Viral Video: मध्यमवर्गीय असो किंवा श्रीमंत व्यक्ती असो...गाडी विकत घेताना त्यात सर्व सुखसोयी असाव्यात अशी प्रत्येकाची इच्छा असतो. पैसा असेल तर जास्तीत जास्त महागडी कार विकत घेणं प्रत्येकाचंच स्वप्न असतं. कार विकत घेताना त्यात असणारे फिचर्स यासह सुरक्षा या गोष्टींना आपण प्राधान्य देतो. पण जर एखादी महागडी गाडी विकत घेतली असेल पण रस्ताच चांगला नसेल किंवा पायाभूत सुविधा योग्य नसतील तर काय फायदा? नेमका हाच प्रश्न तुम्हाला हा व्हिडीओ पाहिल्यानंतर पडेल. 


COMMERCIAL BREAK
SCROLL TO CONTINUE READING

रस्त्यांवर धावणाऱ्या वाहनांचा वेग नियंत्रित करण्याच्या हेतूने महत्त्वाच्या ठिकाणी स्पीड ब्रेकर्स (Speed Brakers) उभारलेले असतात. पण हे स्पीड ब्रेकर्स कधीकधी चालकांसाठी अडचणीचे ठरतात. नुकतंच मुंबईत (Mumbai) असा एक अनुभव देणारा व्हिडीओ व्हायरल (Viral Video) झाला आहे. याचं कारण म्हणजे एक कार मुंबईतल्या स्पीड ब्रेकरवर अडकली होती. बरं ही कार काही साधीसुधी नव्हती तर तब्बल 1 कोटी किंमत असणारी Jaguar XJ होती. कार अडकल्याने चालक इतका हतबल झाला होता की, लोकांना अक्षरश: गाडीला धक्का देऊन बाहेर काढावं लागलं. 


एका इन्स्टाग्राम युजरने हा व्हिडीओ शेअर केला आहे. यामध्ये त्याने Jaguar XJ रस्त्यात अडकल्याचं सांगत व्हिडीओच दाखवला आहे. "आर्थिक राजधानीत योग्य रस्तेही का नाहीत?" अशी विचारणा त्याने केली आहे. 



या व्हिडीओवर अनेकांनी कमेंट केली आहे. तसंच हा व्हिडीओ 30 हजारांहून अधिक लोकांनी पाहिला आहे. काहींना अशा गाड्या भारतात विकतच घेऊ नये असं म्हटलं आहे, तर एकाने हा स्पीड ब्रेकर आहे की कार ब्रेकर असं उपहासात्मकपणे विचारलं आहे.