Maharashtra Breaking News LIVE Updates: एकनाथ शिंदे अमित शाह यांच्या घरी दाखल
LIVE Updates on November 28 महाराष्ट्रातील सर्व घडामोडी पाहा (Maharashtra LIVE News) एका क्लिकवर. मुंबई, पुण्यासह (Mumbai-Pune News) राज्यातील महत्त्वाची शहरं, ताज्या बातम्या, राजकीय बातम्यांचे LIVE अपडे्स (Political News) तसेच इतर अपडेट्स वाचा एक क्लिकवर.
LIVE Updates on November 28 महाराष्ट्रातील सर्व घडामोडी पाहा (Maharashtra LIVE News) एका क्लिकवर. मुंबई, पुण्यासह (Mumbai-Pune News) राज्यातील महत्त्वाची शहरं, ताज्या बातम्या, राजकीय बातम्यांचे LIVE अपडे्स (Political News) तसेच इतर अपडेट्स वाचा एक क्लिकवर.
Latest Updates
ठाकरे गटाचे माहीम दादरचे आमदार महेश सावंत रुग्णालयात दाखल
ठाकरे गटाचे माहीम दादरचे आमदार महेश सावंत यांना लिलावती रुग्णालयात दाखल करण्यात आले आहे. त्यांच्या छातीत दुखू लागले होते. यानंतर आज लिलावती रुग्णालयात महेश सावंत यांच्यावर अँजिओप्लास्टी करण्यात आली आहे.त्यांची तब्येत स्थिर असून दोन दिवसांत त्यांना डिस्चार्ज देण्यात येणार आहे.
Maharashtra Breaking News LIVE Updates: एकनाथ शिंदे दिल्लीत दाखल
अमित शहा यांच्या घरी भाजप नेत्यांच्या बैठकीला सुरूवात
भाजप बैठकीसाठी भाजपध्यक्ष जे पी नड्डा पोहोचले
केंद्रीय गृहमंत्री अमित शहा यांच्या घरी भाजप नेत्यांच्या बैठकीला सुरूवात
महायुतीच्या बैठकी अगोदर भाजप नेत्यांची राजधानी दिल्ली इथं बैठक
जे पी नड्डा अमित शाहांच्या घरी पोहोचले
देवेंद्र फडणवीस आणि अजित पवारांमध्ये बैठक
सुनील तटकरेंच्या घरी केली चर्चा
अमित शाह यांच्यासोबतच्या बैठकीआधी फडणवीस आणि अजित पवारांमध्ये चर्चा
मंत्रीमंडळ स्थापनेसंदर्भात राजधानी दिल्लीत देवेंद्र फडणवीस आणि अजित पवार यांच्यात मंथन
भाजप आणि राष्ट्रवादी सत्तास्थापन करण्याचा मार्ग सुकर करण्यासाठी महायुतीच्या बैठकी अगोदर राष्ट्रवादी आणि भाजप नेत्यांची वेगळी बैठक
राष्ट्रवादी राज्यासह केंद्रात मंत्री पद मिळवण्यासाठी आग्रही
आजच्या बैठकीत होणार निर्णय
एन.डी.स्टुडिओचे परिचालन आता गोरेगाव फिल्मसीटीच्या ताब्यात
दिवंगत कलादिग्दर्शक नितीन देसाई यांनी उभारलेला कर्जत येथील एन.डी.स्टुडिओ महाराष्ट्र चित्रपट, रंगभूमी आणि सांस्कृतिक विकास महामंडळाने परिचालनासाठी (operations) ताब्यात घेतला आहे. सांस्कृतिक कार्य विभागाचे अपर मुख्य सचिव विकास खारगे यांनी गुरुवारी एन.डी. स्टुडीओला भेट देऊन येथील कामकाजाची पाहणी केली. आता एन.डी.स्टुडीओचे परिचालन व्यवस्थापकीय संचालक स्वाती म्हसे पाटील यांच्या मार्गदर्शनाखाली करण्यात येणार आहे.
