पुणेकरांना 4 तासांत बँकॉकला जाता येणार; दुबई, सिंगापूरनंतर नवी विमान सेवा

Pune Bangkok Direct Flight : पुणेकरांना थर्टीफस्ट सेलिब्रेशन बँकॉकमध्ये प्लान करण्याची संधी आहे. दुबई, सिंगापूरनंतर नवी विमान सेवा करण्यात आली आहे.

Pune Airport To Start Pune-Bangkok Direct Flight :  पुणेकरांना थर्टी फस्ट बँकॉकमध्ये प्लान करण्याची संधी आहे. पुणे विमानतळावरून दुबई, सिंगापूरनंतर नवी विमान सेवा सुरु करण्याची घोषणा करण्यात आली आहे. 20 डिसेंबर पासून  पुणे विमानतळावरून थेट बँकॉकसाठी विमानसेवा सुरु केली जाणार आहे. यामुळे ख्रिसमस, थर्टी फस्ट, न्यू इयर सेलिब्रेशन तसेच फॉरेन टूरचा प्लान करणाऱ्या पुणेकरांसाठी थेट परदेशात जाण्याची संधी आहे.  

पुण्याहून देशांतर्गतसह आंतरराष्ट्रीय विमान उड्डाणांमध्ये आता वाढ झाली आहे. पुण्यातून बँकॉकसाठी नवी विमान सेवा सुरु करण्याची घोषणा करण्यात आली आहे.  20 डिसेंबरपासून पुणे बँकॉक विमानसेवा सुरु होणार आहे. विंटर शेड्युलमध्ये पुण्याहून बँकॉकसाठी विमानसेवा सुरू करण्यात आली आहे. 

पुण्यातून आधी स्पाईसजेटकडून सिंगापूर सेवा सुरु केली. यानंतर एअर इंडियाकडून (आधीची विस्तारा) दुबईसाठी थेट विमानसेवा सुरू करण्यात आली. यात आता बँकॉक विमानसेवेची भर पडली आहे. यामुळे पुणे शहर तीन आंतरराष्ट्रीय ठिकाणांशी हवाई मार्गाने थेट जोडले गेले आहे.  पुणे विमानतळावरील आंतरराष्ट्रीय उड्डाणांची संख्या पाचवर पोहोचली आहे. दुबई 2, बँकॉक 2 आणि सिंगापूर 1 अशी पाच उड्डाणे आहेत. 

पुण्यातून दुबईसाठीची विमान सेवा ही दररोज उपलब्ध आहे. पुण्यातून सायंकाळी 5.40 वाजता विमान दुबईला रात्री 10.10 वाजता पोहोचेल. दुबईतून हे विमान रात्री 12.15 मिनिटांनी सुटेल. पुण्यातून बँकॉकसाठी आठवड्यातून तीन दिवस बुधवारी, शुक्रवारी आणि शनिवारी थेट विमानसेवा सुरू असेल असे समजते. हे विमान पुण्यातून रात्री 11.10 ला टेक ऑफ घेईल. तर, बँकॉकवरून रात्री 1 वाजून 15 मिनिटांनी सुटेल.