आयसीआयसीआय बँकेच्या ग्राहकांसाठी... असं असेल व्यवहारांवरचं शुल्क

नवी दिल्ली : बाकीच्या बँकांप्रमाणेच आयसीआयसीआय बँकेनंही ग्राहकांकडून ठराविक व्यवहारांनंतर शुल्क आकारण्याचा निर्णय घेतला आहे. आयसीआयसीआय बँकेकडून हे दर घोषित करण्यात आले आहेत.

असं असेल ठराविक व्यवहारानंतरचं शुल्क

- आयसीआयसीआय बँकेच्या ग्राहकांना महिन्यातल्या पहिल्या चार व्यवहारांवर कोणतंही शुल्क द्यावं लागणार नाही. यानंतर प्रत्येक एक हजार रुपयांसाठी ५ रुपये किंवा १५० रुपये द्यावे लागतील. ज्या शहरामध्ये ग्राहकाचं खातं असेल तिकडेच ही सुविधा मिळणार आहे.

- आयसीआसीआयच्या दुसऱ्या शाखांमध्ये पहिल्या व्यवहारांवर कोणतंही शुल्क लागणार नाही. यानंतर प्रत्येक एक हजार रुपयांसाठी ५ रुपये किंवा १५० रुपये द्यावे लागतील.

- आयसीआयसीआय बँकेच्या होम ब्रॅन्च सोडून इतर ब्रॅन्चमध्ये पैसे भरल्यास प्रत्येक एक हजार रुपयांसाठी ५ रुपये किंवा १५० रुपये शुल्क आकारण्यात येईल.