सुशांत आत्महत्या प्रकरणाचा तपास करण्यासाठी सीबीआयची टीम मुंबईत दाखल

सुशांत सिंह राजपूत मृत्यू प्रकरणाची चौकशी करण्यासाठी सीबीआयची टीम मुंबईत दाखल झाली आहे.

मुंबई : सुशांत आत्महत्या प्रकरणाचा तपास करण्यासाठी सीबीआयची टीम मुंबईत दाखल झाली आहे. मुंबई विमानतळावरुन ते हॉटेलवर जाणार आहेत. त्यानंतर ते चौकशीला सुरुवात करतील. सीबीआयच्या या टीममध्ये अनेक महत्त्वाच्या अधिकाऱ्यांचा समावेश करण्यात आला आहे. सुशांतच्या मृत्यू प्रकरणात सत्य समोर आणण्याची मोठी जबाबदारी या अधिकाऱ्यांवर असणार आहे.

सीबीआयच्या अधिकाऱ्यांच्या सोबत फॉरेन्सिक टीम देखील आहे. सुशांतच्या मृत्यूबाबत त्याच्या घरी संपूर्ण घटनेचं रिक्रिएशन केलं जाण्याची शक्यता आहे. सीबीआयची जवळपास 16 सदस्यांची ही टीम असल्याचं कळतं आहे. सीबीआयच्या पथकाने क्वायरन्टाईनमधून सूट मिळावी अशी मागणी केली होती, जी बीएमसीने मान्य केली आहे.

अधिक वाचा: सीबीआयची हे अधिकारी करणार सुशांत मृत्यू प्रकरणाचा तपास

सीबीआय तपासासाठी फॉरेन्सिक्स टीम आणि समन्वय युनिट (टीएफसी) ची मदत घेईल. बिहार पोलिसांनी दाखल केलेल्या एफआयआर (एफआयआर) च्या आधारे सीबीआय या प्रकरणाची चौकशी करेल.

सीबीआयच्या या एसआयटीचे प्रमुख सीबीआयचे सहसंचालक मनोज शशीधर आहेत. अनेक महत्त्वाच्या प्रकरणांचा तपास करणारे अधिकारी सुशांतसिंह राजपूत प्रकरणाची चौकशी करतील.