुतीमधील स्थानिक नेत्यांसह विविध सोसायटीमधील रहिवाशी या कार्यक्रमात सहभागी, नवी मुंबईतील 95 आजी माजी नगरसेवक महायुती सोबत असून नरेश म्हस्के यांचा विजय निश्चित असल्याची प्रतिक्रिया शिवसेना उपनेते विजय नाहटा यांनी दिली.
Loksabha Election 2024 Live Updates : नाशिकमधील काँग्रेसच्या माजी जिल्हाध्यक्षाचा भाजपात प्रवेश
नाशिकचे काँग्रेस पक्षाचे माजी जिल्हाध्यक्ष डॉक्टर तुषार शेवाळे यांनी भाजपमध्ये प्रवेश करत आहे. भाजपा प्रदेशाध्यक्ष चंद्रशेखर बावनकुळे यांच्या उपस्थितीत हा प्रवेश सोहळा संपन्न झाला. यावेळी काँग्रेस पक्षाचे अनेक पदाधिकारी आणि कार्यकर्त्यांनी शेवाळे यांच्यासोबत भाजपत प्रवेश घेतला. धुळे लोकसभा मतदारसंघासाठी काँग्रेसकडून उमेदवारीसाठी तुषार शेवाळे इच्छुक होते. उमेदवारी नाकारल्यानंतर पक्षाचा राजीनामा दिला होता. काँग्रेसने त्यांना थांबाविण्याचा प्रयत्न केला नाही. तात्काळ त्यांचा राजीनामा मंजूर करण्यात आलेला होता. त्यामुळे ऐन लोकसभा निवडणुकीत काँग्रेसला हा मोठा धक्का लागला आहे.
Loksabha Election 2024 Live Updates : पालघरच्या उमेदवारासाठी प्रकाश आंबेडकरांची बोईसरमध्ये जाहीर सभा
आगामी लोकसभा निवडणुकांच्या पार्श्वभूमीवर सभांचा धडाका सुरु, वंचित बहुजन आघाडीच्या पालघरच्या उमेदवार विजया म्हात्रेंच्या प्रचारासाठी प्रकाश आंबेडकर बोईसरमध्ये जाहीर सभा, आज दुपारी 2 वाजता सभेला होणार सुरुवात
Loksabha Election 2024 Live Updates : संजय दिना पाटलांसाठी आदित्य ठाकरेंची भव्य सभा
ईशान्य मुंबईतील महाविकास आघाडीचे उमेदवार संजय दिना पाटलांच्या प्रचारासाठी आदित्य ठाकरे आणि अनिल देशमुख भव्य सभा घेणार आहेत. आज संध्याकाळी 6 वाजता भांडूपमध्ये जाहीर सभा होणार आहे.
Loksabha Election 2024 Live Updates : यामिनी जाधवांच्या प्रचारासाठी राहुल नार्वेकरांची भव्य सभा
दक्षिण मुंबईतील शिवसेनेच्या लोकसभा उमेदवार यामिनी यशवंत जाधवांच्या प्रचारार्थ राहुल नार्वेकरांनी भव्य सभेचं आयोजन केलं. कुलाबा विधानसभा मतदार संघात रात्री साडेआठ वाजता ही सभा होणार आहे. यावेळी देवेंद्र फडणवीस, रामदास आठवलेंसह अनेक मान्यवर उपस्थित राहणार आहेत.
Loksabha Election 2024 Live Updates : ठाकरे-राऊतांची मुलाखत म्हणजे काळू-बाळूचा तमाशा, भाजपची टीका
भाजप प्रदेशाध्यक्ष चंद्रशेखर बावनकुळेंनी उद्धव ठाकरेंनी सामनाला दिलेल्या मुलाखतीवर टीका केलीय. ठाकरे-राऊतांची मुलाखत म्हणजे काळू-बाळूचा तमाशा अशी टीका बावनकुळेंनी केली आहे. उद्धव ठाकरे यांच्यात हिंमत असेल तर त्यांनी काही प्रश्नांची उत्तरं द्यावीत, असं म्हणत बावनकुळेंनी 5 प्रश्नांची यादीच ट्विट केली आहे.
Loksabha Election 2024 Live Updates : महाविकास आघाडी किमान 35 जागा जिंकतील, संजय राऊतांचा विश्वास
महाविकास आघाडी किमान 35 जागा जिंकतील असा विश्वास संजय राऊतांनी व्यक्त केला. तर 15 तारखेला पुन्हा नाशिक दौरा काढून मनपातील 800 कोटींचा भूसंपादन घोटाळा बाहेर काढणार असल्याचं सुतोवाचही राऊतांनी केलं. तर बावनकुळेंनी ठाकरेंच्या मुलाखतीवर केलेल्या टीकेचाही राऊतांनी समाचार घेतलाय.
