स्वाभिमानी शेतकरी संघटनेचे कार्यकर्ते आक्रमक

कोल्हापूर: जयसिंगपुर इथल्या उस परिषदेत उसाच्या दराची घोषणा होण्याआगोदर कोल्हापूर जिल्ह्यातील परितेमध्ये उस तोडणी करुन उस वाहातूक करणा-या ट्रक्टरवर स्वाभीमानी शेतकरी संघटनेच्या कार्यकर्त्यांनी हल्ला चढवला.

स्वाभीमानी शेतकरी संघटनेच्या कार्यकर्त्यांनी उसानं भरलेला ट्रॅक्टर अडवून ट्रॅक्टरची हवा सोडून दिली. त्याचबरोबर ट्रॅक्टरची मोडतोडही केली.

कागल तालुक्यातील संताजी घोरपडे साखर कारखान्याकडं हा उस घेऊन जात होते. ऊसाचा दर जाहीर केल्याशिवाय कोणत्याही कारखान्यांनी ऊसाची तोड करण्याचा प्रयत्न केला. तर त्यांना अद्दल घडवू असा इशारा स्वाभीमानीच्या कार्यकर्त्यांनी दिला