अखेर बेस्ट कर्मचाऱ्यांना दिवाळी भेट मिळाली, 27 हजार कर्मचाऱ्यांच्या खात्यात बोनस जमा
यंदा दिवाळीचा बोनस न मिळाल्यामुळे बेस्ट उपक्रमातील चालक, वाहक आणि इतर कर्मचाऱ्यांमध्ये नाराजी पसरली होती. मात्र आता दिवाळीनंतर एक महिन्याने २७ हजार बेस्ट कर्मचाऱ्यांच्या बँक खात्यात झाली होत आहेत. दिवाळीनंतरही बोनस मिळत नसल्यामुळे बेस्ट कर्मचाऱ्यांमध्ये नाराजीचा सूर उमटत होता. या मागणी बेस्ट कर्मचाऱ्यांनी 'काम बंद' आंदोलनही केले. कर्मचाऱ्यांचा रोष लक्षात घेऊन मुंबई महानगरपालिकेने बेस्टच्या खात्यात 80 कोटी रुपये जमा केले. मात्र विधानसभा निवडणुकीच्या आचारसंहितेमुळे बेस्ट कर्मचाऱ्यांची बोनस रक्कम मिळू शकला नाही. गुरुवारी 27 हजार बेस्ट कर्मचाऱ्यांच्या बँक खात्यात 27 ते 29 हजार रुपये बोनस जमा झाला, अशी माहिती बेस्ट उपक्रमाच्या जनसंपर्क विभागाकडून देण्यात आली आहे.
आमच्या पक्षात मागायची सवय नाही, योग्यतेनुसार जबाबदारी दिली जाते - प्रवीण दरेकर
महाराष्ट्रात झालेल्या विधानसभा निवडणुकीमध्ये जनतेनं महायुतीला बहुमत दिल्यानंतर आता मुख्यमंत्री कोण होणार आणि त्यांच्या मंत्रिमंडळात कोणाला स्थान मिळणार याची चर्चा सुरु झाली आहे. भाजप विधानपरिषदेचे विरोधी पक्षनेते प्रवीण दरेकर यांना मंत्रिपदाबाबत पत्रकारांनी विचारणा केली. यावर ते म्हणाले की, 'आजवर पक्षाकडे काही मागितला नाही, त्यांनीच विधान परिषद आणि विरोधी पक्षनेते पद दिलं. आमच्या पक्षात मागायची सवय नाही योग्यतेनुसार जबाबदारी दिली जाते'.
विरोधकांचा विजय झाला की EVM चांगलं आणि हार झाली की सगळा दोष EVM ला - अजित पवार
महाराष्ट्र निवडणुकीत झालेल्या विजयानंतर अजित पवार यांनी दिल्ली येथील पक्षाच्या कार्यालयात पत्रकार परिषद घेतली. यावेळी त्यांनी EVM ला दोष देणाऱ्या विरोधी पक्षांची कान उघाडणी केली. त्यांनी म्हटले, 'विरोधक सांगत होते EVM चा काहीतरी घोटाळा आहे त्यात काहीच खरं नाहीये जेव्हा त्यांचा विजय होतो तेव्हा EVM व्यवस्थित असतं आणि त्यांची हार झाली की सगळा दोष EVM ला देतात. सुप्रीम कोर्टाने पण EVM च्या विरोधाची अपील फेटाळली आहे'.
राष्ट्रवादी पक्ष दिल्लीत निवडणूक लढवणार - अजित पवार
महाराष्ट्रात पार पडलेल्या विधानसभा निवडणुकीत महायुतीला मिळालेल्या यशानंतर प्रथमच अजित पवार दिल्लीत पोहोचले आहेत. अजित पवार दिल्ली येथील राष्ट्रवादी काँग्रेस पक्ष कार्यालयात पत्रकार परिषद घेत आहेत. यावेळी प्रफुल्ल पटेल यांसह राष्ट्रवादीचे अनेक प्रमुख नेते उपस्थित आहेत. यावेळी अजित पवार यांनी दिल्लीच्या आगामी निवडणुकीत राष्ट्रवादी काँग्रेस पक्ष निवडणूक लढवणार असे म्हटले.
महाराष्ट्रातील विजयानंतर दिल्लीत अजित पवारांच्या पत्रकार परिषद
महाराष्ट्रात पार पडलेल्या विधानसभा निवडणुकीत महायुतीला मिळालेल्या यशानंतर प्रथमच अजित पवार दिल्लीत पोहोचले आहेत. अजित पवार दिल्ली येथील राष्ट्रवादी काँग्रेस पक्ष कार्यालयात पत्रकार परिषद घेत आहेत. यावेळी प्रफुल्ल पटेल यांसह राष्ट्रवादीचे अनेक प्रमुख नेते उपस्थित आहेत.