Loksabha Election 2024 Live Updates : संभाजीनगरातील मोबाईलच्या दुकानातून 39 लाख रुपये जप्त
संभाजीनगरमध्ये रात्री उशिरा मोबाईल दुकानातून 39 लाख रुपये जप्त करण्यात आले. यासोबत नोटा मोजण्याच्या मशिनसह चार आरोपींना अटक करण्यात आली. निवडणूक खर्च निरीक्षक आणि पोलिसांनी टाकलेल्या छाप्यात शहरातील पैठण गेट येथील एका मोबाइलच्या दुकानात 39 लाखांची रोकड जप्त केली. याप्रकरणी रमेश खंडूजी बुधवंत, शैलेश राठोड, असलम खान इस्माइल, शेख रिझवान शेख शफिक या चौघांना अटक झाली. पोलिसांनी चौकशी केली असता हवालासाठी ही रक्कम असल्याची माहिती त्यांनी दिली. त्यामुळे पोलिसांचा संशय आणखी बळाला. त्यांनी चौघांना अटक करून रोकड जप्त केली
Loksabha Election 2024 Live Updates : संभाजीनगरातील मोबाईलच्या दुकानातून 39 लाख रुपये जप्त
संभाजीनगरमध्ये रात्री उशिरा मोबाईल दुकानातून 39 लाख रुपये जप्त करण्यात आले. यासोबत नोटा मोजण्याच्या मशिनसह चार आरोपींना अटक करण्यात आली. निवडणूक खर्च निरीक्षक आणि पोलिसांनी टाकलेल्या छाप्यात शहरातील पैठण गेट येथील एका मोबाइलच्या दुकानात 39 लाखांची रोकड जप्त केली. याप्रकरणी रमेश खंडूजी बुधवंत, शैलेश राठोड, असलम खान इस्माइल, शेख रिझवान शेख शफिक या चौघांना अटक झाली. पोलिसांनी चौकशी केली असता हवालासाठी ही रक्कम असल्याची माहिती त्यांनी दिली. त्यामुळे पोलिसांचा संशय आणखी बळाला. त्यांनी चौघांना अटक करून रोकड जप्त केली
Loksabha Election 2024 Live Updates : राहुल शेवाळे यांनी मॉर्निंग वॉक करणाऱ्यांसोबत साधला संवाद
आज दक्षिण मध्य मुंबईचे उमेदवार राहुल शेवाळे यांनी आपल्या मतदारसंघातील वडाळ्यातील फाईव्ह गार्डन या ठिकाणी मॉर्निंग करणाऱ्या लोकांसोबत साधला संवाद,
निवडणूक जिंकल्यानंतर उरलेले पुनर्विकासाचे प्रश्न मार्गी लावणार, अस राहुल शेवाळे म्हणाले.
तर उद्धव ठाकरे यांना माझ्या विरोधात प्रचारासाठी उतरावा लागतो, हेच माझ्या विजयाचे गणित आहे, असं राहुल शेवाळे म्हणाले.
निवडणुकीत फिट राहणं अत्यंत महत्त्वाचा आहे, त्यामुळे सर्वत्र फिरुन प्रचार करत आहे. मोदींनी जो मूळ मंत्र दिलाय, फिट रहा; त्यानुसार सर्वत्र फिट राहण्याचा प्रयत्न करत आहे, असे राहुल शेवाळेंनी म्हटले.
Loksabha Election 2024 Live Updates : पुणे लोकसभेसाठी मतदार संघनिहाय निवडणूक साहित्याचे वाटप सुरु
पुणे लोकसभा मतदारसंघाच्या निवडणुकीसाठी प्रशासनाकडून साहित्य वाटपाला सुरुवात
EVM मशीन सह इतर साहित्य मतदान केंद्राकडे रवाना होत आहेत
निवडणूक प्रक्रियेत कर्मचारी आणि अधिकाऱ्यांना लागणारे सर्व साहित्याचे वाटप करण्यात येत आहे.
