मनसेच्या त्या ८ कार्यकर्त्यांनी घेतली राज ठाकरेंची भेट

मुंबई : काँग्रेस ऑफिस फोडल्याप्रकरणी अटक झालेल्या मनसेच्या आठ कार्यकर्त्यांनी मनसे अध्यक्ष राज ठाकरे यांची कृष्णकुंज येथे भेट घेतली. 

यावेळी राज ठाकरे यांनी मनसे कार्यकर्त्यांची चौकशी करत केलेल्या कामाबद्दल कार्यकर्त्यांना कौतुकाची थाप दिली. तर दुसरीकडे सरचिटणीस आणि राज ठाकरे यांची पक्षांतर्गत बैठक पार पडली. 

पुढील वर्षाच्या वाटचालीबाबत आणि नियोजनाबाबत या बैठकीत चर्चा झाली. नववर्षापासून राज ठाकरे महाराष्ट्राच्या दौ-यावर जाणार असल्याची माहिती मनसे नेते बाळा नांदगांवकर यांनी दिली.