निवडणूक आयोगाच्या व्यवस्थेवरच आमचा संशय - नाना पटोले
निवडणूक आयोगाच्या व्यवस्थेवरच आमचा संशय असल्याचे नाना पटोले म्हणाले. निवडणूक आयोगाच्या रिपोर्टची आकडेवारी उशीरा आली. ५ वाजता निवडणूक आयोगीनं ५८.२२ टक्के मतदान झालं हे सांगितलं. मात्र रात्री ११.३० वाजता ६५.२ टक्के मतदान झाल्याचं जाहिर झालं. दुसऱ्या दिवशी सकाळी निवडणूक आयोगानं ६६.५ टक्के मतदान झाल्याचं कळवलं. निवडणूक झाल्यावर निवडणूक आयोग पत्रकार परिषद घेते, माहिती देते... मात्र, यंदा निवडणूक आयोगाची पत्रकार परिषद झालीच नाही.
महाराष्ट्रातील मुख्यमंत्री आणि उपमुख्यमंत्री पदाचा निर्णय आज दिल्लीत होणार
महाराष्ट्राचे काळजी वाहू मुख्यमंत्री एकनाथ शिंदे आज संध्याकाळी 4 वाजता दिल्लीला रवाना होणार आहेत. कालच पत्रकार परिषद घेऊन अमित शहा जो निर्णय घेतील तो आम्हाला मान्य असल्याचे एकनाथ शिंदे यांनी जाहीर केले होते. महाराष्ट्रातील मुख्यमंत्री आणि उपमुख्यमंत्री पदाचा निर्णय आज दिल्लीत होणार असून आज महायुतीच्या तिन्ही नेत्यांची अमित शहा यांच्याबरोबर बैठक होणार आहे.
थंडीमुळे केळीची मागणी घटली शेतकऱ्यांचे नुकसान
उत्तर पुणे जिल्ह्यात मोठ्या प्रमाणात केळी लागवड झाली असून थंडी मुळे केळीला मागणी घटल्याने शेतकरी हवालदील झाला आहे, मोठ्या प्रमाणात खर्च करून केळीच्या बागा फुलल्या असून झाडांना चांगल्या प्रकारे केळीचे घड लागले आहेत परंतु थंडी मुळे बाजारात ग्राहकांन कडून मागणी कमी होत असल्याने परिपक्व झालेली केळी फेकून देण्याची वेळ शेतकऱ्यांवर आली आहे.
नालासोपाऱ्यात पालिकेची मोठी तोडक कारवाई, आरक्षित जागेवर बांधलेल्या 41 अनधिकृत इमारती तोडणार
Nala Sopara, Mumbai : मुंबई उच्च न्यायालयाच्या आदेशाने नालासोपाऱ्यात ४१ अनाधिकृत इमारतींवर कारवाईला सुरूवात झाली आहे. नालासोपारा पूर्वेच्या आचोळे परिसरातील महानगरपालिकेच्या आरक्षित भूखंडावर या इमारती बांधण्यात आल्या आहेत. शेकडो रहिवासी या इमारतीमध्ये वास्तव्य असल्याने या कारवाईमुळे अनेकांचे संसार उध्वस्त होणार आहेत. स्थानिक नागरिकांनी विरोध केल्यास या ठिकाणी तणावपूर्ण वातावरण निर्माण होऊ शकते यासाठी पोलिसांचा मोठा बंदोबस्त ठेवण्यात आला आहे.
जल संधारण विभागाच्या गळथान कारभारामुळे नदी पडली कोरडी, शेतीसिंचनासाठी शेतकरी अडचणीत
वाशिम तालुक्यातून वाहणाऱ्या पूस नदीवर जलसंधारण विभागाकडून लाख रुपये खर्च करून बंधारे बांधण्यात आले आहेत.मात्र या बंधार्‍यामध्ये पाणी अडवताना योग्य खबरदारी न घेतल्यानं वाघजाळी परिसरात नदीपात्र आताच कोरडे ठाण पडले आहे. त्यामुळे आता या परिसरातील रब्बी पिकांच्या सिंचनाचा प्रश्न निर्माण झालाय. जलसंधारण विभागाच्या गलथान कारभारामुळे हे बंधारे बांधण्याच्या उद्देशालाच हरताळ फासली गेली असून शेतकऱ्यांना याचा फटका बसणार आहे.