उद्या पुणे लोकसभा मतदारसंघासाठी निवडणूक पार पडणार
पुणे लोकसभेअंतर्गत वडगावशेरी, शिवाजीनगर, कोथरुड, पर्वती, पुणे कॅन्टोन्मेंट आणि कसबा पेठ विधानसभा मतदार संघ निवडणुकीसाठी सज्ज
एकूण 11 हजार 170 अधिकारी आणि कर्मचारी यांची नियुक्त करण्यात आली आहेLoksabha Election 2024 Live Updates : मुख्यमंत्री एकनाथ शिंदेंचा तातडीने नाशिक दौरा, व्यावसायिक आणि सामाजिक संस्थांशी संवाद
मुख्यमंत्री एकनाथ शिंदे आज नाशिकमध्ये येत असून, ते विविध व्यावसायिक आणि सामाजिक संस्थांशी संवाद साधणार आहेत. मुख्यमंत्री शिंदे हे रविवारी सायंकाळी ६ वाजता पोलिस परेड ग्राऊंडने हेलिकॉप्टरने येतील. त्यानंतर सायंकाळी ६.३० वाजता मनोहर गार्डन येथे शिक्षणसंस्था चालक, क्रीडा आणि अन्य संस्थांच्या प्रतिनिधींशी संवाद साधणार आहेत. त्यानंतर रात्री ८ वाजता बीएलव्हीडी येथे उद्योजकांशी ते संवाद साधणार आहेत. मुख्यमंत्री शिंदे यांच्या समवेत उद्योगमंत्री उदय सामंतदेखील येणार आहेत.
Loksabha Election 2024 Live Updates : श्रीकांत शिंदेंसाठी आज राज ठाकरेंची कळव्यात सभा
मनसे अध्यक्ष राज ठाकरेंची कळव्यात आज संध्याकाळी 6 वाजता सभा होणार आहे. कल्याणचे महायुतीचे उमेदवार श्रीकांत शिंदेंसाठी कळव्यातील 90 फीट रोडवर राज ठाकरेंची सभा होणार आहे. सभेपूर्वी राज ठाकरे टेंभी नाका इथल्या आनंद आश्रमात जाणार जाऊन दिघेंना अभिवादन करणार आहेत...दिघेंच्या मृत्यूनंतर आणि सेना सोडल्यानंतर राज ठाकरे प्रथमच आनंद आश्रमात जाणार आहेत...
Loksabha Election 2024 Live Updates : दिघेंच्या मृत्यूनंतर पहिल्यांदा राज ठाकरे आनंद आश्रमात जाणार
राज ठाकरे आज ठाणे आणि कळव्यात, आनंद दिघेंच्या मृत्यूनंतर पहिल्यांदा राज ठाकरे आनंद आश्रमात जाणार, खारेगावात श्रीकांत शिंदेंसाठी घेणार सभा
Loksabha Election 2024 Live Updates : आज प्रचाराचा सुपर संडे
पाचव्या टप्प्यासाठी आज प्रचाराचा सुपर संडे आहे. मुंबईत अनिल देसाईंसाठी चिता कॅम्पमध्ये उद्धव ठाकरेंची सभा, तर शरद पवार, संजय राऊत, नाना पटोलेंची सभा भिवंडीतील मविआचे उमेदवार सुरेश म्हात्रेंसाठी होणार आहे. तसेच देवेंद्र फडणवीस आज मुंबईत ईशान्य मुंबईचे उमेदवार मिहिर कोटेचा यांच्या प्रचारात सहभागी होणार आहेत. धुळ्यात शोभा बच्छाव यांच्यासाठी मल्लिकार्जुन खरगेंची सभा होणार आहे. तर मुंबईत आदित्य ठाकरे, अनिल देशमुख संजय दिना पाटलांसाठी सभा घेणार आहेत. त्यासोबतच दक्षिण मुंबईच्या उमेदवार यामिनी जाधव यांच्यासाठीही फडणवीस, नार्वेकरांची सभा होणार आहे.
Loksabha Election 2024 Live Updates : अनिल देसाईंसाठी उद्धव ठाकरेंची मुंबईत सभा
मविआचे उमेदवार अनिल देसाईंसाठी उद्धव ठाकरेंची मुंबईत सभा, तर संजय दिना पाटलांच्या प्रचाराला आदित्य ठाकरे, अनिल देशमुख उपस्थित राहणार
Loksabha Election 2024 Live Updates : एकूण 13 लोकसभा मतदारसंघात मतदान
येत्या 20 मे रोजी महाराष्ट्रातील 13 लोकसभा मतदारसंघात मतदान पार पडणार आहे. यात धुळे, दिंडोरी, नाशिक, पालघर, भिवंडी, कल्याण, ठाणे यांसह मुंबईतील 6 लोकसभा मतदारसंघाचा समावेश आहे. मुंबईतील उत्तर मुंबई, उत्तर पश्चिम मुंबई, उत्तर पूर्व मुंबई, उत्तर मध्य मुंबई, दक्षिण मध्य मुंबई, दक्षिण मुंबई या मतदारसंघात मतदान पार पडणार आहे.
Loksabha Election 2024 Live Updates : मुंबईसह ठाणे, कल्याण, भिवंडीत प्रचारसभांचा धडाडा
लोकसभा निवडणुकांच्या पाचव्या टप्प्याच्या प्रचाराला सुरुवात, येत्या 20 मे रोजी होणार मतदान, आज मुंबईसह ठाणे, कल्याण, भिवंडीत प्रचारसभांचा धडाडा