मुंबई - हैदराबाद एक्स्प्रेसचे इंजिन घसरल्याने लांबपल्याच्या गाड्या खोळंबल्या

रायगड : मध्य रेल्वे मार्गावर कर्जत दरम्यान मुंबई - हैदराबाद एक्स्प्रेसचे इंजिन रुळावर घसरल्याने मुंबईहून पुण्याकडे जाणाऱ्या लांब पल्याच्या गाड्यांवर परिणाम झालाय. तसेच मुंबई फास्ट लोकलवर याचा परिणाम दिसत आहे. अनेक गाड्या खोळंबळ्या आहेत.

मुंबई - हैदराबादचे इंजिन कर्जत लोणावळा दरम्यान ठाकूरवाड़ी रेल्वे स्टेशन घाट परिसरात घसरले. त्यामुळे मुंबईहून पुण्याकडे जाणाऱ्या सर्व लांब पल्ल्याच्या जलद रेल्वे गाड्या काही तास उशीराने धावत आहेत.

मुंबई- कन्याकुमारी एक्स्प्रेस कल्याणला थांबविण्यात आली आहे. वांगनी येथे मुंबई-भुनेश्वर कोणार्क एक्सप्रेस थांबविण्यात आलेय. मुंबई-नांदेड़ कर्जतला थांबविण्यात आली आहे. तर डेक्कन आणि प्रगती एक्सप्रेस कर्जतच्या दिशेकडे वळविण्यात आल्या आहेत. कल्याणहून रेल्वेचे अपघात पथक घटनास्थळाकडे रवाना झालेय. या अपघातत कोणतीही हानी झालेली नाही.