सरकार स्थापना रखडल्याने शेतकऱ्यांनी रोखली सोयाबीन विक्री
विधानसभा निवडणुकीपूर्वी महाविकास आघाडी आणि महायुतीने सोयाबीन उत्पादक शेतकऱ्यांना वाढीव भाव देण्याचा आश्वासन दिलं होतं मात्र सरकार स्थापन व्हायचं असल्याने सोयाबीन उत्पादक शेतकऱ्यांनी हजारो क्विंटल सोयाबीन घरातच ठेवला असेल सरकार स्थापन होतात दरवाढ होणार असल्याची आशा शेतकरी लावून बसला आहे त्यामुळे सध्या अमरावतीच्या कृषी उत्पन्न बाजार समितीत सोयाबीनची आवक घटल्याचा पाहायला मिळत आहे महायुतीला प्रचंड बहुमत मिळाला असून आता सोयाबीनला सहा हजार रुपये भाव द्यावा अशी मागणी शेतकरी करताना दिसत आहे दरम्यान सोयाबीनचा 4892 हा हमीभाव असून सध्या शेतकरी 3200 ते 4100 रुपये प्रतिक्विंटल ने सोयाबीन विकत आहे.
अजित पवार मुख्यमंत्री व्हावे अशी आम्हा सर्वांची इच्छा- रूपाली चाकणकर
Ajit Pawar: अजित पवार मुख्यमंत्री व्हावे अशी कार्यकर्ता म्हणून पहिल्या दिवसापासून आम्हा सर्वांची इच्छा आहे. महायुती म्हणून जो निर्णय घेतला जाईल तो आम्हाला मान्य असेल. दोन दिवसात सर्व गोष्टी समोर येतील. दिल्लीत आज महायुतीचे तिन्ही मुख्य नेते मोदी आणि अमित शहांना भेटतील. राज्य महिला आयोगाच्या अध्यक्षपदावर मी समाधानी आहे. पुण्यातील पालकमंत्री पदासाठी काही रस्सीखेच नाही मंत्रिमंडळानंतर पालकमंत्री ठरेल पण जे ठरतील ते आम्हला मान्य असेल.
फडणवीसांच्या निवासस्थानाबाहेर 'महाविजयाचे शिल्पकार' अशा आशयाचे कट आउट
Devendra Fadnavis: एकनाथ शिंदे यांनी भाजपचा केंद्रीय नेतृत्व जे ठरवेल त्याला आमचा पाठिंबा असेल असे स्पष्ट केले. त्यानंतर आता भाजपचा मुख्यमंत्रीपदासाठी मार्ग सुकर झालाआहे. देवेंद्र फडणवीस आणि भाजपाच्या कार्यकर्त्यांमध्ये उत्साह वाढला आहे. महायुतीच्या विजयाचे शिल्पकार म्हणून देवेंद्र फडणवीस यांच्याकडे पाहण्यात येत आहे. त्यादृष्टीने भाजप कार्यकर्त्यांनी देवेंद्र फडणवीस यांच्या धरमपेठ येथील निवासस्थानाबाहेर महाविजयाचे शिल्पकार अशा आशयाचे फडणवीसांचे कट आउट लावले आहेत.
कळवा, मुंब्रा आणि दिवा परिसरात शुक्रवारी पाणी पुरवठा शुक्रवारी दिवसभर बंद राहणार
Thane: एमआयडीसीमार्फत जलवाहिनीच्या देखभाल दुरुस्तीचे काम हाती घेण्यात येणार असून या कामामुळे कळवा, मुंब्रा आणि दिवा भागाचा पाणी पुरवठा शुक्रवारी दिवसभर बंद राहणार आहे. या बंदनंतर पुढील काही तास कमी दाबाने पाणी पुरवठा होणार आहे. यामुळे येथील नागरिकांना पाणी टंचाईच्या समस्येला सामोरे जावे लागण्याची शक्यता आहे. गुरूवार, २८ नोव्हेंबर रात्री १२ वाजेपासून ते शुक्रवार, २९ नोव्हेंबर रोजी रात्री १२ वाजेपर्यंत असा २४ तासांसाठी कटाई ते ठाणे दरम्यान पाणी पुरवठा बंद राहणार आहे. पाणी पुरवठा पूर्ववत झाल्यानंतर पुढील काही तास कमी दाबाने पाणी पुरवठा होईल. त्यामुळे या काळासाठी नागरिकांनी पाण्याचा पुरेसा साठा करून ठेवावा, तसेच, पाणी जपून वापरावे, असे आवाहन ठाणे महापालिकेतर्फे करण्यात आले आहे.
