Maharastra News: राज्याचे उपमुख्यमंत्री आणि गृहमंत्री देवेंद्र फडणवीस यांना काही दिवसांपूर्वी जीवे मारण्याची धमकी देण्यात आली होती. दरम्यान या धमकी देणाऱ्या व्यक्तीला पोलिसांनी अखेर बेड्या ठोकल्या आहेत. देवेंद्र फडणवीस यांना धमकी देणाऱ्या योगेश सावंतला मुंबईतील सांताक्रूझ पोलिसांनी अटक केली आहे. योगेश सावंत याला पोलिसांनी नवी मुंबई परिसरातून अटक करण्यात आली आहे. त्यानंतर त्याला गुरुवारी न्यायालयात हजर करण्यात आलं. या प्रकरणात न्यायालयाने त्याला 14 दिवसांची न्यायालयीन कोठडी सुनावली आहे.


COMMERCIAL BREAK
SCROLL TO CONTINUE READING

गावरान विश्लेषक नावाच्या फेसबुक चॅनलवर या व्यक्तीने मुलाखत दिली. यावेळी त्याने फडणवीस यांच्याबद्दल अपशब्द वापरले आणि त्यांना जीवे मारण्याची भाषा केली. इतकंच नाही तर ही मुलाखत फेसबुक, इन्स्टाग्राम, ट्विटर आणि यूट्यूबवरही पोस्ट करण्यात आली. पोलिसांना मिळालेल्या या तक्रारीच्या आधारे पोलिसांनी मुलाखत घेणारा आणि योगेश सावंत नावाच्या व्यक्तीविरुद्ध एफआयआर दाखल केला आहे.


सांताक्रूझ पोलिसांनी केली कारवाई


याप्रकरणी सत्ताधारी शिवसेनेच्या युवा शाखेचे शहर पदाधिकारी अक्षय पनवेलकर यांनी मंगळवारी सायंकाळी सांताक्रूझ पोलिस ठाण्यात तक्रार दाखल केली होती. एका मुलाखतीदरम्यान एका अज्ञात व्यक्तीने महाराष्ट्राचे उपमुख्यमंत्री देवेंद्र फडणवीस यांच्या विरोधात आक्षेपार्ह भाषा वापरली आणि भाजप नेत्याला जीवे मारण्याची धमकी दिल्याचे तक्रारीत म्हटलं आहे.


अधिकाऱ्याने सांगितलं की, या प्रकरणी पोलिसांनी कलम 153-ए (धर्माच्या आधारावर वेगवेगळ्या गटांमध्ये वैर वाढवणे), 500 (बदनामी), 505 (गुन्हा करण्यास प्रवृत्त करणे) आणि 506 (गुन्हेगारी धमकावणे) ही कलमे नोंदवली आहेत. दंड संहिता) अंतर्गत एफआयआर नोंदवण्यात आला. फेसबुक युजर योगेश सावंतला व्हिडिओ शेअर केल्याप्रकरणी एफआयआरमध्ये आरोपी करण्यात आले होते. याप्रकरणी अधिक तपास सुरू असल्याचे अधिकाऱ्याने सांगितले.