दक्षिण मुंबईत उद्या पाणीपुरवठा बंद

मुंबई : जलवाहिनींवर नवीन झडपा बसविण्यात येणार आहे. त्यामुळे दक्षिण मुंबईत उद्या पाणीपुरवठा होणार नाही. 

शुक्रवारी ७ जुलै, २०१७ रोजी सकाळी १०.०० वाजेपासून शनिवारी ८ जुलै, २०१७ रोजी सकाळी १०.०० वाजेपर्यंत पाणीपुरवठा होणार नाही, असे पालिकेच्यावतीने कळविण्यात आले आहे.

मरोळ-मरोशीपासून माहीम-रुपारेल ते रेसकोर्सपर्यंतचा जलबोगदा बंद राहणार आहे. जलवाहिनींवर नवीन झडपा बसविण्यासाठी पाणीपुरवठा बंद राहणार आहे, असे मुंबई पालिका पाणीपुरवठा प्रशासनाकडून सांगण्यात आले आहे.