आळंदीमध्ये संजीवन समाधी सोहळ्याला सुरुवात, मोठ्या प्रमाणात भाविकांची गर्दी
Kartiki Ekadashi Yatra 2024: संतश्रेष्ठ ज्ञानेश्वर महाराजांच्या संजीवन समाधी सोहळ्याला सुरुवात झाली असून मंदिरामध्ये मोठ्या प्रमाणात भाविकांनी गर्दी केली असून कीर्तन सुरू आहे. संतश्रेष्ठ ज्ञानेश्वर महाराजांच्या संजीवन समाधी सोहळ्यामध्ये गायिका कोमल शेलार ही ही सहभागी झाली. अभंगांच्या माध्यमातून कोमलने माऊलीं प्रति आपली भक्ती व्यक्त केली. आळंदीत संजीवन समाधी सोहळ्यानिमित्त लाखो भाविकांची इंद्रायणी नदीवर गर्दी केली आहे.
बघा व्हिडीओ
अजित पवार थोड्याच वेळात दिल्लीत दाखल होणार
एकनाथ शिंदे आणि देवेंद्र फडणवीस दुपार नंतर दिल्लीत येणार येणार आहेत तर अजित पवार थोड्याच वेळात दिल्लीत दाखल होणार आहेत. संध्याकाळी ६ नंतर अमित शाह यांच्या सोबत सगळ्यांची बैठक होणार आहे. याशिवाय एकनाथ शिंदे यांना शिवसेनेचे खासदार भेटणार आहेत. राज्य सरकार आणि केंद्र सरकार मध्ये शिवसेनेचा वाटा कसा असेल यावर चर्चा होणारआहे. मुख्यमंत्री सोडण्याच्या भूमिकेवर एकनाथ शिंदे खासदारांसोबत चर्चा करणार आहते.
लोकसभेत विरोधकांचा गोंधळ, कामकाज स्थगित
Loksabha: लोकसभेत शपथविधी सुरु आहेत. प्रियांका गांधी यांनी वायनाड मधून जिंकून आल्यावर आता शपथ घेतली. त्यानंतर महाराष्ट्रातील रवींद्र चव्हाणांनी खासदारकीची शपथ घेतली. यावेळी लोकसभेत गोंधळ सुरु झाला. लोकसभेत शपथविधीनंतर विरोधकांनी गोंधळ सुरु केला. दुपारी १२ वाजेपर्यंत लोकसभेचे
कामकाज स्थगित करण्यात आले.राष्ट्रवादी काँग्रेस अजित पवार गटाचे नेते धनंजय मुंडे देवेंद्र फडणवीस यांच्या भेटीला
Dhananjay Munde: राष्ट्रवादी काँग्रेस अजित पवार गटाचे नेते धनंजय मुंढे देवेंद्र फडणवीस यांची भेट घेण्यासाठी सागर निवासस्थानी दाखल झाले आहे.
लग्नकार्य आटपून सांगलीला परतणाऱ्या गाडीचा अपघात, नदीच्या पात्रात कोसळली गाडी
Sangli Accident: सांगलीच्या अंकली नजीक पुलावरून नदीत गाडी कोसळल्याने तीन जण ठार तर दोन जण गंभीर जखमी झाले आहेत. भरधाव गाडीचा ताबा सुटल्याने थेट नदीच्या पात्रात गाडी कोसळली. मृतात दोन महिला आणि पुरुषाचा समावेश आहे. हा अपघात रात्री 1 च्या सुमारास घडला. कोल्हापूरहून लग्नकार्य आटपून सांगलीला परतत असताना अंकलीच्या कृष्णा नदीवरील पुलावरून गाडी कोसळली. मृत कुटुंबीय सांगलीतील आकाशवाणी येथील गंगाधर कॉलनीतील रहिवाशी असल्याची माहिती आहे.
दिल्लीत आज होणार मुख्यमंत्री पदाचा निर्णय, महायुतीची महत्वपूर्ण बैठक
Mahayuti Meeting: महायुतीची आज दिल्लीत महत्वपूर्ण बैठक होणार आहे. केंद्रीय गृहमंत्री अमित शहांसह महायुतीचे नेते या बैठकीत उपस्थित राहणार आहेत. भाजप नेते देवेंद्र फडणवीस आज दिल्लीला जाणार आहेत. दुपारी साडेतीन वाजता फडणवीस दिल्लीला रवाना होणार आहेत.
राज्यातील 'या' शहरातचे तापमान महाबळेश्वर पेक्षाही कमी
Maharshtra Lowest Temperature: राज्यातील अनेक शहरातील तापमान खालावले आहे. यातच आता राज्यातील एका शहराचे तापमान अगदी महाबळेश्वर पेक्षाही कमी झाले आहे. निफाडच्या ओझर मध्ये हे सर्वाधिक कमी तापमान नोंदवले गेले आहे. तिकडे 6.6°c इतक्या तापमानाची नोंद झाली आहे जी महाबळेश्वर पेक्षाही कमी आहे. यामुळे मात्र गहू हरभऱ्यांना फायदा मात्र द्राक्ष पिकाला कमी तापमानाचा फटका बसला आहे.
अमरावती ट्रॅकमनच्या सतर्कतेमुळे मोठा अनर्थ टळला
Amravati: अमरावतीमधून धक्कादायक बातमी येत आहे. अमरावतीच्या धामणगाव रेल्वे येथे रेल्वे ट्रॅक तुटला. ट्रॅकमनच्या सतर्कतेमुळे मोठा अनर्थ टळला. रुळाच्या जॉईट मधील वेल्डींग उखळल्याने रेल्वे ट्रॅक तुटला. पुरी अहमदाबाद सुपर एक्सप्रेस 20 मिनिट उशिरा, अनेक गाड्या उशिरा धावण्याची शक्यता आहे.
राज्यातील 'या' शहरातचे तापमान महाबळेश्वर पेक्षाही कमी, 6.6°c इतक्या तापमानाची नोंद
Maharashtra Lowest Temperature : राज्यातील अनेक शहरातील तापमान खालावले आहे. यातच आता राज्यातील एका शहराचे तापमान अगदी महाबळेश्वर पेक्षाही कमी झाले आहे. निफाडच्या ओझर मध्ये हे सर्वाधिक कमी तापमान नोंदवले गेले आहे. तिकडे 6.6°c इतक्या तापमानाची नोंद झाली आहे जी महाबळेश्वर पेक्षाही कमी आहे. यामुळे मात्र गहू हरभऱ्यांना फायदा मात्र द्राक्ष पिकाला कमी तापमानाचा फटका बसला आहे.
पार्थ पवारांनी ट्विट करून अमोल मिटकरींना खडसावलं, सुनावले खडे बोल
Parth Pawar: अमोल मिटकरींनी घेतलेली भूमिका पक्षविरोधी असल्याचं पार्थ पवार यांनी म्हटलंय. डिझाईन बॉक्सबाबत अमोल मिटकरी यांनी घेतलेल्या भूमिकेशी अजित पवार आणि राष्ट्रवादी सहमत नाही.त्यामुळे या वादापासून त्यांनी दूर राहवं असं पार्थ पवार म्हणाले आहेत.
बघा पार्थ पवार यांचे ट्विट
अमोल मिटकरींनी नरेश अरोर यांच्यावर टीका केल्यानंतर आता पार्थ पवार यांनी अमोल मिटकरींना खडे बोल सुनावलेत. अमोल मिटकरींच्या विधानाचं समर्थन राष्ट्रवादी करत नसल्याचं पार्थ पवार म्हणालते. त्यामुळे माध्यमांशी अशा प्रकारे भूमिका मांडू नये असं पार्थ पवार म्हणालते.अशा प्रकारची भूमिका घेणं अत्यंत दुर्दैवी असल्याचेही ते म्हणाले.मध्य रेल्वेच्या दादर स्थानकातील फलाटांचे आजपासून क्रमांक बदलले
Dadar Local Railway Station: उपनगरीय रेल्वे सेवा आणि मेल-एक्स्प्रेसची सेवा व्यवस्थित करण्यासाठी आणि प्रवाशांच्या सोयी-सुविधांमध्ये वाढ करण्यासाठी मध्य रेल्वेच्या मुंबई विभागाने दादर स्थानकाच्या फलाट क्रमांकात बदल केल्याची घोषणा केली. बुधवार, २७ नोव्हेंबरपासून फलाट क्रमांक १० ऐवजी फलाट क्रमांक ‘९ ए’ आणि फलाट क्रमांक ‘१० ए’ ऐवजी फलाट क्रमांक १० म्हणून ओळखला जाईल.
राज्यात वाढला थंडीचा जोर, पुणे शहर गारठलं; नोंदवले गेले सर्वात नीचांकी तापमान
Maharashtra Weather News: यंदाच्या हंगामात पहिल्यांदाच दहा अंश सेल्सियसपेक्षा कमी तापमानाची नोंद झाली असून, थंडीमुळे रात्रीबरोबर दिवसाही हुडहुडी जाणवू लागली आहे. पुढील काही दिवस तापमानात घट होत राहणार असल्याचा अंदाज हवामानतज्ज्ञांनी वर्तवला आहे. हवामान विभागाने दिलेल्या आकडेवारीनुसार एनडीए पुण्यात (Pune) हंगामातील नीचांकी तापमान नोंदवले गेले. एनडीए येथे ८.९ अंश सेल्सियस तापमानाची नोंद झाली. तर हवेली येथे ९.९, शिवाजीनगर येथे ९.९, पाषाण येथे १०.२, आंबेगाव येथे ११ अंश सेल्सियस तापमान होते.
आज एकनाथ शिंदे आणि भाजपाच्या सर्वोच्च नेत्यांची दिल्लीत बैठक
BJP meeting in Delhi today: आज एकनाथ शिंदे आणि भाजपाच्या सर्वोच्च नेत्यांची दिल्लीत बैठक होणार आहे. या बैठकीनंतर महाराष्ट्राची काळजीवाहू मुख्यमंत्री एकनाथ शिंदे हे त्यांच्या पक्षाच्या सर्व खासदारांशी दिल्लीत भेट घेणार आहे. दिल्लीमध्ये अधिवेशन सुरू असल्यामुळे एकनाथ शिंदे यांच्या पक्षाचे सर्व खासदार आज दिल्लीत आहेत.
डोंबिवलीमध्ये शुक्रवारी एमआयडीसीचा पाणीपुरवठा बंद
Dombivli water supply cut: जांभूळ जलशुद्धिकरण केंद्र व बारावे गुरुत्वावहिनीच्या देखभाल दुरुस्तीचे काम शुक्रवारी २४ तास करण्यात येणार आहे. या कामामुळे एमआयडीसी, कल्याण डोंबिवली तळोजा, डोंबिवली महापालिकेचा काही भाग, उल्हासनगरचा काही भाग, आदी ठिकाणी पाणीपुरवठा होणार नाही. शनिवारीही कमी दाबाने पाणीपुरवठा होईल, असे एमआयडीसी पाणीपुरवठा विभागाने जाहीर केले.
मुंबई आणि उपनगरात सर्दी खोकल्याचे रुग्ण वाढले
Cold cough patients increased in Mumbai: शहरात मागील काहीदिवसांपासून तापमानाचा पारा घसरला असून अचानक झालेल्या वातावरणातील बदलामुळे सर्दी, खोकल्याच्या रुग्णांमध्ये वाढ झाली आहे. बदलत्या वातावरणाचा सर्वाधिक परिणाम लहान मुलांसह ज्येष्ठ नागरिकांच्या आरोग्यावर होत आहे. शहरातील प्रदूषणातदेखील वाढ झाली असून त्याचा परिणाम नागरिकांच्या आरोग्यावर होत आहे. वाढलेल्या थंडीमुळे महापालिकेच्या रुग्णालयांसह खासगी रुग्णालयात उपचारासाठी येणारी रुग्णांची गर्दी वाढली आहे.
CET Exam सीईटी परीक्षांचे संभाव्य वेळापत्रक जाहीर
Education News: राज्यातील विविध व्यावसायिक अभ्यासक्रमांच्या प्रवेशासाठी घेण्यात येणाऱ्या राज्य सामाईक प्रवेश परीक्षांचे सीईटी संभाव्य वेळापत्रक महाराष्ट्र राज्य सामाईक प्रवेश परीक्षा कक्षाने जाहीर केले आहे. त्यानुसार, शैक्षणिक वर्ष २०२५-२६मध्ये अभियांत्रिकीसह औषधनिर्माणशास्त्र, कृषी पदवी, अशा अभ्यासक्रमांच्या प्रवेशासाठी ९ ते २७ एप्रिल २०२५ या कालावधीत प्रवेश परीक्षा घेण्यात येणार आहे.